ပ္ဍဲအခိၚ် ၁၁း၁၅ နာဍဳနူဂယးဂ်ှ် စပံက်ဏါအသေ ဟာန်ကဵု ခေပ်ဇုက်ဇၟန်ဗၠဲတုဲ နာဲဆာန်ဠာန်(ကမ္မတဳ ကေၚ်ကာMMA) ရေၚ်တၠုၚ်ဏါနဒဒှ် လျိုၚ်အသေဟာန်ရ။
ပထမကို်ပ်ကၠာ ရှ်ေသှ်ေအလာံကောန်ဂကူ၊ ရှ်ေ သှ်ေက္ဍိုပ်သ္ကိုပ်ညးဆာန်ဂကူ ကေုာံ သ္ဂံၚ်ညးမ
ဆာန်ဂကူ ပြဟ်လလုဲအာဂမၠိၠုၚ်တုဲ နာယက ဂကောံပံၚ်ကောံမန်မလေဝ်ယှာ ကျာ်ဇၞော်ထာဝရ (နွံပိုန်ဘာမန် ဟူတာန်မဳလေန်တာန်)ဟီုဂလာန်ပံက်အသေဟာန် သီုလဴကလးသောၚ်ကလး ဗီုသဘၚ်ဟီုတွံ ပရေၚ်လိက်ပတ် ဂွံက္တဵုဒှ်ကၠုၚ်ရ။
တုဲမ္ဂး နာဲရာဇာမန်(ဂကောံဟံၚ်ဟ်မြန်) ဗှ်ထ္ၜးဝၚ်အတ္ထုပ္ပတ္တိ ကျာ်ဇၞော်အ္စာ စန္ဒောဘာသ(ဗညာတၠ နာဲ ဍုၚ်ပံၚ်)ရ။ ဆက်တုဲ ကျာ်ဇၞော်အ္စာစန္ဒောဘာသ(အ္စာကၞေဟ်-ဗညာတၠနာဲ-ဍုၚ်ပံၚ်)ဟီုတွံဏါ စပ်ကဵု အကာဲ ရာပရေၚ်ဍုၚ်ကွာန် တ္ၚဲဏံ၊ ဘဝဂကူမန်တ္ၚဲဏံ သီုအကြီုတိဍာ်ဍုၚ်မန်၊ သီုအကြီုကမြဴလိက်ပတ်ရ။ ပ္ဍဲဍုၚ်မလေဝ်ယှာဏံဂှ် “မန်ပိုဲ ဟွံဝါတ် ညိညလေဝ်ဟွံဝါတ်၊ မုဟိုတ်ဂွံဟီုအရေဝ်ဏံရောဟီုတှ်ေ ဗၠာဲသၟိၚ်ဗၟာကီု၊ သ္ကိုပ်ညးအုပ်ဓုပ်(မြို႕နယ်မှုး) စိုပ်ကၠုၚ်ပ္ဍဲတိဍာ်မန်မ္ဂး နူစစှ်ေကၠုၚ်တေံ မုဟွံပါကၠုၚ်ပုဟ်၊ အခါက္လေၚ်စဴဂှ် သိုက်လောဲအာဖအိုတ်၊ ဒေသတၞဟ် တွဵုရးတၞဟ်ဟ်ပေါဲဒှ်ဟွံဂွံ၊ ဒေသမန် ကွာန်မန်ပေါဲဒှ်ဂွံ မုပရောဟီုတှ်ေ မန်တအ်ကဵုလှုဲမာန်ဒၟံၚ်။
ဆာန်ဂကူ ပြဟ်လလုဲအာဂမၠိၠုၚ်တုဲ နာယက ဂကောံပံၚ်ကောံမန်မလေဝ်ယှာ ကျာ်ဇၞော်ထာဝရ (နွံပိုန်ဘာမန် ဟူတာန်မဳလေန်တာန်)ဟီုဂလာန်ပံက်အသေဟာန် သီုလဴကလးသောၚ်ကလး ဗီုသဘၚ်ဟီုတွံ ပရေၚ်လိက်ပတ် ဂွံက္တဵုဒှ်ကၠုၚ်ရ။
တုဲမ္ဂး နာဲရာဇာမန်(ဂကောံဟံၚ်ဟ်မြန်) ဗှ်ထ္ၜးဝၚ်အတ္ထုပ္ပတ္တိ ကျာ်ဇၞော်အ္စာ စန္ဒောဘာသ(ဗညာတၠ နာဲ ဍုၚ်ပံၚ်)ရ။ ဆက်တုဲ ကျာ်ဇၞော်အ္စာစန္ဒောဘာသ(အ္စာကၞေဟ်-ဗညာတၠနာဲ-ဍုၚ်ပံၚ်)ဟီုတွံဏါ စပ်ကဵု အကာဲ ရာပရေၚ်ဍုၚ်ကွာန် တ္ၚဲဏံ၊ ဘဝဂကူမန်တ္ၚဲဏံ သီုအကြီုတိဍာ်ဍုၚ်မန်၊ သီုအကြီုကမြဴလိက်ပတ်ရ။ ပ္ဍဲဍုၚ်မလေဝ်ယှာဏံဂှ် “မန်ပိုဲ ဟွံဝါတ် ညိညလေဝ်ဟွံဝါတ်၊ မုဟိုတ်ဂွံဟီုအရေဝ်ဏံရောဟီုတှ်ေ ဗၠာဲသၟိၚ်ဗၟာကီု၊ သ္ကိုပ်ညးအုပ်ဓုပ်(မြို႕နယ်မှုး) စိုပ်ကၠုၚ်ပ္ဍဲတိဍာ်မန်မ္ဂး နူစစှ်ေကၠုၚ်တေံ မုဟွံပါကၠုၚ်ပုဟ်၊ အခါက္လေၚ်စဴဂှ် သိုက်လောဲအာဖအိုတ်၊ ဒေသတၞဟ် တွဵုရးတၞဟ်ဟ်ပေါဲဒှ်ဟွံဂွံ၊ ဒေသမန် ကွာန်မန်ပေါဲဒှ်ဂွံ မုပရောဟီုတှ်ေ မန်တအ်ကဵုလှုဲမာန်ဒၟံၚ်။
 |
| ဗီုလျိုၚ်ဌာနပရေၚ်ပညာဗဟဵု ဗော်ဍုၚ်မန်တၟိမိသာဍာ ဟီုတွံမံၚ် |
ပ္ဍဲဂကူမန်ပိဲိုဲ မုဟၟဲဟီုဂှ်-ဟၟဲ- နွံဒၟံၚ်ဖအိုတ် လ္တူဒဵု၊သၟဝ်ဍာ် သယံဇာတမၞုံပေၚ်ထာတ်၊ ဆ္ဂး ဟၟဲဟီုဂှ် အဝဵုခၞံသၞောဝ်၊ အဝဵုကုတ်သၞောဝ်ဒဏ်သၞောဝ်၊ အဝဵု အုပ်ဓုပ်ဟေၚ်ရဟၟဲ။ ပါဲနူဂှ်နွံမံၚ်ဖအိုတ်၊ ဟိုတ်ဂှ်ရကံကု သဵုဂကူပိုဲ ဒးဖက်ကေတ်မာန်ဏေါၚ်၊ ဥပဒေပိုဲကဵုပိုဲ ဒးအုပ်ဓုပ်ကေတ်တ်ဏေါၚ်၊ ညးတၞဟ်တံၚ်ဓဇက်လဝ်တုဲ ကၠုၚ်ဓ္ဇက်ကေတ်ဟီုဂှ် ဗီုဏံဂွိုအ်။ ရဴဝွံ ကျာ်ဇၞော်အ္စာ ဟီုတွံဏါဗွဲမဂၠိုၚ်ဂၠေၚ်ရ။
ဆက်အာပၠန်ဂှ် နူဌာနပရေၚ်ပညာကောန်ဂကူမန် အ္စာဗြဴမိလှိုၚ်နန် လဴကလးသောၚ်ထ္ၜး စပ်ကဵုလၟေၚ်ဒဒှ် ဌာနပရေၚ်ပညာကောန်ဂကူမန် အတိက်၊ ပစ္စုပ္ပန်အနာ ဂတ်၊ သီုထ္ၜးပျးဏါဗီုပြၚ် နကဵုစက်ဂတာပ်ခေတ်ရ။
 |
| ဗီုအ္စာဗြဴမန် မိလှိုၚ်နန် သောၚ်ကလးမံၚ်စပ်ကဵုဘာကောန်ဂကူ |
နာဲဂံၚ်သ္ကာထံက်ထ္ၜးဏါ ဒဒှ်ရ ဂကူမန်တအ် ဟိုဲဟာဲဗှ်လိက်အောန်ယေန်သၞာၚ်ပရေၚ်ဗှ်လိက်ဍိုန် လျဒၟံၚ် ပ္ဍဲဘဝဂကူမန်၊ ဒဒှ်ရ ဂကူဂျပါန်ဗှ်လိက်ဂၠိုၚ် အိုတ်လ္တူဂၠးကဝ်၊ ပရူဒဒှ်ဘဝသမတ ကၟိန်ဍုၚ်ပံၚ် ကောံ အမေရိကာန် မၞုံယၟု ထရူမေန် ဂုဏ်ဖဵုဗှ်လိက်တုဲ ဒဒှ်ရ ညးအံၚ်ဇၞးကၠုၚ်၊ ဒဒှ်ရ သ္ကိုပ်ဝန်ဇၞော်တြေံ ဍုၚ်သကာၚ်္ပူ “လဳကောန်ယု” ဗှ်လိက်ဂၠိုၚ်တုဲ ဒက်ပ္တန်ကၟိန်ဍုၚ်ဖောအ်ဗြေဝ်တဴတက်မွဲမာန်ကၠုၚ်၊ ဒၟာနူညးစဳမာန်ပါ် ဖန်ဒးရးတုဲ ပ္ဍဲဍုၚ်သကာၚ်္ပူ ဂကူကြုက်တအ် စိုတ်လုပ်စကၠုၚ် ပ္ဍဲအရာစဵုဒၞာကၟိန်ဍုၚ်ဇကုဇကု။
တုဲပၠန် နကဵုကဗျ “ကဵုဂွံဒှ်ဂကူမန်လၟိုန်ညိ”
 |
| ဗီုနာဲဂံၚ်သ္ကာ ဟီုတွံမံၚ် |
*တၚ်လာဲဍာတ်တ် အရက်က္တၚ်က္တၚ်
ဍာ်သာဲဍာတ်တ် ဂျိက္တၚ်ၚ်
ဘဝတဟၚ်ဍုၚ် ဆလအ်ဟွံအိုတ်။
*ညိဟွံပ္တိတ်ဇြဟတ် တိက်လ္ပအ်
ဣဏအ်ကေတ်ဍုၚ်နန်
မၞိဟ်ကဵုမန် နွံမံၚ်ဟာ။
ရဴဝွံ နကဵုပိုဒ်ကဗျ ပံက်ထ္ၜးကဵုအဓိပ္ပာယ် ကု ပုရိသာတ်ညးတိုန်စိုပ်ဂမၠိုၚ်တုဲပုရိသာတ်တအ်ဒးဂၞပ် စိုတ် ကဵုဇြဟတ်တက်တဲဂှ် ဂွံဆဵုကေတ်ရ။
ဆက်တုဲ နူဂကောံသၟတ်မန်-တိဍာ်ဗၠးၜး ဍုၚ်မလေဝ်ယှာ မိသ္ဇၚ် ဗှ်ထ္ၜးဝၚ်အတ္ထုပ္ပတ္တိ အ္စာဗြဴ မိသာဍာရ။ တုဲမ္ဂး နူလျိုၚ်ဌာနပရေၚ်ပညာကောန်ဂကူမန်လေဝ်ဒှ် ညးချဳဓရာၚ် ပရေၚ်ညးဗြဴမန် မၞုံဍုၚ်မန် အ္စာဗြဴမိသာဍာ ဟီုတွံ နကဵုယၟုက္ဍိုပ်လိက် “အခေါၚ်အရာညးဗြဴမန်ကေုာံ ပရေၚ်ပညာကောန်ဂကူမန်”ရ။
တုဲမ္ဂး ပံက်ဏါကဏ္ဍသၟာန်သွဟ် ပ္တိုန်ဂုဏ်စရာဲညးတၠဒါန်ဂမၠိုၚ်တုဲ၊ နာဲဗညာရာဇာ သောၚ်ကလးစရၚ်သြန် လုပ်/တိတ်ဗွဲသရုပ်ရ။ စိုပ်အခိၚ်သဝ်တ္ၚဲ 4:30 နာဍဳဂှ် ဥက္ကဌ ဂကောံပံၚ်ကောံမန်မလေဝ်ယှာ နာဲအကးပေၚ် ဟီုဂလာန်အုပ်ကၠေံနိဂီုတုဲ စိုပ်အခိၚ် 4:45 နာဍဳဂှ် အုပ်ကၠေံအသေဟာန် နကဵုဒွက်ကောန်ဂကူရ။
ပ္ဍဲအသေဟာန်ဝွံ ပုရိသာတ်ညးဆာန်လိက်ပတ်၊ ညးဆာန်ပရေၚ်ပညာဂကူမန် မၞုံလ္တူဍုၚ်ဇၞော် KL ဗၞတ် (၂၅၀)တၠ ပြၚ်ၚ် တိုန်စိုပ်လဝ်ရောၚ် ဂွံတီကေတ်ရ။
မိဇၟန်ပ္ကဴ
ဌာန်ပရိုၚ်ဗညာဓရာံ
0 comments :
Post a Comment