နဆန္ဒညးဍုၚ်ကွာန်မန် ကေုာံ ခမဳသၚ်တအ်ဂှ် ၜိုတ်တုပ်လဝ်စိုတ် ပ္ဍဲသၞာံ ၂၀၁၄ ကြပ်အိုတ်ဒှ်ကီုလေဝ် ဂွိၚ်ဖေက်လဇုဲလဇအာတုဲ မိက်ဂွံကဵုဒှ်ပံၚ် သၞာံ ၂၀၁၃ ကြပ်အိုတ်ရ။ ပံၚ်ဏောၚ်တှ်ေ ဒးဂၠာဲယၟုတၞဟ်မွဲဏောၚ် သ္ဘၚ်သဳကၠဳကောန်ဂကူမန်မွဲလေဝ် ဒှ်ဏောၚ်ဟီုတှ်ေ ရုပ်ရဴမံက်ကၠုၚ်ဏောၚ် အဲပတှ်ေကေတ်ရ ညံၚ်ဂွံဒှ်မာန် ကၠောန်အိုတ်ညိ “ရဴဝွံ ဥက္ကဌ ဗော် A.M.D.P နာဲဇၞုမန်ဟီုရ။
လ္ပာ်ဗော်ဒဳမဵုကရေဇြဳမန်ပိုဲ ပရဟ်ဒုၚ်လဝ်သွက်ဂွံပံၚ်ဂှ် တၟာလအ်ရ “ရဴဝွံ ညးအုပ်ကာနာနာ အ္စာသဝ်စောန်တၟး ဟီုကဵုဌာန်ပရိုၚ် R.F.A ရ။
သွက်ဗော်မန် (၂) ဂွံပံၚ်ဂှ် ခမဳသၚ်မန်တအ်ဂိုတ်ဂစာန်ကၠုၚ် သဳကၠဳပ္ညဳပ္ညပ်ကၠုၚ်ဗၞတ် (၁၇)ဝါ ဒှ်တုဲ ပ္ဍဲကောံဓရီု ပရေၚ်ဂကူမန် မကၠောန်သ္ပ ပ္ဍဲဍုၚ်မတ်မလီု နူစၟတ်တ္ၚဲ ၂၈ စဵုစိုပ်စၟတ်တ္ၚဲ ၃၀ ဂိတုသေပ်တေမ်ဗာ သၞာံ ၂၀၁၃ ဂှ်လေဝ် ထပ်သဳကၠဳဖျေံလဝ်ဗီုနွံရောၚ် ဂွံတီကေတ် ပ္ဍဲဌာန်ပရိုၚ် R.F.A နွံရ။
ကၠာသၞာံ ၂၀၁၃ ဟွံဂွံအိုတ် ဗော်မန် (၂) ညံၚ်ဂွံပံၚ်ပြဟ်ဟ်မာန် နူဂကောံပ္ညဳပ္ညပ် ကဵုဗ္စိုပ်လဝ်လိက် ဇရေၚ်က္ဍိုပ်သ္ကိုပ်ဗော်(၂)ရောၚ် တၠဂုဏ်ပုဖ္ပဟံသာ ဟီုမြော်ကဵု အ္စာပရိုၚ် ‘မဇ္ဇျိမ” ပ္ဍဲစၟတ်တ္ၚဲ ၂၄ ဂိတုသေပ်တေန်ဗာ သၞာံ ၂၀၁၃ နွံရောၚ် ဂွံတီကေတ်ပၠန်ရ။
ပရိုၚ်ကဵုမံၚ်ဇြဟတ်ဓရိုဟ်ဂှ် ပိုဲဂွံမိၚ်ဒၟံၚ်ရ ဇြဟတ်ဓရိုဟ်တအ်ဏံဂှ် ညးဍုၚ်ကွာန်မန်တအ်ဏောၚ် ကဵုမံၚ်ပိုဲ ညံၚ်ဂွံဂတာပ်ပေါဲရုဲမာဲ ၂၀၁၅ မာန် ဗော်မန်ပိုဲၜါဒးပံၚ်အာရောၚ်ဂှ် ညးတအ်နွံပၟိက် အခါစိုပ်ပေါဲရုဲမာဲ သၞာံ ၂၀၁၅ မ္ဂး ဒးပြိုၚ်ပ္ကာန်ကဵု ဗော်ဇြဟတ်ဇၞော်ဇၞော်ဂှ်မ္ဂး ညံၚ်ဂွံဇၞးမာန် ဂွံက္လိဂွံမာဲညးဍုၚ်ကွာန်မန်ဂၠိုၚ်ၚ်ဂှ် ဒးပံၚ်မှဂွံဂွံမာဲဂၠိုၚ် ကေၚ်ကာဗဟဵု ဗော်ဒဳမဵုကရေဇြဳမန် နာဲသာန်လှာၚ်ဟီုရ။
ပံၚ်ကီုဟွံပံၚ်ကီုဂှ် တန်တဴဒၟံၚ်ကဵု ၜိုတ်လဵုညးတအ်သၠးဖဵုအတ္တ ၜိုတ်လဵုညးတအ်ဒုၚ်ဂိ လတူညးဍုၚ်ကွာန်မန်ရောၚ်။ ရဲပန်ပှော်ဒၟံၚ်ကဵုအလဵုသဳ ဗွဲမလအ်လတအ်ဂှ် သ္ပသာ်လဵုသဳကၠဳပ္ညဳပညပ်ဂွံ ကောန်ဂကူမန်ပိုဲ အာတ်မိက်မံၚ်တၟာဂလိုၚ်ဂှ် ပရေၚ်ပံၚ်ဏအ် မူဟိုတ်ပညဳပညပ်ဟွံဂွံဂှ်ရော “ရဴဝွံ တၠဂုဏ်ပုဖ္ပဟံသာ ဆက်မြော်ရ။
ဗော်ဒဳမဵုကရေဇြဳအလုံရးမန် မစိုပ်ဒၟံၚ်ပ္ဍဲကၠတ်ထဝ် ကေုာံ ဗော်ဒဳမဵုကရေဇြဳမန် မၞုံမ္ၚးကၠတ်ထဝ်တအ်ၜါ ညံၚ်ဂွံပံၚ်ပြဟ်ဟ်မာန်ဂှ် ခမဳသၚ်မန်ကီု ညးဍုၚ်ကွာန်မန်တအ်ကီု ဆန္ဒဇၞော်ဒၟံၚ်ရောၚ် ဂွံတီကေတ်ရ။
ရာမညအီဆာဲ
နိဿဲ - ဌာန်ပရိုၚ် မဇ္ဇျိမ
ဌာန်ပရိုၚ် R.F.A
0 comments :
Post a Comment