ကောံဓရီုဝွံ စနူအခိၚ် ၁ နာဍဳ ၃၀ မိနေတ်ဂှ် စပံက်ဏာ အသေဟာန်တုဲ ညးအုပ်ကာ ဂကောံပံၚ်ကောံမန်မ လေဝ်ယှာ နာဲဂံၚ်သ္ကာရေၚ်တၠုၚ်ဏာ နဒဒှ်လျိုၚ်အခန်ကၞာတုဲ အသေဟာန်ဂှ် ပါ်ကရေက်ဏာ ၜါကဏ္ဍရ၊
ကဏ္ဍကၠာဂှ် ဥက္ကဌ နာဲအကးပေၚ်
သောၚ်ကလးပရေၚ် တိုန်စိုပ်လဝ်ကောံဓရီုဇၞော် ပ္ဍဲဍုၚ်မန်တေံကီု၊ ဒုဥက္ကဌ ဂကောံပံၚ် ကောံမန်မလေဝ်ယှာ နာဲဥက္ကာသောၚ်ကလးဏာ ပရေၚ်ဂကောံပံၚ်ကောံ မန်မလေဝ်ယှာကီု၊ တုဲဗက်ဂှ် ကဵုဏာ အခေါၚ် ကုညးတိုန်စိုပ်တံ တၚ်သၟာန်စပ်ကဵုပရေၚ်ဂကောံပံၚ် ကောံမန်မ လေဝ်ယှာရ၊
သ္ကုတ်ဒုတိယဂှ် အစဳဇန်ဒက်ကမ္မတဳ တ္ၚဲကောန်ဂကူမန် မရနုက်ကဵု ၆၇ ဝါ သ္ကုတ်ကေအေယ်(လ်)ရ၊ ကမ္မတဳတ္ၚဲကောန်ဂကူမန် သၞာံဏံဂှ် ရုဲစှ်ပတိုန်ဏာ အတိုၚ်ယၟုသာ်ဝွံရ၊
ဥက္ကဌ နာဲသာၚ်ဝဏ္ဏ ၀၁၆ ၃၄၄၀ ၉၉၂
ဒုဥက္ကဌ နာဲကန္တာဟံသာ ၀၁၈ ၃၅၇၀ ၉၃၀
ညးအုပ်ကာ နာဲဂံၚ်သ္ကာ ၀၁၄ ၅၀၁၆ ၁၇၁
ဖက်ဆောညးအုပ်ကာ (၁) နာဲကဥ္ဇန ၀၁၄ ရ၁၇၇ ၅၂၇
ဖက်ဆောညးအုပ်ကာ (၂) နာဲဝၚ်တၟး ၀၁၂ ၅၇၈၉ ၀၅၀
ကေုာံ ကမ္မတဳ ၂၆ တၠတံ ပါလုပ်ကေတ်တာလျိုၚ် ပ္ဍဲကမ္မတဳတ္ၚဲကောန်ဂကူမန် ၆၇ ဝါရ၊
ကောံဓရီုဝွံ ညးစၞးဂကောံနာနာ ပံၚ်ဖအိုတ် လၟိဟ်မၞိဟ် ၆၀ တၠပြၚ်ၚ်တိုန်စိုပ်တုဲ ဖျေံဏာတၚ်သ္ဂုတ်သွာတ် အတိုၚ်ဗွဲသၟဝ်ဝွံရ
(၁) တဆိပ်ပဠောံသွက်တ္ၚဲကောန်ဂကူမန် ၆၇ ဝါ လ္ပာ်ဂတမုက်ဂှ် ကေတ်အာတဆိပ်မန်မလေဝ်ယှာရောၚ်။
(၂) တဆိပ်ပဠောံလ္ပာ်လက္ကရဴဂှ် ကေတ်အခိၚ်မွဲအဒိုတ်တုဲ အ္စာကသူတံ ပလံၚ်ဗစိုပ်ကဵုအဳမေဝ်မန်မလေဝ်ယှာ၊
(၃) ပဠောံဂှ် အကြာဏံ ကမ္မတဳတိုၚ်တံချပ်ဇန်စတုဲ ကၠောန်အာရောၚ်၊
(၄) သွက်သ္ဂောံဆက်ချပ်အာ ကမၠောန်အဌာန်ဂတဂှ် ပ္ဍဲကဵုစၟတ်တ္ၚဲ ၃ ဂိတု နဝ်ဝေမ်ဗာ သၞာံ ၂၀၁၃ တေံ ကၠောန်သ္ပအာ ကောံဓရီု ကမ္မတဳတ္ၚဲကောန်ဂကူမန် အလန်ပထမရောၚ်၊
(၅) ပရေၚ်ဘဏ္ဍာဂှ် မန်မလေဝ်ယှာ-ဟံၚ်ပြာ်တံ ကေတ်အာတာလျိုၚ် နဒဒှ်တိုၚ်ခဳရောၚ်၊
ကောံဓရီုဝွံ ဥက္ကဌ ကမ္မတဳတ္ၚဲကောန်ဂကူမန်မန် မရနုက်ကဵု ၆၇ ဝါ နာဲသာၚ်ဝဏ္ဏဟီုဂလာန်အုပ်ကၠေံနိဂီုတုဲ ရုပ်သီဏာ အသေဟာန် နကဵုဒွက်ကောန်ဂကူရ၊
သ္ပအစာံကဵု တ္ၚဲသမလ၊ ဝိမလ ပ္တန်ဍုၚ်ဟံသာဝတဳ ပ္ဍဲကဵုသက္ကရာဇ်သာသနာ ၁၁၁၆ ဂိတုမာ်မွဲစွေက် တ္ၚဲစန်ဂှ်တုဲ နာဲထဝ်လေဝ် ဇာတိကွာန်ကၟာဝက် ပၠုပ်ဂလာန် ပ္ဍဲကောံဓရီုကွာန်ဝါဍောတ် တ္ၚဲကောန်ဂကူမန် ဒှ်ကၠုၚ်ဒတန်ရ၊
0 comments :
Post a Comment