က္ဍိုပ်သ္ကိုပ်ဂမၠိုၚ် လ္တူကမၠောန်ချဳဓရာၚ်ဂကူ ညံၚ်ဟွံဂွံသ္ပလဝ်မဇ္ဇုဟ် ကုသၟတ်တံ(ဝါ) ခေတ်တ္ၚဲဏံ သၟတ်တံလေဝ် သာသ္ပအ်မံၚ်ဟွံထေက်ရပုဟ် နာဲရတ်ပံၚ်ဟီု
ဂကောံသၟတ်မန်-တိဍာ်ဗၠးၜး သ္ကုတ်မလေဝ်ယှာ သၞာံ ၂၀၁၄
လိက်လၟေၚ်ဗညာဓရာံ (၂)ဂိတုမွဲဝါ တြးပ္တိတ်နူဂကောံသၟတ်မန်-တိဍာ်ဗၠးၜး
စၟတ်တ္ၚဲ ၁/၂/၃/၅/၂၀၁၄
ဂျာနေဝ် "လၟေၚ်ၜိုပ်ၜါ"
ရန်ကဵုဇၟာပ်သၟတ်မန်၊ မန်စိုပ်မလေဝ်ယှာတအ် သ္ဂောံကၠောန်ဗဒှ်အာ တ္ၚဲသၟတ်မန် ဇၟာပ်ဒေသမန်ကီု နပရေၚ်စန္ဒက် ကမ္မတဳကၠောန်ဗဒှ် တ္ၚဲသၟတ်မန် အလန်စတုတ္ထု ဍုၚ်ဇၞော် KL ကၟိန်ဍုၚ်မလေဝ်ယှာကီုတုဲ ညးအုပ်ကာနာနာ ကမ္မတဳကၠောန်ဗဒှ်တ္ၚဲသၟတ်မန် အလန်စတုတ္ထ နာဲဗညာရာဇာ အာစိုပ်ဒၞါဲကောန်ဂကူမန် မတန်တဴဒေသကၠအ်ထ္ၜိုတ် တွဵုရးကေဍး ပ္ဍဲစၟတ်တ္ၚဲ ၂၉ ဂိတုအံက်တဝ်ဗါ သၞာံ ၂၀၁၅ စဵုကဵုစိုပ် ၃၁ ဂိတုအံက်တဝ်ဗါ ၂၀၁၅ ရောၚ် ဂွံတီကေတ်ရ။
ဂကောံပံၚ်ကောံ်မန်မလေဝ်ယှာကေုာံ ဂကောံဒေသဖါလိန်(ယာယဳ) သ္ပသ္ကိုပ်သ္ကတုဲ ကၠောန်ဗဒှ်ဏါ သ္ဘၚ်အသေဟာန် ဖျေံဘာသၠုၚ်လညာတ်ပရေၚ်ဍုၚ်ကွာန်တ္ၚဲဇမၠေံ ပ္ဍဲစၟတ်စၟတ် ၁၉ ဂိတုဂျာန်နာဝါရဳ သၞာံ ၂၀၁၄ ဒၞာဲ ဘာမန်ရမညိကါယ ကဠၚ်တွဵုရး Selangor ကၟိန်ဍုၚ်မလေဝ်ယှာရ။
ကောံဓရီုကာမံက်တိုန်ဂကောံပံၚ်ကောံမန်မလေဝ်ယှာဂှ် ကၠောန်ဗဒှ်ဏါပ္ဍဲစၟတ်တ္ၚဲ ၅ ဂိတုဂျာန်နာဝါရဳ သၞာံ ၂၀၁၄ ၝောံခန်ရုၚ်ကောံဓရီု ဒၞာဲဌာန်ဂအုပ်ရုၚ်ဂကောံပံၚ်ကောံမန်မလေဝ်ယှာ အရာပ်ပူတူပလာဇြာ လ္တူဍုၚ်ဇၞော်ကွာလာ လာမ်ပူ ကၟိန်ဍုၚ်မလေဝ်ယှာရ။
အသေဟာန် “တ္ၚဲသၟတ်မန်” အလန်ဒုတိယဂှ် ဂကောံသၟတ်မန် မလေဝ်ယှာကေုာံ ပံၚ်တောဲကဵု သၟတ်ညးဆာန်ဂကူ စိုပ်မလေဝ်ယှာတုဲ ကၠောန်ဗဒှ်ဏါ ပ္ဍဲစၟတ်တ္ၚဲ ၂၈ ဂိတုဒဳဇြေမ်ဗါ သၞာံ ၂၀၁၃ ဒၞာဲၝောံခန် Chinese Assembly Hall လ္တူဍုၚ်ဇၞော် ကွာလာလာမ်ပူ ကၟိန်ဍုၚ်မလေဝ်ယှာရ။
ပေါဲဆဵုဂဗဝွံ ကၠောန်ဗဒှ်ဏါ ပ္ဍဲဘာမန် ရာမညနိကာယ K.L အရာပ်ပူတူပလာဇြာ လ္တူဍုၚ်ဇၞော်ကွာလာလာမ်ပူ ကၟိန်ဍုၚ်မလေဝ်ယှာတုဲ နာဲလွဳမာန် (ဂအုပ်ရုၚ် ဂကောံပံၚ်ကောံမန်မလေဝ်ယှာ) ရေၚ်တၠုၚ်ဏါ နဒဒှ်လျိုၚ်အသေဟာန် ရ။
