သ္ဘၚ်ဟီုတွံပရေၚ်လိက်ပတ်မန် အလန်တတိယ စွံလဒေါဝ်တ္ၚဲ ၁၂း၃၅ နာဍဳဂှ် စပ္တံပံက်ဏါအသေဟာန်တုဲ နာဲပညာသွက်မန် ရေၚ်တၠုၚ်ဏါနဒဒှ် လျိုၚ်အသေဟာန်ရ။ ပထမကိုပ်ကၠာ နာယကဂကောံပံၚ်ကောံမန်မလေဝ် ယှာ နာဲနန်ဆီနာဲ ဟီုဂလာန်ပံက်အသေဟာန်တုဲ ညးအုပ်ကာနာနာ
ဂကောံပံၚ်ကောံမန်မလေဝ်ယှာ နာဲဆီနာဲ ဟီုဂလာန်ပံက်အသေဟာန်တုဲ ညးအုပ်ကာနာနာ ဂကောံပံၚ်ကောံမန်မလေဝ်ယှာ နာဲရာမညအီဆာဲ သောၚ်ကလး ဗီုပြၚ်သ္ဘၚ်ဟီုတွံပရေၚ်လိက်ပတ်မန် ဗီုက္တဵုဒှ်ကၠုၚ် ကေုာံ ပရေၚ်ချဳဓရာၚ် စပ်ကဵုသ္ဘၚ်ဟီုတွံဂမၠိုၚ်ရ။
ဂကောံပံၚ်ကောံမန်မလေဝ်ယှာ နာဲဆီနာဲ ဟီုဂလာန်ပံက်အသေဟာန်တုဲ ညးအုပ်ကာနာနာ ဂကောံပံၚ်ကောံမန်မလေဝ်ယှာ နာဲရာမညအီဆာဲ သောၚ်ကလး ဗီုပြၚ်သ္ဘၚ်ဟီုတွံပရေၚ်လိက်ပတ်မန် ဗီုက္တဵုဒှ်ကၠုၚ် ကေုာံ ပရေၚ်ချဳဓရာၚ် စပ်ကဵုသ္ဘၚ်ဟီုတွံဂမၠိုၚ်ရ။
တုဲမ္ဂး နာဲကဏ္ဍ(နူဂကောံကွာန်ဇိုၚ်ကျာ်) ဗှ်ထ္ၜးဝၚ် အတ္တုပ္ပတ္ တိကျာ်ဇၞော်အ္စာစန္ဒောဘာသ (ဗညာတၠနာဲ-ဍုၚ်ပံၚ်)တုဲ ကျာ်ဇၞော်အ္စာစန္ဒောဘာသ(ဗညာတၠနာဲ-ဍုၚ်ပံၚ်)ဟီုတွံရ။ ကျာ်ဇၞော်အ္စာဝွံ စိုန်သကီုပ္ဍဲအရာဟီုတွံဗွဲမလောန် သီုစုတ်ဏါပရေၚ်ဟာတ(ဂြိုၚ်ဂအီဂမၠိုၚ်)တုဲ ညးတိုန်စိုပ်ပုရိသာတ် ဆာန်လိက် ပတ်တအ် ဒးဂၞပ်စိုတ်တဴဗွဲမလောန် ရ။
"ဂကူမန်ပိုဲဂှ် ယျေလ္ဂူတပ်တးလောန် စပ်ကဵုကမၠောန်ကူသာန်သွံရာန် ပံက်ကုမ္မဏဳ ပံက်ဌါန်ပလံၚ်ဗ္စိုပ် ကွဳစက်တအ် ကၠောန်ဟွံစိုန်သကီုရ။ ဟိုတ်နူဂှ်ရ စပ္တံနူ ကွဳစက်တၠမန် ကၠောန်ဟွံတဴတက်ရ။
မန်တအ်လေဝ် စိုန်သကီုပ္ဍဲအရာတဵုလွဳဂမၠိုၚ်တုဲ မန်စိုပ်မလေဝ်ယှာတအ် ဗီုလဵုဒှ်ဒှ် ဇၟာပ်ညးအဲ တီၜိုတ်(၁၀)ဨက၊ သီုကၠအ်သွဝ်ဗၞတ်ညိညဂွံမ္ဂး ဒးစဴဍုၚ်မန်ဇကုထေက်ရ။
ပရေၚ်ပိုန်ဒြပ်ဂွံကၠောန်လေပ် ပရေၚ်ဝေါဟာမၞိဟ် ဂွံဆက်ဆောံကလိတ်ကလောတ်ဂှ် ကၠုၚ်နူလိက်ပတ်တုဲ သ္ၚဳမၠာ်ဗှ်လိက်ဂၠိုၚ်ၚ်ညိ"
ရဴဝွံ ကျာ်ဇၞော်အ္စာဟီုတွံ စပ်ကဵုအကာဲအရာဘဝဂကူမန် ကေုာံ လညာတ်ပ္ဍဲလိက်ပတ်ဂမၠိုၚ်ဂှ် ဂပ်ဝ်ထေက် ကဵုဒးဂၠိုၚ် သမ္တီရ။
ဆက်တုဲ နူဌာနပရေၚ်ပညာကောန်ဂကူမန် အ္စာဗြဴမိလှိုၚ်နန် ဟီုဂးလဴကလးစပ်ကဵုလၟေၚ်ဒဒှ် ပရေၚ်ပညာကောန် ဂကူမန် အတိက်၊ ပစ္စုပ္ပန်၊ အနာဂတ်ရ။ တုဲမ္ဂး နူမိအေမန် ဗှ်ထ္ၜးဝၚ်အတ္တုပ္ပတ္တိ အ္စာကၞေဟ် ဖျေံသ္ဇိုၚ်ကၟိန်ဍုၚ်မလေဝ်ယှာ နာဲဂံၚ်သ္ကာတုဲ အ္စာကၞေဟ်နာဲဂံၚ်သ္ကာဟီုတွံ နကဵုယၟုက္ဍိုပ် "ယေန်သၞာၚ် ဗှ်လိက် ကေုာံ ဘဝဂကူမန်"ရ။
တုဲမ္ဂး မိစဳပျးမန် ဗှ်ထ္ၜးဝၚ်အတ္တုပ္ပတ္တိ အ္စာဗြဴမိသာဍာတုဲ အ္စာဗြဴမိသာဍာ ဟီုတွံ နကဵုယၟုက္ဍိုပ် "အခေါၚ်အရာညးဗြဴမန် တ္ၚဲဏံ ကေုာံ ပရေၚ်ပညာကောန်ဂကူမန်ရ။
"လၟုဟ် အကာဲရာပရေၚ်ပညာကောန်ဂကူ ဆဵုဂဗဒၟံၚ်တၚ်ဝါတ်ဂါတ်ဇၞော်ကဵုဇြဟတ်ဂှ် မန်စိုပ်မလေဝ်ယှာတအ်၊ မန်စိုပ်ကိုဝ်ရဳယျာ မန်စိုပ်ဍုၚ်သေံပါလုပ်ရေၚ်တၠုၚ်ကဵုတုဲ ယီုသာတိုန်ဟီုစဂွံရ။ ဆ္ဂး တၚ်ကော်ချဴ တၞဟ်ဟ်လေဝ် နွံဒၟံၚ်ဗွဲမဂၠိုၚ်ဂၠၚ်ရ။ ပြဟ်ဟ်ဏံ ဂွံတီကေတ်ဂှ် ဟိုတ်နူသြန်ဂိတုပိုဲ ဌာနပညာဖဍိုက်ဗပေၚ်ကဵု အ္စာဘာ၊ အ္စာဗြဴမန်တအ် ဗွဲမရုမ်ဂပ်ဟွံမာန်တုဲ အ္စာဗြဴဗၞတ်(၁၆)တၠ ပြံၚ်တိတ်ကမၠောန်တၞဟ်ဟ်ရ။
မွဲလ္ပာ်ဂှ် နအလဵုသဳလေဝ် ထ္ၜးပျးအယောၚ်အလာ ဗ္တောန်လိက်မန် ပ္ဍဲဘာအလဵုသဳညံၚ်ၚ်တုဲ နတဲစေတနာဍာံဍာံပြပြ ဍေံဖန်ဇန်ကဵုဟွံမာန်ရ။
လိက်ပတ်မန်ပိုဲဂှ် ဗ္တောန်ကေတ်အယာံမာတ် ပ္ဍဲဘာတန်မူလဓဝ် ဟွံရုံဂပ်ပုဟ်၊ စဵုကဵုဘဝက္ဆံၚ်တက္ကသဵု နဒဒှ်မေဂျာ မွဲမွဲခၞံဗဒှ်ကဵုမာန်မှ ဂပ်ဝ်ဒးရးဏေါၚ်၊ မုဒှ်ရောဟီုတှ်ေ လိက်ပတ်ဂှ်ဒှ်လိက်တြေံတြဟ်၊ဒှ်လိက်ပတ်က္ဆံၚ်သၠုၚ်မွဲဏေါၚ်"
ရဴဝွံ စပ်ကဵုပရေၚ်ပညာကောန်ဂကူမန်တုဲ အ္စာဗြဴဟီုဏါ ဗွဲမဂၠိုၚ်ဂၠၚ်ဂှ် ကံက်နုက်ပ္တိုန်ထ္ၜးဏါရ။
တုဲမ္ဂး ပံက်ဏါကဏ္ဍသၟာန်သွဟ်တုဲ လ္တူပုရိသာတ်တအ် သၟာန်ဂှ် ကျာ်ဇၞော်အ္စာစန္ဒောဘာသ ကေုာံ အ္စာဗြဴမိသာဍာ၊ မိလှိုၚ်နန်သှ်ထ္ၜးကဵုရ။ ဗွဲတၟေၚ် စပ်ကဵုပရေၚ်ပညာကောန်ဂကူမန်ဟေၚ် သဳကၠဳဂၠိုၚ်ၚ်ရ။
ကဏ္ဍသၟာန်သွဟ်တုဲဒှ်အာ နူဒု-ဥက္ကဌ လၟိဟ်(၁) ဂကောံပံၚ်ကောံမန်မလေဝ်ယှာ နာဲဟံသာခိုၚ် ဟီုဂလာန်အုပ်ကၠေံနိဂီုတုဲ စိုပ်အခိၚ်သဝ်တ္ၚဲ ၅း၃၀ နာဍဳဂှ် အုပ်ကၠေံအသေဟာန် နကဵုဒွက်ကောန်ဂကူရ။
သ္ဘၚ်ဟီုတွံပရေၚ်လိက်ပတ်မန်ဝွံ နူပရိသာတ်နူကဵုတွဵုရးအလဵုသတာ လ္ပာ်ၝောံဍုၚ်ပဳနာန်၊ ပွိုၚ်ဍုၚ်သူဂါန်ပါတ်တနဳ ကေုာံ သၟာကမၠောန်ဂကူမန် မၞုံပ္ဍဲဒေသပါတ္တဝတ် ဗၞတ်(၄၀)တၠပြၚ်ၚ် တိုန်စိုပ်လဝ်ရောၚ် ဂွံတီကေတ်ရ။
မိဇၟန်ပ္ကဴ
ဌာန်ပရိုၚ်ဗညာဓရာံ
0 comments :
Post a Comment