မန်စိုပ်မလေဝ်ယှာတအ် ပံၚ်ကောံတုဲ ကၠောန်မဒှ်ဏါသ္ဘၚ် တ္ၚဲကောန်ဂကူမန် မရနုက်ကဵု (၆၇) ဝါဂြုဂြုဂြီုဂြီု (၃) ဒၞာဲရောၚ်ဂွံတီကေတ်ရ၊ ပ္ဍဲစၟတ်တ္ၚဲ 15/02/2014 ဂှ် မန်စိုပ်မလေဝ်ယှာ သ္ကုတ်ကေအယ်လ်တအ် ကၠောန်ဗဒှ်သ္ဘၚ် တ္ၚဲကောန်ဂကူမန် ဒၞာဲၝောံခန် Chinese Assembly Hall တုဲ တၠဂုဏ် ဥက္ကံသ (ဇြဝ်ဠာတ်) ကေုာံ အ္စာနာဲယက္ခတအ် ဗွဲတၟေၚ်တိုန်စိုပ်လဝ်ရ၊ နာဲဂံၚ်သ္ကာ ကေုာံ မိသ္ဇၚ်မန် တအ်ရေၚ်တၠုၚ်ဏါ နဒဒှ်လျိုၚ် အသေဟာန်ရ၊
အစဳဇန်ဂဳတဂှ် ညးတၠရမျာၚ် သူရိယမာန်တအ် ဒယှ်ေလဟိၚ်ထ္ၜးကဵုလဝ်ကီုတုဲ ကၟုဲတၟေၚ် ညးစၞးဂကောံပံၚ်ကောံမန်ဍုၚ်သေံ နာဲအာဲခိုဟ်လေဝ်တိုန်လဝ်ကီုရ၊
ပ္ဍဲစၟတ်တ္ၚဲ 16/02/2014 ဂှ် မန်စိုပ်မလေဝ်ယှာ သ္ကုတ်ဒေသပဳနာန် ဒၞာဲဘာမန် ဗါတ်တာဝါတ် (BM)လေဝ် ကၠောန်ဗဒှ်ဏါ သ္ဘၚ်တ္ၚဲကောန်ဂကူမန် (၆၇) ဝါ တုဲ တၠဂုဏ် ဥက္ကံသ(ဇြဝ်လာတ်) ကေုာံ အ္စာနာဲယက္ခ ညးစၞးမန်ဍုၚ်သေံ နာဲအာဲခိုဟ် တိုန်စိုပ်လဝ် ဗွဲတၟေၚ်တုဲ သီုကၠောန်ဗဒှ်ဏါ သ္ဘၚ်ဟီုတွံ ကေုံာ သ္ဘၚ်ဓရ်ကီုရ၊ ဥက္ကဌ ဂကောံပံၚ်ကောံမန်မလေဝ်ယှာ နာဲအကးပေၚ် ကေုံာ ဥက္ကဌဂကောံဟံၚ်ပြာ်မန် နာဲသာၚ်ဝဏ္ဏ တအ်တိုန်စိုပ်ကဵုလဝ်ဇြဟတ်ရ။
မွဲအဆက်ဓဝ် ပ္ဍဲစၟတ်တ္ၚဲ 16/02/2014 လဒေါဝ်တ္ၚဲ ၁၂းဝဝ နာဍဳ ဂှ် မန်ဍုၚ်ပဳနာန်တအ်လေဝ် ကၠောန်ဗဒှ် သ္ဘၚ်တ္ၚဲကောန်ဂကူမန် (၆၇) ဝါ ဒၞာဲၝောံခန် “ကံၚ်တာ (Counter)” လဒေါဝ်ဍုၚ်ပဳနာန် သီုဝိုၚ်ဂဳတ ချိုတ်တ်ပၠိုတ်တ်ရောၚ် ဂွံတီကေတ်ရ၊ ညးစၞးဂကောံမန်မလေဝ်ယှာ နာဲရာမညအီဆာဲ တိုန်စိုပ်လဝ်တုဲ နာဲဇဲလွဳဆာန်ဂှ် ရေၚ်တၠုၚ်ဏါနဒဒှ်လျိုၚ် အသေဟာန်ရ၊ ညးတၠရမျာၚ် သူရိယမာန် ၊ သတာ ၊ သဟတအ် တိုန်စိုပ်ဒယှ်ေလဟိၚ်ထ္ၜးကဵုကီုတုဲ သၞာံဏံဒှ်သၞာံကိုပ်ကၠာ ကၠောန်ဗဒှ်ပ္ဍဲလဒေါဝ် ဍုၚ်ပဳနာန်ရောၚ် ဂွံတီကေတ်ရ။
0 comments :
Post a Comment