နာဲဟံၚ်သိုက်(ဂကောံလျးရတ်ပိ)ဂှ် ရေၚ်တၠုၚ်ဏါနဒဒှ်လျိုၚ်အသေဟာန်တုဲ တၠဂုဏ်ထာရ၊ တၠဂုဏ်အ္စာဝိဓူရ၊ တၠဂုဏ်အ္စာဝိဇနပါလ၊ နာဲကန္တာမန်၊ နာဲမြဟ်စိုတ် နာဲရာမညအီဆာဲ ရေၚ်တၠုၚ်ဏါနဒဒှ်သဘာပတိဂမၠိုၚ်ရ။
ပ္ဍဲအခိၚ် ၁၂း၃၀ လဒေါဝ်တ္ၚဲဂှ် ပံက်ဏါအသေဟာန်တုဲ ပထမကိုပ်ကၠာတၠဂုဏ်အ္စာထာဝရ ဟီုမြော်ဂလာန်ရ။ တုဲမ္ဂး စၞးဂကောံဟံၚ်ဟ်မြန် ဒု-ဥက္ကဌ နာဲမြဟ်စိုတ်ဟီုဂလာန်ကဵုဇြဟတ်ရ။ စၞးဂကောံသၟတ်မန် နာဲရာမညအီဆာဲ သောၚ်ကလးဗီုဘာသၠုၚ်လညာတ် သ္ဂောံက္တဵုဒှ်ဂှ်ကီု၊ သီုထံက်ထ္ၜးလညာတ်စပ်ကဵု ဘာသၠုၚ်လညာတ်လၟေၚ်(၃)ဝါ ရ။
ကၟုဲတၟေၚ်နူဍုၚ်မန်တေံ တၠဂုဏ်ဝိနပါလ ဟီုဂလာန်ကဵုဇြဟတ်ကီုတုဲ ညးကောပ်ကာဲဘာ နာဲမဟူမာန်သောၚ်ကလး စပ်ကဵုဘာသၠုၚ်လညာတ်ရ။ စၞးကွးဘာဂမၠိုၚ် နာဲပိုန်ဇဳဟီုဂလာန် ညးမက္လိဂွံလာပ်ပထမ နာဲရတ်ပံၚ်ဟီုဂလာန်ရ။
ပ္ဍဲဇိုန်ဏှၚ်ပၟပ်ကဵုလာပ်ကေက်သ္ကာဂှ် နာဲရတ်ပံၚ်ပထမ နာဲသူရ(ဒုတိယ)၊ နာဲဌာန်ဇၞူ(တတိယ)ဗွဲလၟေၚ်ၚ် ကလိဂွံတုဲ အ္စာဗြဴမိယေန်မန် ဘိုၚ်ရေၚ်တၠုၚ်ကဵု ပ္ဍဲသွာၚ်ဗီုပြၚ်သ္ဂောံဇိုန်ဏှၚ်လာပ်(နဒဒှ်လျိုၚ်အသေဟာန် မွဲခဏ)ကီုရ။
အသေဟာန်ဝွံ ကွးဘာတိုန်လဝ်ဘာသၠုၚ်လညာတ် မွဲဒကုတ်မွဲဒကဴတအ်ကီု တိုန်လဝ်စဵုကဵုစိုပ်ဒတုဲဂှ်ကီု၊ ဂကောံကွာန်နာနာတအ်ကီု၊ ညးဆာန်သၟတ် မန်စိုပ်မလေဝ်ယှာဆာန်ဂကူတအ် ဗၞတ်(၄၀)တၠပြၚ်ၚ်တိုန်စိုပ်လဝ်ရ။
ဂကောံသၟတ်မန် တိဍာ်ဗၠးၜးဝွံ ပံက်ကၠုၚ်ဘာသၠုၚ်လညာတ်ပ္ဍဲဗ္ဒိုပ်မာဠ(ပယျဵုမာဲဆံက်)ဂှ် (၂)ဝါ ပ္ဍဲလ္တူတိဍာ်ဗၠးၜး မလေဝ်ယှာဏံဗၞတ်(၃)ဝါ ပံက်လဝ်နွံရောၚ် ဂွံတီကေတ်ရ။
0 comments :
Post a Comment