ကောံဓရီုဇၞော်ဂကောံသၟတ်မန် တိဍာ်ဗၠးၜး သ္ကုတ်မ လေဝ်ယှာဝွံ ကၠောန်ဗဒှ်ဏါ ပ္ဍဲစၟတ် ၁၆ ဂိတုမာတ် (ချ်) သၞာံ ၂၀၁၄ ဒၞာဲၝောံခန် ရုၚ်ဂကောံပံၚ်ကောံ မန်မလေဝ်ယှာ အရာပ်ပူတူ ဍုၚ်ဇၞော်ကွာလာ လာမ်ပူရ။
နာဲဆာန်ဠာန် (EC .MYA)ရေၚ်တၠုၚ်ဏါ နဒဒှ်လျိုၚ်အသေဟာန်တုဲ တၠဂုဏ်အ္စာကောဝိဒ၊ နာဲရာမညတိထဝ်၊ နာဲကောန်တၠမန်၊နာဲရာမည အီဆာဲတအ် ရေၚ်တၠုၚ်ဏါ နဒဒှ်ဂကောံသဘာသတိရ။
ပထမကိုပ်ကၠာ ဖက်ဆောညးအုပ်ကာ MMA နာဲရာမညအီဆာဲ ဟီုဂလာန်ပံက်အသေဟာန်တုဲ စၞးကမ္မတဳတိုၚ် နာဲရာမညတိထဝ် ဟီုဂလာန်မိပ်စိုတ်ရ။ ဥက္ကဌ ဂကောံသၟတ်မန် နာဲဥက္ကာ ဒုၚ်စဳရေၚ်လၟေၚ်ကမၠောန်နာနာတုဲ သဳကၠဳသ္ၚဳဂၠိပ်ပရေၚ်ကမၠောန်သၟတ်နာနာ မွဲဒမြိပ်ရေၚ်တၠုၚ် ၂၀၁၂ စဵုစိုပ် ၂၀၁၄ ရ။
တုဲမ္ဂး တုပ်စိုတ်သွက်ပေါဲရုဲမာဲ ညးတာလျိုၚ် ၂၀၁၄- ၂၀၁၆ တုဲ ပံက်ဏါကမ္မယှေန်ပေါဲရုဲမာဲ တၠဂုဏ်ကောဝိဒ၊ နာဲရာမညတိထဝ်၊ နာဲရာမညအီဆာဲ(၃)တၠ ရေၚ်တၠုၚ်ဏါတုဲ ညးတိုန်စိုပ်တအ် ရုဲစှ်ဏါကမ္မတဳကေၚ်ကာသၟတ် သွက်(၂၀၁၄-၂၀၁၆) နကဵုမာဲပၞုက်ရ။ ပ္ဍဲညးဒုၚ်ရုဲစှ်ကမ္မတဳကေၚ်ကာတၟိ (၂၀၁၄-၂၀၁၆)ဝွံ ဥက္ကဌ နာဲဥက္ကာ၊ ဒု-ဥက္ကဌ နာဲကောန်တၠမန်၊ ညးအုပ်ကာ နာဲလွဳမာန်၊ ဖက်ဆောညးအုပ်ကာ နာဲရတ်နန်၊ လျိုၚ်ဘဏ္ဍာ နာဲဂံၚ်သ္ကာ၊ လျိုၚ်စန္ဒက်/လလောၚ်ပရိုၚ် နာဲထဝ်၊ လျိုၚ်စၟဳစၟတ်စရၚ် နာဲဗညာရာဇာတအ် ကလိဂွံတာလျိုၚ်ဗွဲလၟေၚ်ၚ်တုဲ အခိၚ်သဝ်တ္ၚဲ ၄းဝ၅ နာဍဳဂှ် အုပ်ကၠေံဏါ ကောံဓရီုဇၞော်နကဵုဒွက်ကောန်ဂကူရ။ ပ္ဍဲကောံဓရီုဇၞော်ဝွံ EC သၟတ်တြေံဂမၠိုၚ်၊ မိတ်သဟာဲသၟတ် ဗၞတ်(၃၀)တၠပြၚ်ၚ်တိုန်စိုပ်လဝ်ရောၚ် ဂွံတီကေတ်ရ။
0 comments :
Post a Comment