“အခိၚ်လၟုဟ်ဂှ် ပိုဲဂွံဆဵုညာတ်ကေတ်ဗီုဂကောံကွာန်ဒူရာ ကၠောန်ၜိုတ်ညဳသာမံၚ်ဂှ် မိပ်စိုတ်တဴဗွဲမလောန်ရ။ ဆ္ဂးအာဂတနူဏံပဵုတုဲညံၚ်ဂွံ ညဳသာအာမာန်ဂှ် ဒးဂစာန်ကၠောန်အာရောၚ်။ ကုညးမဟွံပါလုပ်ပ္ဍဲဂကောံဂှ် ညံၚ်ဂွံပါလုပ်မာန် ဒှ်မံၚ်တာလျိုၚ်ရဲက္ဍိုက်ပ်ဂကောံတအ်တုဲ ဟိုတ်ဂှ်ရဒးကသေအ်ကၟဝ်အရောၚ်” သာ်ဝွံကျာ်ဇၞော်ဘာကဠၚ်ဟီုရ။
“နကဵုလညာတ်ပူဂဵု မိက်ဂွံကဵုကသပ်မွဲဟီုတှ်ေ ဂကောံမွဲမွဲဂွံတိုန်တဴအာဍာ်ဇမၠိၚ်မာန်ဂှ် အကြာက္ဍိုပ်သ္ကိုပ်ကဵု ကေါန်ဂကောံဂှ်ဒးနွံကဵုဓဝ်ကၠိုဟ်ခၠၚ် ညးသကအ်ဏေါၚ် အတိုၚ်က္ဍိုပ်သ္ကိုပ်တံဟီုဂှ် ကောန်ဂကောံတအ်ဒးကလၚ်ဗက်ကီု တုဲပၠန်လ္တူပရေၚ်ကမၠောန်ဂကောံဂှ်လေဝ် ဒးသ္ၚဳဂၠိပ်မံၚ်လၟိုန် က္ဍိုပ်သ္ကိုပ်ကဵုကောန်ဂကောံတအ်ပရေၚ်ဆာန်ကၟိန် ညးသ္ကအ်နွံမှလေဝ် တိုၚ်ပ္ကဴရန်တၟံလဝ် ဂွံစိုပ်ပြဟ်ဟ်မာန် ဣဏံဒှ်မံၚ်အဓိကဇၞော်ဇၞော်မွဲဏေါၚ်” သာ်ဝွံနာဲဗညာရာဇာ နူကဵုဂကောံသၟတ်မန်မွဲတၠဟီုရ။
“လၟုဟ်ဂှ်ဂကောံပိုဲဏံ ဒက်ပ္တန်ကၠုၚ်ပေၚ်(၇)သၞာံယျဂှ် မိပ်စိုတ်တဴဗွဲမလောန်ရ။ သွက်ဂွံထံက်ပၚ်ဂွံဒှ်အာဒတုဲဖဵုအလုံကွာန်မွဲဏေါၚ် ရန်တုဲ ကသေအ်ကၟဝ်ပံၚ်ပကောံကၠုၚ်တုဲ ဒက်ပ္တန်ကၠုၚ်ရ။ ဂတနူဏံညံဂွံထံက်ပၚ်အာအလုံကေါန်ဂကူမာန် ပိုဲတံဒးသၠုၚ်ပ္တိုန်အသိၚ် ဒးကၠောန်ထေက်ရ။ ဟိုတ်ဂှ်ရဂကောံဏံဂှ်ညံၚ်ဂွံဒှ် ဂကောံအဲကီုဇၟာပ်ညးအဲ ညံၚ်ဂွံပါလုပ်ကေတ်တာလျိုၚ်မာန်ဂှ် ဒးလဝ်စိုတ်ရောၚ်” သာ်ဝွံ နာဲမဟူမာန်ဟီုရ။
ဂကောံပိုဲညံၚ်ဂွံခိုၚ်ဗိုန်ညံၚ်ဇြဟတ်ဂကောံ ဂွံဂၠိုၚ်တိုန်ကီုတုဲပၠန် လ္တူဂကောံပြသၞာမွဲမွဲကတဵုဒှ်မ္ဂး ဇၟာပ်ကောန်ဂကောံညံၚ်ဂွံဘိုၚ်သှ်ကလး ကဵုမာန်ဂှ်ဒှ်မံၚ်အဓိကရောၚ် လ္တူပရေၚ်ချဳဒရာၚ်လေဝ် ညံၚ်ဂွံကတိုၚ်ကၟဟ်ဂှ် ဒးကၠောန်အာရောၚ်။ ဥက္ကဌ ဂကောံကွာန်ဒူရာဟီုရ။
ပ္ဍဲကဵုပေါဲကောံဓရီုဝွံ နူကဵုဂကောံသၟတ်မန် နာဲဗညာရာဇာ၊နာဲလွဳမာန်တိုန်စိုပ်တုဲ သီုကဵုဂကောံကွာန်နာနာဗၞတ်(၄၀)တၠပြၚ်ၚ် တိုန်စိုပ်လဝ်ရ ပ္ဍဲကဵုအခိၚ်၁း၄၅မိနေတ်ဂှ် အုပ်ကၠေံနိဂီုနကဵု ဒွက်ကောန်ဂကူရောၚ် ဂွံတီကေတ်ရ။
0 comments :
Post a Comment