ပ္ဍဲစၟတ်တ္ၚဲ ၂၈ ဂိတုအံက်တဝ်ဗာ ၂၀၁၂ ဂှ် မန်မလေဝ်ယှာတံ ပံၚ်ကောံတုဲ ကၠောန်သ္ပဏာ ပေဲါဟီုတွံ ပရေၚ်လိက်ပတ်တုဲဒှ်အာရောၚ်အ္စာဇၞူမန် ဟီုတွံပရူပရာ အခေါၚ်ဗ္တောန်လိက်ပတ်မန်၊ နာဲမၞိဟ်ၜိုပ် ဟီုတွံ ပရေၚ်လိက်ပတ် ကေုာံ ဝၚ်ကောန်ဂကူမန်၊ နာဲဗညာသာန် သ္ပစၞးကဵုပရေၚ်ပိုန်ဂြပ်တုဲ ဟီုတွံဏာရောၚ်ဂှ် ဂွံတီကေတ်ရ၊ ကၠာဂွိုအ်တွံ ပ္ဍဲမလေဝ်ယှာဂှ် ပ္ဍဲစၟတ်တ္ၚဲ ၂၆ ဂိတုအံက်တဝ်ဗာ ၂၀၁၂ ဂှ် တွံလဝ် ပ္ဍဲသၚ်္ကာပေါဝ်တုဲမှ စိုပ်ကၠုၚ်အဏံ သာ်ဝွံညးမစဳဇန်ပရေၚ်တွံဓဝ်မွဲတၠဟီုရ၊တိတ်မ္ၚးတုဲ ဟီုတွံဗီုဏံဂှ် ဣဏံအလန်ကၠာအိုတ်ရ သာ်ဝွံအ္စာဇၞော်နာဲဇၞူမန်ဟီုရ စပ်ကဵုပရေၚ်ဒုၚ်တၠုၚ်တုဲ ဍုၚ်သၚ်္ကာပူကီု ဍုၚ်မလေဝ်ယှာကီု ဂွံဆဵုကေတ်ဂှ် မိပ်စိုတ်အိုဟ်တၟိဟ်သက်ဟီုဟွံမွဲ သာ်ဝွံညးဆက်ဟီုရ၊ သဘၚ်ကၞာဏံဂွံကတဵုဒှ်ကၠုၚ်ဂှ် နူကဵုတၠဆေၚ်ဖျာမန် ဂကောံမန်ဇၞော်ဇၞော်တံ ဒုၚ်ကဵုလဝ် Sponsor ရောၚ်ဂှ် ဂွံတီကေတ်ရ။
“ပး” မိပ်စိုတ်သက်ဒးဟီုဟွံမွဲရ ဂွံဆဵုဂွံမိၚ်ကေတ် ဗီုဗီုဏံဂှ် ဂတနူဏံလေဝ် ညံၚ်ဂွံကၠောန်မာန်ပၠန်ဂှ် ပိုဲဒးဂစာန် အာထေက်ရောၚ် သာ်ဝွံ ညးမတိုန်စိုပ်လဝ် အခန်ကၞာ နာဲအံၚ်ၜါသွာၚ်ဟီုရ။
သဘၚ်ဟီုတွံပ္ဍဲမလေဝ်ယှာဏံဝွံ ပ္ဍဲစၟတ်တ္ၚဲ ၃၀၊၁၀၊၂၀၁၂ ပ္ဍဲဘာမန် ဗတ္တဝတ်၊ စၟတ်တ္ၚဲ ၁၊၁၁၊၂၀၁၂ ဂှ် ဘာသၞေဟ်ဂၠုၚ်၊ စၟတ်တ္ၚဲ ၃၊၁၁၊၂၀၁၂ ဂှ် ကလေၚ်ဆဵုကဵုဂကောံကွာန်နာနာ ပ္ဍဲကဵုရုၚ်ဟံၚ်ပြာ်၊ စၟတ်တ္ၚဲ ၄၊ ၁၁၊ ၂၀၁၂ ဂှ် ပ္ဍဲဘာမန် ရာမညနိကာယ (ကဠၚ်) အစဳဇန်ဆက်ဟီုတွံအာ နွံရောၚ်ဂှ် ဂွံတီကေတ် နူကဵုလိက်လလောၚ် တြး ပ္ဍဲကဵုအစဳအဇန် သွာၚ်မလေဝ်ယှာဏံကီုရ၊
0 comments :
Post a Comment