ပ္ဍဲအသေဟာန်ဂှ် တၠဂုဏ်အ္စာကုသလ (နွံပိုန်-ဘာမန်သဳရိလကာၚ်္) တိုန်စိုပ်လဝ်ဗွဲတၟေၚ်တုဲ ဥက္ကဌ ဂကောံသၟတ်မန် တိဍာ်ဗၠးၜး-သ္ကုတ်မလေဝ်ယှာ နာဲဥက္ကာ ဟီုမြဟ်ဂလာန်ဂှ် “ဘာသၠုၚ်လညာတ် သၟတ်မန်တအ်ဂိုတ်ဂ္စာန်ကၠုၚ် သီုအလန်ဏံမ္ဂး ဒှ်မရနုက်ကဵု (၃) ဝါ လ္တုဍုၚ်မလေဝ်ယှာဏံရောၚ်၊ နူစတံဍေံတေံ ပ္ဍဲဗ္ဒိုပ်မာဠ (မာဲဆံက်(ဗၟာချိုတ်)-ပယျဵုသေံ+ဗၟာ) ဂှ်ကေၚ်ပံက်ကၠုၚ်ဗၞတ် (၂) ဝါကီု၊ ပံၚ်ထောံသီုပယျဵု ၊ သီုဍုၚ်မလေဝ်ယှာမ္ဂး ဒှ်အာ (၅) ဝါရရောၚ်၊ ရဴဝွံဟီုဂးဏါရ၊ တုဲမ္ဂးအ္စာဘာပရေၚ်ဍုၚ်ကွာန် နာဲရာမညအီဆာဲ ဟီုဂလာန်ဆက်မိတ် ၊ အ္စာဘာသ္ၚဳဂၠိပ်သၞောဝ်ဥပဒေသ္ဇိုၚ် နာဲဂံၚ်သ္ကာ ဟီုဂလာန်ဆက်မိတ်တုဲ ကွးဘတြေံ ကေုာံ ကွးဘာတၟိ ဗၞတ် (၄) တၠတအ်ဟီုဂလာန်မိပ်စိုတ်ရ၊ ၁၀း၃၀ နာဍဳဂှ် အုပ်ကၠေံဏါ အသေဟာန်တုဲ စပ္တံဗ္တောန်သဳကၠဳအာ ဘာသာပရေၚ်ဍုၚ်ကွာန်ရ၊ ဘာဝွံချိၚ်တပ်လဝ်ဗၞတ် (၆) ဂိတုဒှ်တုဲ ဇၟာပ်တ္ၚဲအဒိုတ်ပံက်အာရောၚ်၊ ကွးဘာဗၞတ် (၂၄) တၠပြၚ်ၚ်တိုန်စိုပ်ကတ်လ္ၚတ်တုဲ သီုလျိုၚ်အသေဟာန်လေဝ်ဒှ် ညးဖန်ဇန်ကောပ်ကာဲဘာလေဝ်ဒှ် နာဲဝၚ်မန် ဟီုရ၊ “ဘာသၠုၚ်လညာတ် ပရေၚ်ဍုၚ်ကွာန်ဝွံ ဒှ်မံၚ်အထံက်ကုညးမကၠောန်မံၚ် ပရေၚ်ဂကူ ပရေၚ်ဂကောံတအ်ဇၞော်ကဵုဇြဟတ်ရ၊ သွက်ညးမံၚ်စံၚ်အကြာ ပွဳပွုုမၞိဟ်လေဝ် သုၚ်စောဲနွံဟွံအောန်ရ၊ ညးမၞုံပၟိက်ကဵုပရေၚ်ပၠတရဴ ပ္ဍဲဂကောံကီု ဂွံကၠောန်ကမၠောန် ပ္ဍဲဂကောံဂွံကလိတ်ကလောတ်ကီု သ္ဂောံစန်ဒက်ညးတၞဟ်မာန်ကီု ကၞောတ်တဲဂွံအာစိုပ်တိုၚ်ပ္ကဴ ဗၠးၜးမန်မာန်ဂှ် ကမၠောန်ဘာသၠုၚ်လညာတ်ဏံ ဟၟဲတှ်ေဟွံတုဲ ဒးဒှ်ကမၠောန်တိုၚ်မွဲကီုရောၚ်၊ ဟိုတ်ဂှ်ရ က္ဍိုပ်သ္ကိုပ်ဂကောံကွာန်နာနာတအ်ကီု သၟတ်မန်တအ်ကီု ပူဂဵုဆာန်ဂကူတအ်ကီု ဂကူမန်တအ်ကီု ဂွံအခိၚ်မ္ဂးမိက်ဂွံကဵု ကတ်လ္ၚတ်ဆေၚ်စပ်ကဵုကွတ်တအ်ဝွံရ၊ ရဴဝွံထ္မံက်ထ္ၜးလဝ်ပ္ဍဲ လိက်ဒုၚ်စဳရေၚ် ဘာသၠုၚ်လညာတ်လၟေၚ် (၂) ဝွံရောၚ် ဂွံတီကေတ်ရ။
မိဇၟန်ပ ္ကဴ
ဌာန်ပရိုၚ်ဗညာဓရာံ
0 comments :
Post a Comment