ပ္ဍဲစၟတ်တ္ၚဲ ၁၄၊ ဂိတုအံက်တဝ်ဗာ ၂၀၁၂ ဂှ် ကၠောန်ဗဒှ်ကောံဓရီုလၟေၚ်ဂိတု ဂကောံသၟတ်မန် တိဍာ်ဗၠးၜး-သ္ကုတ်မလေယှာတုဲ နကဵုဆန္ဒမာဲညးမတိုန်စိုပ် သၟတ်မန်(၃၅)တၠပြၚ်ၚ်ဟေၚ် ကလိဂွံတၚ်တုပ်စိုတ်ကိစ္စဗွဲလ္တူတေံရ။ လဂွံကဵုတၚ်သ္ဂုတ်သွာတ် ပေဲါသၠာဲဂတလညာတ် သၟတ်မန် အလုံဒေသရးမန် အလန်တတိယ ကၠောန်ဗဒှ်လဝ် ၂၄၊ ၄၊ ၂၀၁၂ စဵုစိုပ်တ္ၚဲ ၂၆၊ ၄၊ ၂၀၁၂ ပ္ဍဲကွာန်ဝါဗိုၚ် တိဍာ်ဗော်ဍုၚ်မန်တၟိဂှ် ဇၟာပ်စိုပ်စၟတ်တ္ၚဲ ၂၈၊ ဂိတုဒဳဇြေန်ဗာဏံမ္ဂး ကၠောန်ဗဒှ် "တ္ၚဲသၟတ်မန်" ရောၚ်ဒှ်တုဲ ဂကောံသၟတ်မန်-တိဍာ်ဗၠးၜး-သ္ကုတ်မလေယှာ ဒုၚ်ဂိုၚ်ကေတ်တၚ်သ္ဂုတ်သွာတ်ဏံတုဲ ကၠောန်ဗဒှ်အာတ္ၚဲသၟတ်မန်ရောၚ်။ သွက်ဂွံကၠောန်ဗဒှ် တ္ၚဲသၟတ်မန်ဂှ် ပံက်ဏာသာပ်ကမ္မတဳ(၅)တၠရ၊ ဥက္ကဋ္ဌ-နာဲရတ်နန်၊ ညးအုပ်ကာ-နာဲဗညာရာဇာ၊ ဖက်ဆောညးအုပ်ကာ-နာဲဒဳပ၊ ကမ္မတဳကေၚ်ကာ-နာဲသိုက်ဆာန်အံၚ် ကေုာံ နာဲရတ်ပံၚ်တအ် က္ဍိုက်ပ်တုဲ အလုံမွဲဂကောံသၟတ်မန် ပါလုပ် ချဳဒရာၚ်ကၠောန်ရောၚ်။ "တ္ၚဲသၟတ်မန်" အလန်ပထမဏံဝွံ ကၠောန်ဗဒှ်အာဒၞာဲရုၚ်ဟံၚ်ပြာ်မန်တုဲ သၞာံဂတနူဏံ ညံၚ်ဂွံကၠောန်ဗဒှ်အာနကဵုၝောံခန်ကၞာဇၞော်ဇၞော်မာန် သၟတ်ဂမၠိုၚ် စိုတ်ထတ်ဒၟံၚ်ရောၚ် ဂွံတီကေတ်ရ။
0 comments :
Post a Comment