တၚ်သၟာန်သှ်ေသၟေဟ်နူပေါဲဟီုတွံတေံ(ပ္ဍဲရုၚ်ဟံၚ်ပြာ်မန်)

    “သွက်ဂွံကလိဂွံ ကံကုသဵုမန် မန်ဂွံဖန်ဖက်ကေတ်တ်မာန်ဂှ် နဲစုၚ်ဒးဂိုတ်ဂစာန်ကၠောန်အာရောၚ်၊   ဗော် A.M.D.P ပိုဲ လုပ်ဒုၚ်ရုဲမာဲ (သၞာံ ၂၀၁၀) တုဲ ဒှ်ကလိဂွံအမာတ် ကတဵုဒှ်ဝန်ဇၞော် အပ္ဍဲတွဵုရး၊ တုဲပၠန်ဒုၚ်ထ္ပက်လဝ်စၟတ်တဲမ္ဒး ရှ်ေသှ်ေ ရဴဂဴအာသၞောဝ် (သၞာံ ၂၀၀၈) ဂှ် ဍာံပြဒၟံၚ်ရ၊”   ရဴဝွံ နာဲဇၞုမန် (ကော်) နာဲၚိုဲသိၚ် မဒှ် ဥက္ကဌ ဗော် A.M.D.P ဟီုဂးဏါ အဃောဆဵုဂဗကဵု ဂကောံကွာန်နာနာ ပ္ဍဲရုၚ်ဟံၚ်ပြာ်မန် စၟတ်တ္ၚဲ ၃ ဂိတုနိုဝ်ဝေန်ဗာ (သၞာံ ၂၀၁၂) ဂှ်ရ၊ အပ္ဍဲပေါဲဆဵုဂဗဝွံ တၚ်သၟာန်သၟဟ်မသှ်ေဒၟံၚ် နူပေါဲဟီုတွံပရေၚ်လိခ်ပတ်မန် (၂၈-၁၀-၂၀၁၂) ဂှ်ဆက်တုဲ ဂကောံကွာန်နာနာတအ် သၟာန်အာတုဲ နာဲဇၞုမန် ကေုာံ နာဲမၞိက်ၜိုပ် ကလေၚ်သှ်ကလးရ၊   “ဗော် A.M.D.P ပိုဲဂှ် ပ္ဍဲ (သၞာံ ၂၀၁၀) ညးဍုၚ်ကွာန်မန် အာတ်မိက်သွက်ဟီုဂးသွက်မန် အပ္ဍဲကၠတ်ထဝ်ဂးတုဲ စန်ဒက်ပံက်လဝ် ဗော် လုပ်ဒုၚ်ရုဲမာဲရ၊ ဣဝွံ ပိုဲကၠောန်သွက်ဂကူမန် မွဲနဲမွဲဗီုကီုရောၚ် စှ်ေစိုတ်ရ၊”   နာဲဇၞုမန် ဆက်တုဲကလေၚ်သှ်ဂးလဝ်လ္တုသၟာန်စို်ပ်ဂှ်ရ၊ နာဲဇၞုမန် ဟီုဂးသီုဂလာန် ဟာသ
(ဂြိုၚ်ဂအီ) လေပ်တုဲ ကုညးမတိုန်စို်ပ်ဗၞတ် (၂၀) တၠပြၚ်ၚ်တအ် ဒးကအ်ဂြိုၚ်ဂအီအိုတ်ရ၊                    ပေါဲဆဵုဂဗသၟာန်သှ်ဝွံ နူလဒေါဝ် ၁၂:၃၀ စဵုစို်ပ် ၀၄:၀၀ တုဲ ဒှ်ဂုဏ်ပြဲသွက်ဂကူမန် မၞုံဍုၚ်မလေဝ်သျှာ ဇၞော်ကဵုဇြဟတ်ရောၚ်၊ ညးတိုန်စို်ပ်မွဲတၠဟီုထ္ၜးဂှ် ဂွံတီကေတ်ရ။