ကျာ်ဇၞော်ဘာသၞေဟ်ဂၠုၚ် ဟူတာန်မဳလေန်တာန် ကေုာံ ကျာ်ဇၞော်အ္စာဘာ BM မၞုံတွဵုရးပဳနာန်တအ် သ္ပသ္ကိုပ်သ္ကတုဲ ကၠောန်ဗဒှ်သ္ဘၚ်ဟီုတွံ ပရေၚ်လိက်ပတ် ပ္ဍဲဘာဗါတ်တဝတ်(BM) မၞုံတွဵုရးပဳနာန် ကၟိန်ဍုၚ်မလေဝ်ယှာ ပ္ဍဲစၟတ်တ္ၚဲ ၂၀ ဂိတုအံက်တဝ်ဗါ သၞာံ ၂၀၁၃ ရောၚ်ဂွံတီကေတ်ရ။
လဒေါဝ်တ္ၚဲ ၁း၄၅ မိနေတ် စပံက်အသေဟာန်တုဲ နာဲကဏ္ဍ(ဖက်ဆောညးအုပ်ကာ လၟိဟ်(၂) ဂကောံပံၚ်ကောံမန်မလေဝ်ယှာ) ရေၚ်တၠုၚ်ဏါ နဒဒှ်လျိုၚ်အသေဟာန်ရ။ ပထမကိုပ်ကၠာ သ္ကိုပ်ဒေသပဳနာန် နာဲကြက်သြန် ဟီုဂလာန်မိပ်စိုတ်တုဲ နူညးအုပ်ကာဗော်ဒဳမဝ်ကရေသဳမန် အ္စာသဝ်နာဲစောန်တၟး ဟီုတွံနကဵုယၟုက္ဍိုပ် “ပရေၚ်ဍုၚ်ကွာန်မန် အတိက်၊ပစ္စုပ္ပန်၊ အနာဂတ်”ရ။
တုဲမ္ဂး ကေၚ်ကာဗဟဵု ဗော်ဒဳမဝ်ကရေသဳမန် နာဲကျဝ်ဝေန် ဆက်ဟီုတွံနယၟုက္ဍိုပ် “ကၟိန်ဍုၚ်ပံၚ်ကောံဇေတ်တ် ဟီုမ္ဂးဂှ်” ရ။ မွဲအဆက်ဓဝ် အ္စာကၞေဟ် ဖျေံသ္ဇိုၚ်ပ္ဍဲမလေဝ်ယှာ နာဲရာမညအီဆာဲ ဟီုတွံဏါ နယၟုက္ဍိုပ် “သ္ၚဳဂၠိပ်ခါတ် အကာဲ ပ္ၚံက်ပြံၚ်လှာဲ (ကေုာံ)ပရေၚ်ချဳဓရာၚ်လိက်ပတ်မန်ဗွဲခၞန်”ကီုရ။
ပေါဲဟီုတွံပရေၚ်လိက်ပတ်ဝွံ ကၠောန်ဗဒှ်ဏါ နဒဒှ်အလန်ဒုတိယတုဲ အလန်ပထမတေံ နာဲဇၞူမန် ၊နာဲမၞိက်ၜိုပ် နာဲဗညာသာန် တအ်ပါလုပ်ဟီုတွံလဝ်ရ။
ညးအုပ်ကာ ဂကောံပံၚ်ကောံမန်မလေဝ်ယှာ နာဲဂံၚ်သ္ကာဟီုဂှ် “အစဳဇန်ဏံ ကျာ်ဇၞော်ဘာသၞေဟ်ဂၠုၚ် သ္ပသ္ကိုပ်သ္ကတုဲ နူဂကောံပံၚ်ကောံ မန်မလေဝ်ယှာလေဝ် ဘိုၚ်ရေၚ်တၠုၚ်ပါလုပ် ဂိုတ်ဂစာန်လဝ်ကီုရ။ ပ္ဍဲစၟတ်တ္ၚဲ ၁၉ ဂိတုအံက်တဝ်ဗါ သၞာံ ၂၀၁၃ ဂှ်လေဝ် အ္စာသဝ်နာဲစောန်တၟး ကေုာံ နာဲကျဝ်ဝေန် ဟီုတွံလဝ် ပ္ဍဲသၞေဟ်ဂၠုၚ် ဟူတာန်မဳလေန်တာန်နွံကီုရ။ သၟာကမၠောန်စပ်ကဵု တိတ်ၜဳဂၠာဲက စှ်ေဂၠုၚ်တအ် တိုန်စိုပ်လဝ်နလၟိဟ် (၃၀၀)တၠ ပြၚ်ၚ်ဂှ်ဂွံဆဵုရ။” ရဴဝွံဟီုတဴရ။
အစဳဇန်ပ္ဍဲ BM တွဵုရးပဳနာန်ဏံ ဟိုတ်နူလလောၚ်တြးအောန်တုဲ မၞိဟ်တိုန်စိုပ်က္လၚ် ဗၞတ်ၜိုတ်(၃၅)တၠပြၚ်ၚ် ဂွံတီကေတ်ရ။
မိဇၟန်ပ္ကဴ
ဌာန်ပရိုၚ်ဗညာဓရာံ
0 comments :
Post a Comment