ပေါဲပြိုၚ်ဟီုအရေဝ်ခိုဟ်ဝွံ အခိၚ်လဒေါဝ်တ္ၚဲ ၁၂း ၃၀ နာဍဳဂှ် စပ္တံပံက်ဏါအသေဟာန်တုဲ တၠဂုဏ်အ္စာကောဝိဒ၊ ဥက္ကဌကမ္မတဳကၠောန်ဗဒှ် တ္ၚဲကောန်ဂကူမန် (၆၇)ဝါ နာဲသာၚ်ဝဏ္ဏ ရေၚ်တၠုၚ်ဏါ နဒဒှ်သဘာပတိတုဲ ညးအုပ်ကာ MMA နာဲဂံၚ်သ္ကာဂှ် ရေၚ်တၠုၚ်ဏါ လျိုၚ်သ္ဘၚ်ကၞာရ။
စၞးဂကောံခါတ်အကာဲ နာဲရာမညအီဆာဲ သောၚ်ကလးဗီုပြၚ်သ္ဂောံပြိုၚ်ပ္ကာန်တုဲ နဒဒှ်ညးခါတ်အကာဲ သာပ်ကမ္မတဳ ပေါဲပြိုၚ်ဟီုအရေဝ်ခိုဟ် နာဲဥက္ကာ၊ နာဲကယျိုၚ်မန်၊ နာဲရာမညအီဆာဲတအ် ရေၚ်တၠုၚ်ဏါရ။ နာဲကမ်ဆာဲ၊ နာဲဗညာသာၚ်၊ နာဲဉာဏ်သၠဲ၊ နာဲထဝ်၊ နာဲအမေတ်ဆာန်တအ် ပါလုပ်ပြိုၚ်ပ္ကာန်တုဲ ညးဆာန်ဂကူမန် စိုတ်လုပ်စကဵု ပေါဲပြိုၚ်ဟီုအရေဝ်ခိုဟ် ဗၞတ်ၜိုတ်(၁၅)တၠပြၚ်ၚ် တိုန်စိုပ်ကဵုလဝ်ဇြဟတ်ရ။
ပေါဲပြိုၚ်ပ္ကာန်တုဲ ရုဲစှ်ဏါသွက်သ္ဂောံပၠံၚ်ဗိုလ် ပ္ဍဲစၟတ်တ္ၚဲ ၉/၂/၂၀၁၄ တေံမာန်ဂှ် နာဲဗညာသာၚ်၊ နာဲအမေတ်ဆာန်၊ နာဲဉာဏ်သၠဲ ညး(၃)တၠမဒှ်ရ။ စပ်ကဵုသ္ဂောံကဵုလာပ်ကုညး ကလိဂွံလာပ်ဂှ် ဂကောံဟံၚ်ဟ်မြန်ကေတ်လဝ် တာလျိုၚ်ရောၚ် ဥက္ကဌ ဂကောံဟံၚ်ဟ်မြန် နာဲသာၚ်ဝဏ္ဏ ပံက်ဟီုလဝ်ပ္ဍဲသ္ဘၚ်ပေါဲပြိုၚ်ဟီုအရေဝ်ခိုဟ်ဂှ်ရောၚ် ဂွံတီကေတ်ရ။
0 comments :
Post a Comment