ဘာသၠုၚ်လညာတ်ဝွံ နူဂကောံမန်မလေဝ်ယှာ သ္ပသ္ကိုပ်သ္ကပံၚ်တောဲကဵု ဂကောံသဟပုညကာရဳသမဂ္ဂဳ (ကွာန်ဒူရာ) ကေုာံ ဂကောံစေတနာပညာပါရမဳမန်(ကွာန်ဒါလာန်)တအ်တုဲ ပံက်ကၠုၚ်နူစၟတ်တ္ၚဲ ၁၃ ဂိတုဒဳဇြေမ်ဗါ စဵုကဵုစိုပ် စၟတ်တ္ၚဲ ၂၃ ဂိတုဒဳဇြေမ်ဗါ ပွိုၚ်(၄)တ္ၚဲမဒှ်ရ။
အသေဟာန်ဖျေံဘာသၠုၚ်လညာတ်ဂှ် ဗ္တံ ၁၀း၃၀ ဂှ် စပ္တံပံက်အသေဟာန်တုဲ အ္စာဘာပရေၚ်ဍုၚ်ကွာန် နာဲရာမညအီဆာဲ ဟီုပၟိၚ်ဂလာန် စၞးဂကောံသဟပုညကာရဳသမဂ္ဂဳ(ကွာန်ဒူရာ) ဥက္ကဌဂကောံ နာဲကဥ္ဇန ဟီုဂလာန်မိပ်စိုတ် စၞးဂကောံစေတနာပညာပါရမဳမန်(ကွာန်ဒါလာန်) နာဲသဟာဲကွာန်ဟီုဂလာန်မိပ်စိုတ်၊ တုဲမ္ဂး ဇိုန်ဏှၚ်ပၟပ်ကဵုလိက်စၟတ်သမ္တီဖျေံဘာရ။
နဒဒှ်စၞးဂကောံကွးဘာဟီုဂလာန်ဂှ် နာဲသဵုဥူ(ကွာန်ဒါလာန်) လ္ပာ်ညးဗြဴဂှ် မိဆာန်လျးရတ်(ကွာန်ဒါလာန်) တအ်ဗွဲလၟေၚ်ၚ်ဟီုဂလာန်တဴအိုတ်ရ။
တုဲမ္ဂး ညးအုပ်ကာနာနာ ဂကောံပံၚ်ကောံမန်မလေဝ်ယှာ နာဲဂံၚ်သ္ကာဟီုဂလာန် အုပ်ကၠေံနိဂီု ကရောံဂှ်သီုပံက်ဏါ အစဳဇန်ကွးဘာတအ် သ္ဂောံပံက်သြိုဟ်ကေုာံ ပရေၚ်ဒုၚ်စသိုၚ် စပ်ကဵုဘာသၠုၚ်လညာတ် ဏံရ။
ဘာသၠုၚ်လညာတ်ဂွံက္တဵုဒှ်ကၠုၚ်မာန်ဂှ် ညးဂိုတ်ဂစာန်လဝ် နာယက ဂကောံစေတနာပညာပါရမဳမန်၊ နာဲကဥ္ဇန ဥက္ကဌ ဂကောံသဟပုညကာရဳသမဂ္ဂဳ၊ နာဲသဟာဲကွာန်၊ နာဲမဟူမာန်တအ်ဂှ် သ္ပဏါအဲပရဲ ပ္ဍဲပရိုၚ်ဏံရ။
ဘာသၠုၚ်လညာတ်ဝွံ အ္စာဘာပရေၚ်ဍုၚ်ကွာန် နာဲရာမညအီဆာဲဂှ် သဳကၠဳသၠုၚ်ဏါလညာတ်စပ်ကဵု ပရေၚ်ဍုၚ်ကွာန်၊ ဝၚ်ပၠန်ဂတးမန်၊ ကၟိန်ဍုၚ်ပံၚ်ကောံဇေတ်တ်၊ နာဲဂံၚ်သ္ကာ ညးအုပ်ကာ MMA ဂှ် သဳကၠဳသ္ၚဳဂၠိပ်ဏါ သၞောဝ်ဥပဒေသ္ဇိုၚ်ဒက်ပ္တန်ဍုၚ် သၞာံ ၂၀၀၈ ကေုာံ သောၚ်ထ္ၜးဏါ သၞောဝ်ဥပဒေ သ္ဇိုၚ်ရာမည ဍုၚ်မန် သၠဲသၠဲလးလးရောၚ် ဂွံတီကေတ်ရ။
0 comments :
Post a Comment