ဘာမန် KL ကၠောန်သ္ဘၚ်လလးက္ထိုန်

ပ္ဍဲစၟတ်တ္ၚဲ ၂၈-၁၁-၂၀၁၂ (သက္ကရာဇ်ဍုၚ် ၁၃၇၄ သၞာံ ဂိတုက္ထိုန်ပေၚ်) ဝွံဘာမန် KL မၞုံသ္ပတန်တဴပွိုၚ်ဍုၚ်ပူဒူ လတူဍုၚ်ဇၞော် ကွာလာလာမ်ပူဂှ် ကၠောန်ဗဒှ်ဏါ သ္ဘၚ်လလးသ္ၚာက္ထိုန်ရောၚ် ဂွံတီကေတ်ရ။  အသေအဟာန်ဝွံ ကောန်ဂကူမန်မၞုံလတူဍုၚ်ဇၞော် ကွာလာလာမ်ပူ ဗၞတ် (၃၀၀) တၠပြၚ်ၚ်တိုန်စိုပ်ရောၚ်ဂွံတီကေတ်ရ၊ ဘာမန် KL ဝွံ ဟိုတ်နူဂွံဗ္ဒမ် ဟွံဇၞော်စကွေံကွေံတုဲ မၞိဟ်ပေၚ်ကၟိဟ်သက်မံၚ်ဟၟဲ ဒှ်အာရ၊ နူဂကောံ ဒါယကာတအ် ထပ်သၠဲလိၚ်ဆေၚ်မ္ဒာဲမွဲဒၞာဲ ဒုၚ်တၠုၚ်ဒၟံၚ်ပုရိသာတ်တအ်ရောၚ် ဂွံဆဵုကေတ်ရ။ အစဳအဇန်လလးသ္ၚာက္ထိုန်ဝွံ သီုအစဳအဇန် လှ်ေဒယှ်ေ တိၚ်တက်အခိုက်ကၞာမန်ပါလုပ်တုဲ ပေၚ်ဇဳတဴ ဗွဲမလောန်ရောၚ် ဂွံတီကေတ်ရ။ ဗီုဘာမန် KL ကၠောန်ဗဒှ် သ္ဘၚ်လလးသ္ၚာက္ထိုန်ဂှ်ကီု ပပ္တံကဵုဘာမန်ကဠၚ်ဂှ် စၟတ်တ္ၚဲ ၂၅-၁၁-၂၀၁၂ ၊ ဘာမန်အလာမ်ဂျာယာဂှ် စၟတ်တ္ၚဲ ၂၇-၁၁-၂၀၁၂ တုဲပၠန် ပ္ဍဲစၟတ်တ္ၚဲ ၂၈-၁၁-၁၂ ပ္ဍဲ ဒေသပဳနာန် ဘာမန်ဗဳအေမ်ဂှ် ကၠောန်သ္ပ သ္ဘၚ်လလးသ္ၚာက္ထိုန် ကီုရောၚ် ဂွံတီကေတ်ရ။