အဓိကပိုဲကလေၚ်သ္ၚဳဂၠိပ် ကမၠောန်ပိုဲကၠောန်ကၠုၚ်လဝ်တုဲ မပ္တံကဵုစရၚ်ကီု ဂွံပတိတ်လိက်ဒုၚ်စဳရေၚ်ကီု၊ သြန်သှ်ေမံၚ်တံဂှ် ဗီုလဵုဂွံဆက်သ္ပအာကီု ပိုဲတံချပ်စဗီုဏံရ သာ်ဝွံ ဥက္ကဌ နာဲရတ်နန်ဟီုရ၊
တ္ၚဲသၟတ်မန် အလန်တတိယ ဍုၚ်မလေဝ်ယှာ
က္ဍိုပ်သ္ကိုပ်ဂမၠိုၚ် လ္တူကမၠောန်ချဳဓရာၚ်ဂကူ ညံၚ်ဟွံဂွံသ္ပလဝ်မဇ္ဇုဟ် ကုသၟတ်တံ(ဝါ) ခေတ်တ္ၚဲဏံ သၟတ်တံလေဝ် သာသ္ပအ်မံၚ်ဟွံထေက်ရပုဟ် နာဲရတ်ပံၚ်ဟီု
ဗီုပြၚ်ဂကူပဠောံ ကေုာံ သာ်အရံၚ်ပဠောံ
ဂကောံသၟတ်မန်-တိဍာ်ဗၠးၜး သ္ကုတ်မလေဝ်ယှာ သၞာံ ၂၀၁၄
လိက်လၟေၚ်ဗညာဓရာံ
လိက်လၟေၚ်ဗညာဓရာံ (၂)ဂိတုမွဲဝါ တြးပ္တိတ်နူဂကောံသၟတ်မန်-တိဍာ်ဗၠးၜး
သဘၚ်ကောံဓရီုဇၞော် သၟတ်မန်- အလန်ပထမ ဍုၚ်မတ်မလီု
စၟတ်တ္ၚဲ ၁/၂/၃/၅/၂၀၁၄
လလောၚ်တြးနာနာ
ဂျာနေဝ် "လၟေၚ်ၜိုပ်ၜါ"
Tuesday, January 15, 2013
ကမ္မတဳတ္ၚဲသၟတ်မန် အလန်ပထမ ဍုၚ်မလေဝ်သျှာ ကလေၚ်ဂ္ဇအ်ကောံဓရီု
အဓိကပိုဲကလေၚ်သ္ၚဳဂၠိပ် ကမၠောန်ပိုဲကၠောန်ကၠုၚ်လဝ်တုဲ မပ္တံကဵုစရၚ်ကီု ဂွံပတိတ်လိက်ဒုၚ်စဳရေၚ်ကီု၊ သြန်သှ်ေမံၚ်တံဂှ် ဗီုလဵုဂွံဆက်သ္ပအာကီု ပိုဲတံချပ်စဗီုဏံရ သာ်ဝွံ ဥက္ကဌ နာဲရတ်နန်ဟီုရ၊
Friday, January 11, 2013
တ္ၚဲသၟတ်မန်အလန်ပထမပ္ဍဲကၟိန်ဍုၚ်အမေရိကာန်
ကောန်ၚာ်သၟတ်တအ် မကျိုၚ်လဝ်ကယျိုၚ်မန် မတ္ၚိန်လဝ်အလာံၜိုပ်ထဝ်တုဲ မဇက်တိုန်သဘၚ်ကၞာဂတမၞိက်ဂမၠိုၚ်ဂှ် ဒှ်အရာမပံက်ဏာအသေအဟာန် တ္ၚဲသၟတ်မန်အလန်ပထမ ပ္ဍဲဍုၚ်အမေရိကာန်ဝှတ်ဝိၚ်ရ၊ ရံၚ်ကေတ်မ္ဂးတုပ်တဴညံၚ်ရဴ ထ္ၜးလက်သန်သၟတ်တအ် ဆက်ယိုက်ဂၠေၚ်အာတာလျိုၚ် ဂကူမန်မသှ်ေဒၟံၚ်ညံၚ်ဂွံစိုပ် တိုၚ်ပ္ကဴမန်မရန်တၟအ်လဝ်ဒှ်မာန်ရ၊ တ္ၚဲညးဗြဴမန်ဂှ်ညးတအ်ထ္ၜး လက်သန်မိစဴဗု၊ တ္ၚဲဟံသာဝတဳလီဂှ် ညးတအ်ကၠောန်ဗဒှ် ဍေန်ပၞာၚ်တုဲဗှ်ဗၞုဟ် ဇုဇဗလခမဳသၚ်တအ် မဒးဒုၚ်စံၚ်၊မဒးဒုၚ်ဂစိုတ်စပ်ကဵုတ္ၚဲ သၟတ်မန်ဂှ်ပိုဲဒးထ္ၜးဗီုပြၚ်မွဲမွဲသာ်ထေက် နာဲရတ်တ်ဟီုကဵုကသပ်ပ္ဍဲသဘၚ်ကၞာဂှ်ရ၊ မိဝလ္လရဳဆီမန်(မိသဵုသဵု)ညးမဒှ် ဥက္ကဌဂကောံသၟတ်မန် ဝှတ်ဝိၚ် သောၚ်ကလးပရူ သၟတ်ဂၠးတိ မကဵု်ဒြဟတ်ပ္ဍဲပရေၚ် ပၠန်ဂတးဗၠးၜး အဳဂျေပ်၊ တူနဳယှာတအ်တုဲ ညးစၞးဂကောံဒေသနာနာတအ်လေဝ် တိုန်စိုပ်ဟီုဂလာန်ပ္ဍဲသဘၚ်ကၞာဂှ်ကီုရ၊ တ္ၚဲသၟတ်မန်ဂှ်ၜိုန်ရပလဝ် စၟတ်သမ္တီပ္ဍဲဂိတုဒဳဇြေမ်ဗာ၂၈ကီုလေဝ် ရံၚ်ကဵုတ္ၚဲကၟာတ်ကမၠောန်တုဲ သၟာံဏအ်ကၠောန်ဗဒှ် ပ္ဍဲဂိတုဒဳဇြေမ်ဗာ၃၀ရ၊ ၜိုန်ရတ္ၚဲသၟတ်မန် မဟီုလဝ်ကီုလေဝ် ကောန်ဂကူမန်နကဵုအဝဲနာနာသာ် တိုန်စိုပ်ကဵုဒြဟတ်ဂြုဂြုဂြီုဂြီုအိုတ်ရ။
(mrc)
Monday, January 7, 2013
ကောန်ဍုၚ်အရၚ်တံ ပံၚ်ကောံထ္ၜးဆန္ဒ ဂတမုက်ရုၚ်ကလုတ်ဗၟာ ပ္ဍဲဍုၚ်မလေဝ်သျှာ
အဓိကဗွဲတၟေၚ်ဂှ် ထ္ၜးဆန္ဒပရော ထပက်မံၚ်ပၞာန် ဝေၚ်မံၚ်ပၞာန် ပ္ဍဲဒေသကချေၚ်ဂှ်ရ၊ ပေဲါပၞာန်ကချေၚ်ဂှ် လၟုဟ်က္တဵုဒှ်မံၚ် ပွိုၚ်မွဲသၞာံပြၚ်အာယျ၊ အလဵုအသဳတံ ထပက်မံၚ်ပၞာန် အသိၚ်သၠုၚ်ကၠုၚ်သီုဝေၚ်မံၚ်ပၞာန်ကဵုက္ၜၚ်ကျာရ၊
သ္ဘၚ်သ္ပထပိုဲသာမဏဳ ကွးဘာဟံၚ်ပြာ်မန် ဍုၚ်မလေဝ်သျှာ ကၠောန်ဗဒှ်ပ္ဍဲဘာပူဒူ လ္တူဍုၚ်ကွာလာလာမ်ပူ
ပ္ဍဲစၟတ်တ္ၚဲ ၂၉ ဂိတုဒဳဇြေမ်ဗါ သၞာံ ၂၀၁၂ ဂှ် ဂကောံဟံၚ်ပြာ်မန်ဍုၚ်မလေဝ်သျှာ သ္ပသ္ကိုပ်သ္ကတုဲ ကၠောန်သ္ပမ္ၚဵုသ္ပထပိုဲ သာမဏဳ ပ္ဍဲဘာမန်ရာမည နိကာယ ပူဒူ မၞုံလ္တူဍုၚ်ကွာလာလာမ်ပူ ကၟိန်ဍုၚ်မလေဝ်သျှာရ။
အစဳဇန်မ္ၚဵုသ္ပထပိုဲသာမဏဳဝွံ နကဵုအခိုက်ယေန်သၞာၚ်ပြဝေဏဳမန် ကၠောန်ဗဒှ်ဏါတုဲ ကွးဘာမကတ်ဗ္တောန်ပညာ ပ္ဍဲသွာၚ်ပရေၚ်ပညာဂကောံဟံၚ်ပြာ်မန် ဗၞတ်(၁၅)တၠ သ္ပထပိုဲသာမဏဳရ။
“အစဳဇန်ဏံ ဂကောံဟံၚ်ပြာ်မန်ဂှ် သ္ပတိုၚ်ခဳတုဲသီုမိမကွးဘာတအ် သီုကမ္မတဳဘာပူဒူ ပံၚ်ကောံသ္ပလဝ်ဒါယကာ ဏေါၚ်” ရဴဝွံညးတာလျိုၚ်ဂကောံဟံၚ်ပြာ်မန် ဍုၚ်မလေဝ်သျှာနာဲဝၚ်တၟးဟီုရ။
ပ္ဍဲအစဳဇန်ကဝါ်ထပိုဲဂှ်လေဝ် ကၠောန်ဏါ အတိုၚ်အခိုက်ကၞာမန် ဗီုပ္ဍဲဍုၚ်ရာမညတေံကီု သီုသၟတ်ဝုတ်ဗၠာဲတအ် ယိုက် ပ္ကဴသဴမြမောဝ်တုဲ ဂေတ်ကွာ်အာနူပူဒူပလာဇြာ စဵုကဵုစိုပ်ဘာပူဒူတေံနကဵုကယျိုၚ်ယေန်သၞာၚ်မန်ဂှ် ဂွံဆဵုကေတ်ရ။
မန်မလေဝ်သျှာတအ် ရန်တၟံကဵု မဂ်ဖဵုနိဗ္ဗာန်ကၠောန်သ္ပကုသဵု သ္ပဒါယကာ ဗီုဏံဂွံဆဵုကေတ်လ္တူဍုၚ်မလေဝ်သျှာဂှ် ဒှ်တၟေၚ်မွဲကီုရောၚ်။
ပ္ဍဲအစဳဇန်ဏံ ပုရိဿတ်ဒါယကာ ပူဂဵု သပ္ပုရိုဟ် ဗၞတ်(၈၀)တၠပြၚ်ၚ် တိုန်စိုပ်လဝ်ရောၚ်။
ပ္ဍဲစၟတ်တ္ၚဲ ၂၈ ဂိတုဒဳဇြေမ်ဗါ ၂၀၁၂ ဂှ် ကၠောန်ၜိုတ်ကေၚ်ကာ သီုကဝါ်ထပိုဲတုဲ ပ္ဍဲစၟတ်တ္ၚဲ ၂၉ ဂိတုဒဳဇြေမ်ဗါ ၂၀၁၂ဂှ် ပါ်ပရအ်ကုသဵု ဇိုန်ပိုန်စရိုဟ်ဍာ်ညဳညဳသာသာ ဂြုဂြုဂြီုဂြီု ရောၚ် ဂွံတီကေတ်ရ။
Sunday, January 6, 2013
ကမ္မတဳတ္ၚဲကောန်ဂကူမန် ၆၆ ဝါ ဍုၚ်မလေဝ်သျှာ သ္ကုတ်ကေအယ်(လ်) ကောံဓရီုအလန်စတုတ္ထ
ကောံဓရီုဝွံ ကၠောန်ဗဒှ်ဏာ အတိုၚ်လၟေၚ်အစဳဇန်တြေံရ၊ ပံက်အသေဟာန် ကောံဓရီု၊ ဆက်မိတ်ညးမွဲကေုာံညးမွဲတုဲ ညး အုပ်ကာ ကမ္မတဳတ္ၚဲကောန်ဂကူ ၆၆ ဝါ နာဲဥက္ကာ ဟီုဂလာန်ပံက်အသေဟာန်ရ၊ တုဲဂှ်ဒုၚ်စဳရေၚ်ကၠောန်ဏာ သွာၚ်ကမၠောန်
Tuesday, January 1, 2013
“ဗီုကၠောန်တ္ၚဲသၟတ်မန်ဏံအနာဂတ်တေံ သၟတ်မန်တအ် ညံၚ်ဂွံကၠောန်ဗဒှ် ညံၚ်ဂွံကၠောန်ဗဒှ်တ္ၚဲဗၠးၜးမန် ပ္ဍဲဍုၚ်ရာမညတေံ ဒးဂိုတ်ဂ္စာန်ထေက်ရောၚ်”
တ္ၚဲသၟတ်မန်အလန်ပထမ ကၠောန်ဗဒှ်ပ္ဍဲရုၚ်ဟံၚ်ဟ်မြန် ဍုၚ်မလေဝ်သျှာဂှ် သၟတ်မန်ကေုာံညးဆာန်ဂကူဗၞတ်(၈၀)တၠပြၚ်တိုန်စိုပ်ရ။
