ကောံဓရီုကာမံက်တိုန် ဂကောံပံၚ်ကောံမန်မလေဝ်ယှာ ကၠောန်ဗဒှ်တုဲဒှ်အာဗွဲမအံၚ်ဇၞး

ကောံဓရီုကာမံက်တိုန်ဂကောံပံၚ်ကောံမန်မလေဝ်ယှာဂှ် ကၠောန်ဗဒှ်ဏါပ္ဍဲစၟတ်တ္ၚဲ ၅ ဂိတုဂျာန်နာဝါရဳ သၞာံ ၂၀၁၄ ၝောံခန်ရုၚ်ကောံဓရီု ဒၞာဲဌာန်ဂအုပ်ရုၚ်ဂကောံပံၚ်ကောံမန်မလေဝ်ယှာ အရာပ်ပူတူပလာဇြာ လ္တူဍုၚ်ဇၞော်ကွာလာ လာမ်ပူ ကၟိန်ဍုၚ်မလေဝ်ယှာရ။
ညးအုပ်ကါဂကောံပံၚ်ကောံမန်မလဝ်ယှာ နာဲဂံၚ်သ္ကာ ရေၚ်တၠုၚ်ဏါ လျိုၚ်ကောံဓရီုတုဲ တၠဂုဏ်ထာဝရ (မၞုံပိုန်ဘာ ဟူတာန်မဳလေန်တာန်) ၊
တၠဂုဏ်ကောဝိဒ (မၞုံပိုန်ဘာ KL) ၊ဥက္ကဌ မန်မလေဝ်ယှာ နာဲအကးပေၚ် ဒု ဥက္ကဌ နာဲဥက္ကာ ရေၚ်တၠုၚ်ဏါ ဂကောံသဘာပတိရ။ ကောံဓရီုဂှ် နူဂယး(၁၀) နာဍဳစပံက်ကောံဓရီုတုဲ တၠဂုဏ်ထာဝရ ဟီုဂလာန်၊ ဥက္ကဌ မန်မလေဝ်ယှာ နာဲအကးပေၚ်ဟီုဂလာန် ညးအုပ်ကါမန်မလေဝ်ယှာနာဲဂံၚ်သ္ကာ ဗှ်ထ္ၜးလိက်ဒုၚ်စဳ ရေၚ် သၞာံ ၂၀၁၃တုဲ ကောံဓရီုသ္ကုတ် ပထမ တုဲဒှ်အာရ။
သ္ကုတ်ဒုတိယ ၁၂း၄၅ လဒေါဝ်တ္ၚဲ စပ္တံဏါပၠန်ဂှ် သ္ၚဳဂၠိပ်သဳကၠဳသၞောဝ်ဥပဒေသ္ဇိုၚ်ဒက်ပ္တန်ဂကောံဗွဲမသၠဲလးတုဲ သ္ပဒတန်ဏါ တုဲမ္ဂး လးထ္ၜးကိုန်အစဳဇန် သွက်လၟေၚ်ကမၠောန်သၞာံ ၂၀၁၄ ရ။ ပ္ဍဲကဏ္ဍ ဒၞာံညးတာလျိုၚ်ယအ်ဒၟံၚ် ဖက်ဆောညးအုပ်ကါလၟိဟ်(၁) ဂှ် ရုဲစှ်သ္ပဒတန်ဏါ နာဲရာမညအီဆာဲရ။ ဆက်တုဲသဳကၠဳပရေၚ်ကါနာနာ ဗွဲမသၠဲလးပၠန်ရ။ စိုပ်အခိၚ် ရ နာဍဳ ဗ္တမ်ဂှ် အုပ်ကၠေံဏါကောံဓရီု နကဵုဒွက်ကောန်ဂကူရ။
ပ္ဍဲကောံဓရီုကာမံက်တိုန်ဂှ် ဂကောံနာယကဂမၠိုၚ် ညးတာလျိုၚ်လ္ပါ်ဒေသ ဗဳနာန်ဂမၠိုၚ် ကမ္မတဳကေၚ်ကာ သ္ကုတ် KL ကေုာံ ညးစၞးဂကောံကွာန် ၊ညးစၞးသၟတ် MYA အပံၚ် (၂၄)တၠတိုန်စိုပ်လဝ်ရောၚ်ဂွံတီကေတ်ရ။