ပ္ဍဲကောံဓရီုဝွံ ဥက္ကဌ MMA နာဲအကးပေၚ်၊ ဥက္ကဌ MYA နာဲဥက္ကာ သ္ကိုပ်အေဝ်ဒဳတာ လိက်လၟေၚ်ဗညာဓရာံ နာဲရာမညအီဆာဲ တိုန်စိုပ်ဘိုၚ်ပၠတရဴတုဲ သၟတ်ဆာန်ဂကူမန် ဗၞတ်(၁၃)တၠ တိုန်စိုပ်လဝ်ရ။
ပ္ဍဲကောံဓရီုဝွံ ဖျေံဏါသ္ဂုတ်သွာတ် ညးတၠရမျာၚ် နာဲဟံၚ်ဆာန် ကေုာံ အဂ္ဂတအ် ညံၚ်ဂွံပါလုပ်ဒယှ်ေလဟိၚ်ကဵု လ္တူစၚ်တ္ၚဲသၟတ်မန်မာန် သွက် MYF (ဌာန်ကောံသၟတ်မန်)တအ် သ္ဂောံကၠောန်ဗဒှ် တ္ၚဲသၟတ်မန် အလန်ဒုတိယ ပ္ဍဲဍုၚ်မန်ဂှ် နကဵုကမ္မတဳဏံ ထံက်ပၚ်ဏါ လၟိဟ်သြန် ၂၀၀၀၀၀ ၜါကိုဋ်(ဒကေဝ်)ပေၚ်ၚ်ရောၚ်။
“လဂါံသၟတ်ပိုဲဂှ် မကွာ်ပတဝ်ဒၟံၚ်အခေါၚ်ဗၠးၜးဂကူပိုဲ၊ ကံကုသဵုပိုဲ ပိုဲသ္ဂောံဖန်ဖက်ကေတ်မာန် ပရေၚ်ၜိုဟ်လလမ် မဍိုက်ပေၚ်ကဵု အခေါၚ်သၠးပွးသွက်ဂကူပိုဲဂှ် နကဵုဇြဟတ်ဆာန်ကၟိန် အကြာသၟတ်ပိုဲကဵု ပရေၚ်ပံၚ်ကောံအာက္ဍိုပ် အကြာသၟတ်ပိုဲဂှ်စွံအဓိကတုဲ နကဵုသ္ဇိုၚ်ဝန်ကောန်ဂကူမွဲ ပံၚ်တောဲကဵုက္ဍိုပ်သ္ကိုပ်ပိုဲ၊ ကျာ်ဇၞော်အ္စာသၚ်အာဇာနဲ ကောန်ဂကူပိုဲ၊ သၟာပရေၚ်ဍုၚ်ကွာန်မန်ပိုဲ၊ ဂကောံမှာဇန်ညးဍုၚ်ကွာန်မန်ပိုဲ မိမညးဍုၚ်ကွာန်မန်ပိုဲတအ်တုဲ လုပ်အာပေါဲဗ္တိုက် သွက်ဂကူဂံၚ်ၚ်ရောၚ်။” ရဴဝွံ ဌာန်ကောံသၟတ်မန်(MYF) ဆဝ်မ္ၚုဟ်လဝ်ရ။
“ပ္ဍဲတ္ၚဲသၟတ်မန်ဏံ သၟတ်မန်ပိုဲ သဳကၠဳသ္ၚဳဂၠိပ်အာ အကာဲရာပရေၚ်ဍုၚ်ကွာန်လၟုဟ် ပရေၚ်ဂကူမန်ပိုဲလၟုဟ်တုဲ နူကဵုတ္ၚဲသၟတ်မန်မွဲက္ဆံၚ် ရမျာၚ်သၟတ်မန် မံက်ဂတဝ်ကၠုၚ်ဏေါၚ် ရမျာၚ်သၟတ်မန်တအ်ဂှ် ဒးဒှ်အထံက်အရီု သွက်သ္ဘၚ်သဳကၠဳပရေၚ်ဂကူမန်ရောၚ်” ရဴဝွံ နူဌာန်ကောံသၟတ်မန် နာဲညာဏ်သိုက်ရာမာန် ဟီုကဵုဌာန်ပရိုၚ်မဇ္ဇိုမ ပ္ဍဲစၟတ်တ္ၚဲ(၃) ဂိတုဒဳဇြေမ်ဗါ သၞာံ ၂၀၁၃ ရ။
တ္ၚဲသၟတ်မန် အလန်ဒုတိယဏံ ကၠောန်ဗဒှ်အာ ပ္ဍဲဍုၚ်မန်မ္ဂး ပွိုၚ်ဍုၚ်ရေဝ်သၟဝ်ကျာ ကွာန်တၟအ်ကၞေၚ်တုဲ ပ္ဍဲဍုၚ်မလေဝ်ယှာဏံ ကၠောန်ဗဒှ်အာ ပ္ဍဲၝောံခန် Chinese Assembly Hall လ္ဒောဝ်ဍုၚ်ဇၞော်ကွာလာလာမ်ပူရောၚ် ဂွံတီကေတ်ရ။
0 comments :
Post a Comment