ကောံဓရီုဝွံ ကၠောန်ဗဒှ်ဏာ အတိုၚ်လၟေၚ်အစဳဇန်တြေံရ၊ ပံက်အသေဟာန် ကောံဓရီု၊ ဆက်မိတ်ညးမွဲကေုာံညးမွဲတုဲ ညး အုပ်ကာ ကမ္မတဳတ္ၚဲကောန်ဂကူ ၆၆ ဝါ နာဲဥက္ကာ ဟီုဂလာန်ပံက်အသေဟာန်ရ၊ တုဲဂှ်ဒုၚ်စဳရေၚ်ကၠောန်ဏာ သွာၚ်ကမၠောန်
ညးကုညးရ၊ သၞာံဏံ သွာၚ်ဂီုကၠီုဂှ် ထပ်ဗပေၚ်အာဇြဟတ်ဏောၚ်၊ ရံၚ်ကဵုပရေၚ်ဆဵုဂဗသၞာံတုဲ ကၠုၚ်တေံတုဲ သၞာံဏံဗီုလဵုဒးပ ဠေဝ်အာထေက်ဂှ် ညးမကေတ်လဝ်လျိုၚ်ဂီုကၠီု နာဲဝၚ်တၟး၊ နာဲဒေသတံ ပံၚ်ကောံကု ဂကောံကွာန်တုဲ ဆက်ဇန်အာရ၊ သွက် တ္ၚဲကောန်ဂကူမန် ၆၆ ဝါဏံဂှ် အာတ်မိက်လဝ် ဂကောံကွာန် ညံၚ်ဂွံဗလးကဵုညးစၞး ၃ တၠရောၚ် သ္ဂောံတီကေတ်ရ။
စပ်ကဵုလျိုၚ်အခန်ကၞာဂှ်လေဝ် ရုဲစှ်လဝ် ၄ တၠတုဲ ဖျေံဗီုပြၚ်ပကတ်ပကေၚ်အာ သွက်ဂွံတိုန်စၚ်ဏောၚ်၊ အခန်ကၞာ သွက်မလိက်ဂှ်လေဝ် စကၠောန်အာဏောၚ်၊ စပ်ကဵုကိစ္စကဵုဒါန်ဂှ်တှ်ေ ပဵုနူကဵုဍာ်ကဵုပုၚ်ဂှ် တၞဟ်ဟ်ဒုၚ်ဏောၚ်ဂှ် နူကဵုကောံဓရီုဏံ ဖျေံဏာလဝ်ရ၊
နဂလာန်အုပ်ကၠေံနိဂီုဂှ် ဒုဥက္ကဌ ကမ္မတဳတ္ၚဲကောန်ဂကူ နာဲသာၚ်ဝဏ္ဏ ဟီုကသေံကၟဝ်ဏာ ညးဂမၠိုၚ် ညံၚ်ဂွံပံၚ်တောဲကၠောန် အာညဳညဳသာသာကီုရ၊
ကောံဓရီုဝွံ နူ ၁၂ နာဍဳပြၚ်ၚ်ဂှ် စကၠောန်ဏာတုဲ ၂ နာဍဳပြၚ်ဂှ် ရုပ်သီဏာကောံဓရီု နကဵုဒွက်ကောန်ဂကူရ။ ပ္ဍဲကဵုစၟတ်တ္ၚဲ ၁၀ ဂိတု ဖေဖဝ်ဝါရဳတေံ ၂၀၁၃ တေံ ဆက်ကောံဓရီုအာ အလန်ပဥ္စမပၠန်ရောၚ်ဂှ် ဖျေံဏာလဝ်သ္ဂုတ်သွာတ်ရ။
ကမ္မတဳတ္ၚဲကောန်ဂကူမန် ၆၆ ဝါ ဍုၚ်မလေဝ်သျှာ သ္ကုတ်ကေအယ်(လ်) ဝွံ ပ္ဍဲကဵုစၟတ်တ္ၚဲ ၉ ဂိတု ၉ သၞာံ ၂၀၁၂ ဂှ် စဒက်ပ္တန် ကၠုၚ်တုဲ စိုပ်စၟတ်တ္ၚဲ ၂၁-၁၀-၂၀၁၂၊ ၁၈-၁၁-၂၀၁၂၊ ၂-၁၂-၂၀၁၂၊ ၆-၁-၂-၁၃၊ ကၠောန်သ္ပကၠုၚ်ကောံဓရီု လၟေၚ်လၟေၚ်ရောၚ် သ္ဂောံတီကေတ်ရ။
0 comments :
Post a Comment