ဇၟာပ်စိုပ်ဂိတုဖဝ်ရဂိုန်ပေၚ်ဝွံ ဒှ်သ္ဘၚ်ကျာ်လ္ဂုၚ်၊ ကျာ်လၟိုၚ်၊ ကျာ်ကေလာသတုဲ ကောန်ဂကူမန် ဗုဒ္ဓဘာသာ တံ စိုတ်ကေၚ်ဇြုၚ် သဒ္ဓါဇၞော်သ္ပပူဇဴ မပ္ထံကဵုပၞာၚ်သၞဴ ပူဇဴကဵုဒါန်နာနာသာ်နွံတဴရ။
ဗီုဂှ်ကီုကောန်ဂကူဗုဒ္ဓဘာသာမၞုံလ္တူဍုၚ်ဇၞော်ကွာလာလာမ်ပူဂှ် ကၟိန်ဍုၚ်မလေဝ်ယှာတံ ပ္ဍဲစၟတ်တ္ၚဲ (26) ဂိတုမာတ် သၞာံ (2013) (၁၃၇၄ သၞံာ ဂိတုဖဝ်ရဂိုန်ပေၚ်)ဂှ် ကၠောန်ဗဒှ်သ္ဘၚ်တွံဓရ်ပ္ဍဲဘာမန် ပူတူ (kl)ရ။
သ္ဘၚ်တွံဓရ်ဝွံ ကျာ်ဇၞော်အ္စာသူရိယ တွံကဵုဏာဓရ်မၞုံယၟု “နွံမံၚ်ဟွံပြဲပ္ဍဲဇကုပိုဲ ကေုာံ ဟွံမွဲဟွံပြဲပ္ဍဲဇကုပိုဲ” ဒှ်တုဲ သ္ဘၚ်တွံဓရ်ဝွံပါ်လဝ်(၂) သ္ကုတ်ရ။
လဒေါဝ်တ္ၚဲ 1:00 နာဍဳစဵုကဵုစိုပ် 3:00 နာဍဳဂှ်မွဲသ္ကုတ်၊ တ္ၚဲဂၠု နူ 8:00 နာဍဳစဵုကဵုစိုပ် 11:00 နာဍဳဂှ်မွဲသ္ကုတ် တုဲဒှ်တုဲ ကဵုဒါန်ပါ်ပရအ်ဇိုန်ပိုန်ရ။
တုဲပၠန် ကျာ်ဇၞော်အ္စာသူရိယ သ္ကိုပ်သ္ကတုဲ ဒါယကာဘာဇၞော် နာဲသဵုညောအ်တံ ပံၚ်ကောံတုဲ လဴကလး သောၚ်ထ္ၜးကဵုဒဒှ်ရ ဒုဥက္ကဌဗော်ဍုၚ်မန်တၟိ နာဲရဿ ဂိဒၟံၚ်ယဲတိုန်ဒၟံၚ်ရုၚ်ဂဥုဲဍုၚ်ၜံၚ်ကံက်ဂှ်ရ။ တုဲမ္ဂးကောန် ဂကူမန်ဗုဒ္ဓဘာသာတံ မတိုန်စိုပ်မၞတ်(30)တၠပြၚ်ၚ်ကဵုဒါန် သွက်ဂွံထေံက်ပေၚ် သွက်နာဲရဿ သ္ဂောံဝဳယဲ လၟိဟ်သြန်(193)ရေန်ဂေတ်ရ။ ကျာ်ဇၞော်သူရိယလေဝ် နွံသဒ္ဓါကီုတုဲ ညးပံၚ်စုတ်သြန်ကလိဂွံနၚ်နူဇံၚ်ဓရ်ဂှ်ရ။ ပံၚ်သြန်သီုဖအိုတ်(500)ရေန်ဂေတ်ပြၚ်ၚ်ဒှ်တုဲထံက်ပၚ်ဏာသွက် နာဲရဿသ္ဂောံဝဳယဲဂှ်ရောၚ်ဂွံတီကေတ်ရ။
0 comments :
Post a Comment