“အခါညးဍုၚ်ကွာန်တအ် ဒးကဵုမာဲပ္ဍဲသၞာံ ၂၀၁၅ မ္ဂး ဗော်ဒုၚ်ဂိသွက်ဂကူ ဗော်ကၠောန်လဝ်ကမၠောန်သွက်ဂကူ ဂၠိုၚ်ၚ်ဂှ် ရုဲစှ်ကဵုမာဲညိ သွက်မန်စိုပ်မလေဝ်ယှာတအ် ဂွံကဵုမာဲ ၂၀၁၅မာန် ပိုဲဂစာန်ရေၚ်တၠုၚ်ကဵုဏေါၚ်”

ရဴဝွံ ညးအုပ်ကာဗော်ဒဳမဝ်ကရေဇြဳမန် ဒံက်တာနာဲစောန်တၟး ဟီုဏါ အပ္ဍဲပေါဲဆဵုဂဗကု ကောန်ဂကူမန် မၞုံလ္တူဍုၚ်ဇၞော် ကွာလာလာမ်ပူ ပ္ဍဲစၟတ်တ္ၚဲ ၂၂ ဂိတုအံက်တဝ်ဗာ သၞာံ၂၀၁၃ရ။
ပေါဲဆဵုဂဗဝွံ ကၠောန်ဗဒှ်ဏါ ပ္ဍဲဘာမန် ရာမညနိကာယ K.L အရာပ်ပူတူပလာဇြာ လ္တူဍုၚ်ဇၞော်ကွာလာလာမ်ပူ ကၟိန်ဍုၚ်မလေဝ်ယှာတုဲ နာဲလွဳမာန် (ဂအုပ်ရုၚ် ဂကောံပံၚ်ကောံမန်မလေဝ်ယှာ) ရေၚ်တၠုၚ်ဏါ နဒဒှ်လျိုၚ်အသေဟာန် ရ။
လဒေါဝ်တ္ၚဲ ၁း၃၀ နာဍဳဂှ် စပ္တံပံက်ဏါအသေဟာန်တုဲ ဒု-ဥက္ကဌ ဂကောံပံၚ်ကောံမန်မလေဝ်ယှာ နာဲဥက္ကာ ဒုၚ်စဳရေၚ်ထ္ၜး ပရေၚ်ကမၠောန်ချဳဓရာၚ် ပရေၚ်ဂကူ၊
ဘာသာသာသနာ မၞုံလ္တူဍုၚ်မလေဝ်ယှာဗွဲသရောပ် ကု ညးအုပ်ကာဗော်ဒဳမဝ်ကရေဇြဳမန်ရ။
ဂရောံဒံက်တာ နာဲစောန်တၟးဂှ် နာဲဗ္စာလေဝ်ဒှ် ကမ္မတဳကေၚ်ဗဟဵု M.D.P နာဲကျဝ်ဝေန်လေဝ် သောၚ်ကလးပရေၚ် ဂိုတ်ဂစာန် သ္ဂောံပဠေဝ်သၞောဝ်ဥပဒေ ၂၀၀၈ ကေုာံ သဘဴကၟိန်ဍုၚ်ပံၚ်ကောံဇေတ်တ် ဗွဲမလှဲလးရ။
ကောန်ဂကူမန် ဗၞတ် (၁၀၀)တၠပြၚ်ၚ်တိုန်စိုပ်တုဲ လ္တူညးလ္ၚတ် ပရေၚ်ဍုၚ်ကွာန် ညးချဳဓရာၚ်ပရေၚ်ဂကူတအ် သၟာန်ဏါဂှ် ဒံက်တာနာဲစောန်တၟး ကေုာံ နာဲကျဝ်ဝေန်တအ် ကတိုၚ်ၚ်ကၟဟ်ဟ် ဍုက်က်ကေဝ်ဝ် သွဟ်ကဵုဂှ် ဂွံဆဵုကေတ်ရ။
စပ်ကဵုဗော်မန်(၂)ဂွံပံၚ်ကောံဂှ်
“နူဗော်ဒဳမဝ်ကရေဇြဳမန် သွက်ဂွံသဳကၠဳစပ်ကဵု ဗော်မန်(၂)ပံၚ်ဂှ် ကဵုလဝ်အခေါၚ်အဝဵု ပ္ဍဲကမ္မတဳကေၚ်ကာဗဟဵု(၈)တၠ ပေၚ်ၚ်တုဲ နူဗော်ပိုဲမၚ်ပံၚ်တၟာလအ်ရ။ ဂကူမန်ပိုဲစွံစိုတ်ၜိုဟ်ဟ်ညိ၊ ဂကူမန် ကံကုသဵုခိုဟ်တၟာဂလိုၚ်ရ။ ရံၚ်လ္ၚတ်ဝၚ် ပရေၚ်ဍုၚ်ကွာန်မန်ပိုဲစမ်၊ မွဲအခိၚ်တေံ ၁၉၆၀ ပေါဲရုဲမာဲကၠတ်ထဝ်ကၟိန်ဍုၚ်ဂှ် ဗော်အ္စာယိှဲုကျေန်ကဵု ဗော်အ္စာဖဵုချဵု ၜိုန်ဒှ်(၂)ဗော်ကီုလေဝ် ဠလုပ်ပြိုၚ်ဂှ် ပံၚ်ကောံတုဲ လုပ်ပြိုၚ်လဝ်နွံ၊ ၁၉၉၀ဂှ်လေဝ် မွဲဗော်ဓဝ် လုပ်ပြိုၚ်လဝ်နွံ၊ ၂၀၁၀ ဂှ်လေဝ် မွဲဗော်ဓဝ်လုပ်ပြိုၚ်လဝ်နွံ၊ ဟိုတ်ဂှ်ရ စပ်ကဵုပေါဲရုဲမာဲ သၞာံ ၂၀၁၅တုဲ လ္ပဒှ်ဓဝိၚ်ညိ” ရဴဝွံ ဒံက်တာစောန်တၟး သောၚ်ကလးလဝ်ကီုရ။
ပေါဲဆဵုဂဗဝွံ ၅း၃၀ သဝ်တ္ၚဲဂှ် တုဲဒှ်အံၚ်ဇၞးတုဲ အုပ်ကၠေံအသေဟာန် နကဵုဒွက်ကောန်ဂကူရောၚ် ဂွံတီကေတ်ရ။
                                           မိဇၟန်ပ္ကဴ
                                                                          ဌာန်ပရိုၚ်ဗညာဓရာံ