တၞဟ်နသ္ဂောံစန်ပကောံ သၟတ်မန်မတန်တဴမံၚ် ပ္ဍဲဍုၚ်သၟာၚ်ဂမၠိုၚ်ကီု၊ နကဵုဂၠံၚ်တရဴ ကမၠောန်ဒုၚ်သ္ဇိုၚ်ကဵု သၟတ် မန်တံ အလုံအိုဿီု ပံၚ်တောဲ သ္ဂောံထမံက်ရုပ်ရဴကီု၊ သွက်ဂွံထံက်ပၚ်အာ သၟတ်မကတ်လ္ၚတ်ပညာကီု၊ သွက်ဂွံက လိဂွံဆက်စၠောံ ကေုာံ ဒက်ပ္တန်အာ ပရေၚ်ညဳသာသၟဟ်န် အကြာသၟတ်ကီု၊ သွက်ဂွံလွဳၜံၚ်ပတိတ် သၟတ်ဂွံဒှ်က္ဍိုပ် သ္ကိုပ် ညးမဒုၚ်ခဳလ္တူဂကူကီု၊ သွက်ဂွံထိၚ်ဒဝ်မၚ်မွဲ သၠုၚ်ပ္တိုန်ကဆံၚ် အရေဝ်၊ လိက်ပတ်၊ ယေန်သၞာၚ်၊ အခိုက်ကၞာ၊ ပြဝေဏဳဂကူမန်ကီု၊ သွက်ဂွံပါလုပ်ကောံတာလျိုၚ် ပ္ဍဲအရာမရုန်ဂ္စာန်ဗၠးၜးဂကူမန် မွဲမွဲဒၞာဲကီု ရန်တၟံတုဲ ဒက်ပ္တန်လဝ် ဂကောံဝွံရောၚ်။
ဝၚ်ဂကောံသၟတ်မန်-တိဍာ်ဗၠးၜး
သွက်ဂွံပတုဲဖဵု သၟတ်ဂမၠိုၚ်တုဲ ပိုဲတံဒးဒက်ဂကောံမွဲဏောၚ် သာ်ဝွံနာဲကဇ္ဇမန်၊ နာဲဒဏ္ဍာရဳ၊ နာဲဥက္ကာတံ ချပ်သဳ ကၠဳညးသ္ကအ်တုဲ စဒက်ပ္တန်ကၠုၚ် ဂကောံသၟတ်မန်-တိဍာ်ဗၠးၜးမွဲရ။ ဂကောံသၟတ်မန်-တိဍာ်ဗၠးၜးဝွံ မံက်ဂတဝ်ကၠုၚ်နူ သၟတ်မၞုံဗွိုၚ်အကြာပယျဵုမာဆံက် (ဍုၚ်ဗၟာချိုတ်) ဂမၠိုၚ်တံ ပံၚ်ကောံတုဲ ဒက်ပ္တန်ကၠုၚ်လဝ်ဟီုဂွံရ။
ပ္ဍဲကဵုစၟတ်တ္ၚဲ ၁၀၊ ဂိတုဂျောန်၊ ၂၀၀၇ ဂှ် စဒက်ပ္တန်ကၠုၚ်လဝ် ပ္ဍဲကဵုမာဆံက် (ဍုၚ်ဗၟာချိုတ်) ပယျဵုသေံ ကေုာံ ဗၟာ ဗဒိုပ်မေဝ်ဠတေံရ။ ပ္ဍဲကဵုစၟတ်တ္ၚဲ ၁၉ ဂိတုမေ၊ သၞာံ ၂၀၀၈ ဂှ် ထပ်သၠဲပတိတ် ဂကောံသၟတ်မန်-တိဍာ်ဗၠးၜး-သ္ကုတ်မလေဝ်သျှာတုဲ ဖျေံသ္ဇိုၚ်တန်တဴ ပ္ဍဲဍုၚ်မလေဝ်သျှာရ။
0 comments :
Post a Comment