အသေဟာန်ဝွံ နူကဵုအခိၚ် ၁၁ နာဍဳပြၚ်ၚ်ဂှ် စဏာအသေဟာန်တုဲ ၜိုတ် ၄ နာဍဳဂှ်အသေဟာန်တုဲဒှ်အာရ၊ အိသေဟာန်ဝွံ
နူကဵုဂကောံ UNHCR ကီု၊ နူရုၚ်ကလုတ် ဂျာမဏဳကီု၊ နူ ဂကောံညးဗြဴအၚ်္ဂလိက်ကီု ဟီုဏာဂလာန်သေဲသေဲရ၊ ဥက္ကဌ ဂကောံသၟတ်မန်-တိဍာ်ဗၠးၜး-သ္ကုတ်မလေဝ်သျှာ နာဲဥက္ကာလေဝ် သ္ပစၞးကဵုမန်မလေဝ်သျှာတုဲ ဟီုဏာဂလာန်ရ၊
ပ္ဍဲသ္ဘၚ်အသေဟာန် တ္ၚဲညးဗြဴမန်ဏံဂှ် နူကဵုနာဲရာမညအီဆာဲ က္ဍိုက်ပ်တုဲ ဇက်လဝ်ဇာတ် သွက်ဂွံကဵုဇြဟတ်ကဵုညးဗြဴမန်ကီု၊ သွက်ဂွံဒှ်အာအထံက်ကဵု ဂကောံမန်မလဝ်သျှာကီုတုဲ စဳဇန်လဝ်ဇာတ် မၞုံယၟု “ကောဟွံကၠး ဒေံသောၚ်ထ္ၜးကဵုဏောၚ်” တုဲ နာဲဆာန်ဠာန်၊ နာဲဇာတာ၊ နာဲဝၚ်မန်၊ နာဲဝၚ်တၟးတံ ပံၚ်ကောံညဳသာတုဲ ဝေၚ်ဏာဇာတ်ကီုရ၊
ပ္ဍဲအသေဟာန်ဏံဝွံ နာဲဂံၚ်သ္ကာ ကေုာံ မိခဲါထဝ်တအ် ရေၚ်တၠုၚ်ဏာ နလျိုၚ်အသေဟာန်တုဲ နာဲဆာန်ဠာန် ကေုာံ မိသ္ဇၚ်တံ သောၚ်ထ္ၜးဏာ ဝၚ်မိစဴဗု နကဵုဗီုပြၚ် သၟာန်သွဟ်ကီုရ၊ နာဲဝၚ်မန် ဗှ်လိက်လလောၚ်တြး သွက်တ္ၚဲညးဗြဴမန် နကဵုဘာသာမန်၊ မိသိုက်ရတ် ဗှ်ထ္ၜးဏာ လိက်လလောၚ်တြး သွက်တ္ၚဲညးဗြဴမန် နကဵုဘာသာအၚ်္ဂလိက်ရ၊
တၠဂုဏ်အ္စာထာဝရ၊ ဥက္ကဌ ဂကောံညးဗြဴမန် မိမျေတ်တ်ၚိုဲတံလေဝ် ဟီုဏာဂလာန်ကီုရ၊ အဓိပိုဲကၠောန်တ္ၚဲညးဗြဴမန်မန်ဂှ် ဇြဟတ်ညးဗြဴမန်တံ ညံၚ်ဂွံကောံဏောၚ် သာ်ဏံ သၟတ်ဗြဴမကၠုၚ်ကၠောန်စ ပ္ဍဲဍုၚ်မလေဝ်သျှာမွဲတၠဟီုရ၊
တ္ၚဲညးဗြဴမန်ဝွံ သ္ပလဝ်အ္စာံကဵု တ္ၚဲမိစဴဗု က္တဵုဒှ်မၞိဟ် ပ္ဍဲသက္ကရာဇ် ရ၅၅ ဂိတုဖဝ်ရဂိုန် ၁၂ မံက် တ္ၚဲဗုဒ္ဓဝါဂှ်တုဲ ညးဗြဴမန်တံ စၟတ်သမ္တီလဝ် တ္ၚဲညးဗြဴမန်ကီုရ၊ သၞာံဏံမ္ဂး တ္ၚဲညးဗြဴမန်ဂှ် ပ္ဍဲဍုၚ်တေံ ဂွံ ၈ ဝါတုဲ မ္ၚးဍုၚ်ဂှ် ဂွံ ၁၀ ဝါကီုရ၊
0 comments :
Post a Comment