တ္ၚဲသၟတ်မန်အလန်ပထမ ကၠောန်ဗဒှ်ပ္ဍဲရုၚ်ဟံၚ်ဟ်မြန် ဍုၚ်မလေဝ်သျှာဂှ် သၟတ်မန်ကေုာံညးဆာန်ဂကူဗၞတ်(၈၀)တၠပြၚ်တိုန်စိုပ်ရ။
ဓဝ်ညဳသာအကြာသၟတ်ပိုဲ ---- ဒးဒှ်မွဲရောၚ်
ဓဝ်ညဳသာအကြာသၟတ်ပိုဲဂွံဗိုန်ခိုၚ်ဂှ် --- ပ္တိတ်ဇြဟတ်မၚ်မွဲအာရောၚ်
ဂၠံၚ်တရဴက္ဍိုပ်သ္ကိုပ်ပိုဲမလးလဝ်ဂှ် ----- လုပ်အာပေါဲဗ္တိုက်ဂံၚ်ၚ်ရောၚ်
နကဵုရမျာၚ်ကရေဲသာ်ဝွံ သၟတ်မန် နာဲအံၚ်သိုက်နန် ကေုာံညးတိုန်စိုပ်ကၠုၚ် အသေဟာန်တအ် မွဲရမျာၚ်ဓဝ် လလောၚ်တြးကရေဲဏာ နကဵုစိုတ်ဓါတ် ကတိုၚ်ကတိုၚ်ကၟဟ်ဟ်ဂှ်ဂွံဆဵုကေတ်ရ။
“ပ္ဍဲတ္ၚဲသၟတ်မန်အလန်ပထမ ဝွံ ပ္ဍဲပ္ၚံက်ပရေၚ်ဍုၚ်ကွာန်ဂတဏံ သၟတ်မန်တအ် ဂွံဇက်ဂၠောဲတိုန်အာ တရဴဍုၚ်မန်တၟိ ဂွံဒှ်ဒတုဲဖဵုညးဍုၚ် ကွာန်အလုံသီုဖအိုတ်ဂှ် ပိုဲသၟတ်မန်တအ် သီုညးမဆာန်ဂကူမန်တအ်ဖအိုတ် တံၚ်တောဲဗန်ကအ်အိုတ်စိုအ်”
ရဴဝွံ လိက်လလောၚ်တြး ဂကောံသၟတ်မန်-တိဍာ်ဗၠးၜး - သ္ကုတ်မလေဝ်သျှာ ပ္တိတ်လဝ်နူစၟတ်တ္ၚဲ ၂၈/ဂိတုဒဳဇြေမ်ဗာ သၞာံ ၂၀၁၂ဂှ် ထၟံက်ထ္ၜးလဝ်ရ။
ကျာ်ဇၞော်ဝိရိယ ဘာမန်ကဠၚ်လေဝ် “လိက်ဟွံဂွံဒါန် ၊ ဗြဴဟွံဂွံသၟာန်၊ စးဂလာန်မိမၜါ ကေုာံအစံၚ်အ္စာ ကြက်ဂလာန်(၃) တၚ်ဏံ သၟတ်တအ် ညံၚ်ဟွံဂွံကၠောန်ဒးအာစွံသတိညိ” ရဴဝွံ ညးကဵုဒၠောံဗ္တောန်ရ။
“အရာသှ်ပလိုတ်ပရေၚ်ဍုၚ်ကွာန်လ္တူခုၚ် သ္ဘၚ်သဳကၠဳကောန်ဂကူ ဗွဲမတုပ်သၟဟ်ကဵု သ္ဘၚ်သဳကၠဳပေန်လုၚ် အခိၚ်တုဲကၠုၚ်တေံ ဂကောံဇဳ ဗော်ဇဳသီုဖအိုတ် ညံၚ်သ္ဂောံပါလုပ်မာန်ဂွံကၠောန်သ္ပကဵုမ္ဂး ပရေၚ်ၜိုဟ်လလမ်ပ္ဍဲဍုၚ် အလဵုသဳတုၚ်ဇြုၚ်ထမံက်ဒၟံၚ်ရုပ်ရဴတ္ၚဲဏံဂှ် ဗီုလဵုလေဝ် အာဍာ်ဇမၠိၚ်ဟွံမာန်ရောၚ် ပိုဲသၟတ်တအ်ပတှ်ေကေတ်ရ” ။ သာ်ဝွံ ထၟံက်ထ္ၜးလဝ်ပ္ဍဲလိက်လလောၚ်တြး ဋ္ဌာန်ကောံသၟတ်မန် Mon Youth Forum (M.Y.F) ပ္ဍဲရာမညဍုၚ်မန်တေံရ။
“ပရိုၚ်ဂကောံသၟတ်မန်တအ် ဂစိုတ်ဂယိုၚ်ညးသ္ကအ်ပ္ဍဲဍုၚ်ဏံ ပရိုၚ်သၟတ်မန်တအ် ချိုတ်အာကဵုဂဥုဲဝိဝိၚ်ဂှ် ဂတနူဏံ ဟွံမိက်မိၚ် မိက်ဂွံမိၚ်ပရိုၚ်သၟတ်မန်ဂမၠိုၚ် ဗျဵုကေတ်ဍုၚ်မန် မိက်ဂွံကလၚ် ဂလာန်သၟတ်မန်ဟီု ပရူကေတ်ဗၠးၜးဂၠိုၚ်ၚ် ပရေၚ်ရုန်ဂစာန် ကေတ်ဗၠးၜး ဂကူဂၠိုၚ်ၚ်ရောၚ် မိက်ဂွံဟီုပ္ဍဲတ္ၚဲသၟတ်မန်ဏံရ” ။ ရဴဝွံ သၟာပရေၚ်ဍုၚ်ကွာန်စိုပ်မလေဝ်သျှာမွဲတၠဟီုရ။
ပ္ဍဲတ္ၚဲသၟတ်မန်ဏံ သၟတ်မန်ဂမၠိုၚ်ဂွံဆဵုဂဗညးသ္ကအ် ဂွံလှာဲဂတးလညာတ်ညးသ္ကအ် အကြာပရေၚ်ရုန်ဂစာန်သွက်ဗုၚ်ဂၞဴဂှ် မိပ်မြဟ်တဴ ဗွဲမလောန်ရ။ တ္ၚဲသၟတ်မန်ဝွံသၞာံဂတတေံ မ္ဒကၠောန်ဗဒှ်အာ နကဵုၝောံခန်ဇၞော်ဇၞော်ကတိုၚ်ကတိုၚ်ကၟဟ်ဟ်ပၠန်ရောၚ်။ သၟတ်မန်မလေဝ်သျှာတအ် စိုတ်ထတ်ဒၟံၚ်ရောၚ် ဂွံတီကေတ်ရ။
0 comments :
Post a Comment