တ္ၚဲညးဗြဴမန်ရောၚ် သ္ဂောံတီကေတ်ရ ။
ပ္ဍဲကဵုစၟတ်တ္ၚဲ ၂ ဂိတုမာစ် သၞာံ၂၀၁၃ ဂှ် နူကဵုဂကောံဟံၚ်ပြာ်ညးဗြဴမန် ကမ္မတဳတ္ၚဲကောန်ဂကူမန် ကမ္မတဳ
သြန်ဂအုံဂကူမန် သ္ကုတ်မလေဝ်သျှာ ဂကောံဟံၚ်ပြာ်မန် ဂကောံသၟတ်မန် တိဍာ်ဗၠးၜး ကၠောန်သ္ပဏါ
ကောံဓရီု သွက်ဂွံချပ်ဓရီုစ စပ်ကဵုတ္ၚဲညးဗြဴမန်ရ။
ဂကောံဟံၚ်ပြာ် ညးဗြဴမန် ဍုၚ်မလေဝ်သျှာပိုဲ က္ဍိုက်ပ်တုဲ ကၠောန်ကၠုၚ်လဝ် ၂ သၞာံတုဲရ စပ်ကဵု(ဝါ) ဂှ် ဒုၚ်လဝ်သ္ဇိုၚ်ကဵု ဍုၚ်အမေရိကာန် တေံစကၠောန်ကၠုၚ်လဝ် သာ်ဏံ မိသိုက်ရတ် နူညးတာလျိုၚ် ဂကောံ
ဟံၚ်ပြာ်ညးဗြဴမန်ဟီုရ ပ္ဍဲကောံဓရီုဝွံ သဳကၠဳဖျေံဗီုပြၚ် စပ်ကဵုဂွံကၠောန်ဗဒှ် တ္ၚဲညးဗြဴမန်တုဲ ပါ်ပရအ်ဏာ တာလျိၚ်သွာၚ်ညးကဵုညးအိုတ်ရ။
စပ်ကဵုဘဏ္ဍာဂှ် နူဂကောံတိုၚ် ဂကောံဟံၚ်ပြာ်ညးဗြဴမန် က္ဍိုက်ပ်စုတ်ဏာသြန်ဂၠိုၚ်တုဲ ဂကောံဆက်စပ်
တံဂှ် ဘိုၚ်စုတ်အာသြန်ကီုဏောၚ်တုဲ စပ်ကဵုမာဲဂှ် ကၠောန်လဝ်ညိညဇြိုၚ်သာတုဲ လာပ်ပထမ မဂွါထဝ်
လာပ်ဒုတိယ ကံက်တဲထဝ် လာပ်တတိယ ကံက်စိန်ထဝ် သာ်ဏံရန်တၟံလဝ်နွံရ။
အကြာကြာဏံ ဆက်ပတိတ်အာလိက်လလောၚ်တြးတုဲ ဆဝ်မ္ၚုဟ်အာကောန်ဂကူတံ သွက်ဂွံဇက်ဂၠောဲ
တိုန်အာ တ္ၚဲညးဗြဴမန်ဏောၚ် ဂွံတီကေတ်ရ။
တ္ၚဲညးဗြဴမန်ဝွံ သ္ပလဝ်အစာံကဵု တ္ၚဲဨကရာဇ်ဗြဴမန် မိစဴဗုက္တဵုဒှ်မၞိဟ် ပ္ဍဲဂိတုဖန်ရဂိုန် ၁၂ မံက်တေံရ သၞာံ
၂၀၁၃ ဏံမ္ဂး တဝ်အာကဵု ဂိတုမာစ် စၟတ်တ္ၚဲ ၂၃ တ္ၚဲသ္ၚိသဝ်ဏံရ။
0 comments :
Post a Comment