ရန်ကဵုဇၟာပ်သၟတ်မန်၊ မန်စိုပ်မလေဝ်ယှာတအ် သ္ဂောံကၠောန်ဗဒှ်အာ တ္ၚဲသၟတ်မန် ဇၟာပ်ဒေသမန်ကီု နပရေၚ်စန္ဒက် ကမ္မတဳကၠောန်ဗဒှ် တ္ၚဲသၟတ်မန် အလန်စတုတ္ထု ဍုၚ်ဇၞော် KL ကၟိန်ဍုၚ်မလေဝ်ယှာကီုတုဲ ညးအုပ်ကာနာနာ ကမ္မတဳကၠောန်ဗဒှ်တ္ၚဲသၟတ်မန် အလန်စတုတ္ထ နာဲဗညာရာဇာ အာစိုပ်ဒၞါဲကောန်ဂကူမန် မတန်တဴဒေသကၠအ်ထ္ၜိုတ် တွဵုရးကေဍး ပ္ဍဲစၟတ်တ္ၚဲ ၂၉ ဂိတုအံက်တဝ်ဗါ သၞာံ ၂၀၁၅ စဵုကဵုစိုပ် ၃၁ ဂိတုအံက်တဝ်ဗါ ၂၀၁၅ ရောၚ် ဂွံတီကေတ်ရ။
“သၞာံတုဲကၠုၚ်တေံ ပိုဲလေဝ်ဂွံကၠောန်ဏါအသေဟာန် တ္ၚဲသၟတ်မန် အလန်တတိယ ဍောတ်တ်မွဲကီု၊ ဟိုတ်ဍေံဂှ် ဂွံအခိၚ်အောန်ဂှ်မွဲတၚ်၊ တ္ၚဲသၟတ်မန်လေဝ် ဟွံဂွံဗျာပ်တြးဏီဂှ်မွဲတၚ်၊ လၟုဟ်နူညးတာလျိုၚ် KL တေံ ကၠုၚ်စိုပ် ဆဝ်မ္ၚုဟ်ဂှ် ပိုဲတအ်မိပ်စိုတ်တၟာဂလိုၚ်၊ သၞာံဏံ ကသေအ်ကၟဝ်ရဲဒေသတအ်တုဲ ကၠောန်အာ အသေဟာန်ဇၞော်ဇၞော်ရောၚ်ဂှ်လေဝ် ရဴဝွံ ညးရေၚ်တၠုၚ်ဖန်ဇန်ဒၟံၚ် ပရေၚ်ချဳဓရာၚ်ဂကူမွဲတၠ နာဲပညာသွက်မန် ဟီုလဴထ္ၜးကဵု ဌာန်ပရိုၚ်ဗညာဓရာံရ။
တ္ၚဲသၟတ်မန်ဝွံ သ္ပအစာံကဵုသၟတ်မန်ခေတ်တၟိတအ် သ္ပလဝ်ကောံဓရီု ပ္ဍဲသၞာံ ၁၉၄၆ ဂိတုဒဳဇြေမ်ဗာ ၂၈ ဂှ်တုဲ သၟတ်မန်ခေတ်ဏံ သဳကၠဳလှာဲဂတးလဝ်လညာတ်က္ဆံၚ်ၚ်ဟေၚ် ခုတ်သမ္တီထ္ၜုတ်ကၠုၚ် တ္ၚဲသၟတ်မန် ဇၟာပ်စိုပ်ဂိတု ဒဳဇြေမ်ဗာ ၂၈ ရောၚ်။
ပ္ဍဲသၞာံဏံ သၟတ်မန်ပွိုၚ်ဍုၚ်ကအ်ကြိက်တအ် ကၠောန်သ္ပအာ ပ္ဍဲခရိုၚ်သဓီုမွဲဒၞါဲရောၚ် ဂွံတီကေတ်ရ။ သၟတ်မန် စိုပ်မလေဝ်ယှာတအ် သၞာံ ၂၀၁၅ ဏံ ကၠောန်သ္ပအာ နကဵုၝောံခန်ဇၞော်ဇၞော် သီုဝိုၚ်ဂဳတဂတာပ်ခေတ်ရောၚ် လလောၚ်တြးလဝ်ဂှ် ဂွံတီကေတ်ရ။
ဌာန်ပရိုၚ်ဗညာဓရာံ
0 comments :
Post a Comment