ကောံဓရီု ကမ္မတီလိက်လၟေၚ် ၜိုပ်ၜါ ကေုာံ ဗညာဓရာံ

ပ္ဍဲကဵုစၟတ်တ္ၚဲ - ၂၁ - ဂိတု-အံက်တဝ်ဗါ-၂၀၁၂ - သွာၚ်ကမ္မတီလိက်လၟေၚ်ၜိုပ်ၜါ ကေုာံ လိက်လၟေၚ်ဗညာဓရာံ ကောံဓရီုလံရောၚ် ဂွံတီကေတ်ရ။ ပ္ဍဲကောံဓရီုဝွံရုဲစှ်ပ္တန်လဝ် က္ဍိုပ်အေယ်ဒဳတာ   ၂ တၠ -  ဥက္ကဌ   နာဲအီဆာဲ၊ အေယ်ဒဳတာ  ဒု ဥက္ကဌ    နာဲဥက္ကာ၊  လျိုၚ်ပကောံ ပရိုၚ်၂ တၠ - နာဲဟံၚ်မန်၊ နာဲဆာန်ဠာန်၊ လျိုၚ်ဒဳဇြိုၚ်(Layout) ၂ တၠ - နာဲဉာဏ၊ နာဲဝၚ်မန်၊  လျိုၚ်ဗွဝ်ဖျာ ၂  တၠ နာဲနက္ခရတ်၊ နာဲနန်လွဳမန်၊ လျိုၚ်လလောၚ်တြး  ၂  တၠ - နာဲဝၚ်တၟး၊ နာဲကောဆာန်၊ လျိုၚ်ဂအုပ်ရုၚ် ၁ တၠ - နာဲဗညာရာဇာတံမဒှ်ရ။ လိက်ပရိုၚ်ဗညာဓရာံဂှ် ကၠာဟွံဂွံစိုတ် တ္ၚဲသၟတ်မန်တေံ ညံၚ်ဂွံတိတ်မာန်ဂ္ဓာန်အာရောၚ် ၊ စၟတ်တ္ၚဲ၂၀ - ဂိတု - ဒဳဇြေန်ဗါ - ၂၀၁၂ ဂှ်စွံလက္ကရဴအိုတ်တုဲ ညံၚ်ဂွံဂှ် ဖျေံလဝ်သ္ကုတ်သွာတ်ရ ၊ ဗီုဂှ်ကီု လိက်လၟေၚ်ၜိုပ်ၜါလေဝ် ကၠာဟွံဂွံစိုပ်  တ္ၚဲကောန်ဂကူ ညံၚ်ဂွံတိတ်မာန်ဂ္စာန်အာတုဲ ပ္ဍဲစၟတ်တ္ၚဲ ၂၀ ဂိတုဖေဖဝ်ဝါရေဝ် ၂၀၁၃ စွံလက္ကရဴတုဲ ပတိတ်အာရောၚ်။ ဂတာပ်လိက်သွက်လိက်လၟေၚ်ၜိုပ်ၜါ ဂှ် ရုဲစှ်လဝ် မိလျးဟံသာ ဇာတိကွာန် ခေါဇာ ပွိုၚ်ဍုၚ်ရေဝ် မဒှ်ကီုရ။ ပ္ဍဲကဵုလိက် ပရိုၚ် ဗညာဓရာံ ဂှ် ဂလာန်ညးဒါန်လိက် ပရိုၚ် ဍုၚ်မန်၊ ပရိုၚ် ဂၠးကဝ်၊ ပရိုၚ် ပရေၚ်ဍုၚ်ကွာန်၊ ကဗျမွဲပိုတ်၊ ကာတောန်၊ ကဏ္ဍ လဟိၚ်စိုတ် သုခုမ၊ မုညးတံဟီု မုညးတံဂး ၊ ဆိၚ်စပ်ကဵုကျဝ်ညာ၊ ဗီုချဳဒရာၚ်သၟတ် ပါလုပ်ရောၚ်။ လိက်လၟေၚ်ၜိုပ်ၜါဂှ် ကေတ်အာအတိုၚ်တြေံတေံရောၚ်။ ကောံဓရီုကမ္မတီ ဂျာနေဝ် ဂှ် ပ္ဍဲစၟတ်တ္ၚဲ ၁၁၊၁၁၊၂၀၁၂ ဂှ်ဆက်ကော်ကောံဓရီု အာရောၚ်ဂွံတီကေတ် နူကဵုညးတာ လျိုၚ်သွာၚ် ကမ္မတီမွဲတၠဂှ်ဟီုရ။