ကောန်ဂကောံသၟတ်မန်-တိဍာ်ဗၠးၜး စိုပ်ဌာန်သ္ၚောဲ ကၟိနု်ဍုၚ်အမေရိကာန် ကေုာံ သၟတ်မန်မၞုံဍုၚ်အမေရိကာန်တံဂမၠိုၚ် ပံၚ်ကောံတုဲ ကၠောန်သ္ပကောံဓရီုလ္တူလပှ်ကျာ ထပ်ရုဲစှ်ဏါညးတာလျိုၚ် ဒေသအမေရိကာန်ရ။
ကောံဓရီုရုဲစှ်ညးတာလျိုၚ် ဂကောံသၟတ်မန်-တိဍာ်ဗၠးၜး ဒေသအမေရိကာန်ဝွံ စၟတ်တ္ၚဲ ၂၅ ဂိတု ဨဗြဴ သၞာံ ၂၀၁၅ ဂှ် ကၠောန်သ္ပဏါလ္တူ လပှ်ကျာနကဵုမဂၞန်ဖုၚ်(Phone Conference)တုဲ ရုဲစှ်ဏါညးတာလျိုၚ်ဂမၠိုၚ် ဥက္ကဌ နာဲဇရေၚ်၊ ညးအုပ်ကာ နာဲလျးမန္ဒယာ၊ လျိုၚ်ဘဏ္ဍာ နာဲကံဆာဲ၊ လျိုၚ်စၟဳစၟတ်စရၚ် နာဲညာဏ်သိုက်၊ လျိုၚ်စန္ဒက်/လလောၚ်ပရိုၚ် နာဲဥက္ကာတအ်တုဲ စၟတ်တ္ၚဲ ၁၆ ဂိတုမေ ကောံဓရီုလၟေၚ်ဍာံမွဲဂိတုမွဲဝါဂှ် က္လေၚ်ရုဲစှ်ဗပေၚ်စုတ် ညးတာလျိုၚ် ဒု-ဥက္ကဌ နာဲဒဏ္ဍာရဳ၊ ဖက်ဆောညးအုပ်ကာ နာဲဟံၚ်မန်တံရောၚ် ဂွံတီကေတ် နူကမ္မတဳကေၚ်ကာမွဲတၠရ။
“ဂကောံသၟတ်မန်-တိဍာ်ဗၠးၜး(MYA-LA)ပိုဲဂှ် စိုပ်ဍုၚ်အမေရိကာန်ဏံမှ ပိုဲဒက်ကမ္မတဳတုဲချဳဓရာၚ်ကၠုၚ်ဟွံသေၚ် စပ္တံနူပယျဵုဍုၚ်သေံ မာဲဆံက် ဗ္ဒပ်မေဝ်ဠတေံရ ဒက်ပ္တန်ကၠုၚ် ဗွဲကြဴပ္ဍဲဍုၚ်မလေဝ်ယှာလေဝ် နဒဒှ်ဂကောံသၟတ်မန်-တိဍာ်ဗၠးၜး သ္ကုတ်မလေဝ်ယှာ နာဲဥက္ကာ၊ နာဲဘောဂ၊ နာဲဒဏ္ဍာရဳ၊ နာဲသ္ဂံၚ်တိုၚ်တံ က္ဍိုက်ပ်တုဲဒက်ပ္တန်ကၠုၚ်လဝ်နွံ၊ ဒုၚ်သဇိုၚ်ကဵုဂကောံတေံတုဲ ဥက္ကဌတြေံ၊ ကောန်ဂကောံတြေံ သီုကဵုမိတ်သဟာဲတၟိတြေံတံဖအိုတ် စိုပ်ဍုၚ်အမေရိကာန်ဏံတုဲ ချပ်ဓရီုညးသ္ကံဂှ်ရ ထပ်ဒက်ပ္တန်ကမ္မတဳ ပိုဲက္လေၚ်သၠဲပ္တိတ်ကၠုၚ် ဂကောံ သၟတ်မန်-တိဍာ်ဗၠးၜး ဒေသအမေရိကာန်ဏံပၠန်” ရဴဝွံ ဥက္ကဌ ဂကောံသၟတ်မန်-တိဍာ်ဗၠးၜး ဒေသအမေရိကာန် နာဲဇရေၚ် ဟီုကဵုဌာန် ပရိုၚ်ဗညာဓရာံရ။
သွက်ဂွံဆက်စၠောံကဵု သၟတ်မန်အလုံလိုက်မွဲကီု သွက်ဂွံဒုၚ်တဲကောန်ဂကောံ မၞုံဌာန်သ္ၚောဲဒေသစုၚ် လ္တူလပှ်ကျာ(Online)ကီု သွက် ဂွံပံၚ်ကၠောန်အာ ကမၠောန်ဆက်စၠောံနာနာ ကု ဂကောံသၟတ်မန်-တိဍာ်ဗၠးၜး သ္ကုတ်မလေဝ်ယှာဂှ်ကီု ကောံဓရီုလၟေၚ်ဍာံ စၟတ်တ္ၚဲ ၄ ဂိတုဂျူလာၚ်ဏံမ္ဂး သွက်ဂွံဆက်ချပ်အာနွံဂှ်လေဝ် ဥက္ကဌ နာဲဇရေၚ် ဟီုလဴထ္ၜးရ။
မဟရိုအ်
0 comments :
Post a Comment