ပ္ဍဲအသေဟာန်ဝွံ ကျာ်ဇၞော်အ္စာ ထာဝရ၊ တၠဂုဏ်ကောဝိဒ၊ နာဲသာၚ်ဝဏ္ဏ၊ နာဲဥက္ကာ၊ နာဲရာမညအီဆာဲ၊ မိမျေတ်ၚိုဲတအ် ရေၚ်တၠုၚ်ဏါ ဂကောံသဘာပတိတုဲ မိသိုက်ညာဏ်ဂှ် ရေၚ်တၠုၚ်ဏါ နဒဒှ်လျိုၚ်အသေဟာန်ရ။ လဒေါဝ်တ္ၚဲ ၁း၁၅ နာဍဳဂှ် စပံက်ဏါအသေဟာန်တုဲ ကျာ်ဇၞော်အ္စာထာဝရ (နွံပိုန်ဘာမန်ဟူတာန်မိလေန်တာန်) ဟီုမြော်ဂလာန်၊ ဥက္ကဌဂကောံညးဗြဴမန် မိမျေတ်ၚိုဲ ဟီုဂလာန်၊
စၞးဂကောံဟံၚ်ဟ်မြန် နာဲကယျိုၚ်မန် ဟီုဂလာန်၊ မိစန္ဒာအံၚ်(ကွးဘာ MRO) ဗှ်ထ္ၜးလိက်လလောၚ်တြး ဂကောံညးဗြဴမန်၊ ဖက်ဆောညးအုပ်ကာ MMA နာဲရာမညအီဆာဲ ဟီုဂလာန်၊ မိယေန်ထဝ်(ဇာတိကအ်ဍောတ်) ဗှ်ထ္ၜးဝၚ်ဨကရာဇ်ဗြဴ မိစဴဗုရ။
ပ္ဍဲရမျာၚ်ပံက်သြိုဟ် ညးဗြဴမန်ဂှ် နာဲထဝ်၊ မိလွဳအိန်ရဳတအ် ပံက်ဏါသြိုဟ်တုဲ ဥက္ကဌဂကောံသၟတ်မန် တိဍာ်ဗၠးၜး သ္ကုတ်မလေဝ်ယှာ ဟီုဂလာန်အုပ်ကၠေံနိဂီု၊ တုဲမ္ဂးအုပ်ကၠေံအသေဟာန် နကဵုဒွက်ကောန်ဂကူတုဲ ညးဗြဴဆာန်ဂကူမန် ညးတြုံဆာန်ဂကူဗၞတ်(၄၀)တၠပြၚ်ၚ် တိုန်စိုပ်လဝ်ရောၚ်။
ဆက်တုဲကၠောန်ဗဒှ်ဏါ ပေါဲရုဲမာဲ ဂကောံညးဗြဴမန် ဍုၚ်မလေဝ်ယှာတုဲ မိယေန်အေ(ဇာတိကွာန်ခေါဇာ)ဂှ် ဥက္ကဌ၊ မိၚာလေဝ်ဂှ် ဒုဥက္ကဌ၊ မိနန္ဒာဂှ် ညးအုပ်ကာ၊ မိသိုက်ဆာန်ဂှ် ဖက်ဆောညးအုပ်ကာ ဒးဒုၚ်ရုဲစှ်တုဲ မိတေန်မန်၊ မိချဵုဝေန်ပါလုပ် ကမ္မတဳကေၚ်ကာရောၚ် ဂွံတီကေတ်ရ။
0 comments :
Post a Comment