ဂလာန်ရဴဝွံ ညးစၞး နူရုၚ်UNHCR မွဲတၠ ဟီုဂးဏာ လ္တူစၚ်တ္ၚဲကောန်ဂကူမန်မရနုက် ကဵု(၆၆)ဝါ မကၠောန်ဗဒှ်လဝ် လ္တူဍုၚ်ဇၞော် ကွာလာလမ်ပူ ကၟိန်ဍုၚ်မလေဝ်သျှာရ။
အသေဟာန်တ္ၚဲကောန်ဂကူမန်ဝွံ ၁၃၇၄ သၞာံ ဂိတုမာ်မွဲစွေက် သက္ကရာဇ်ခရေတ် ၂၀၁၃ ဂိတုဖေဖဝ်ဝါရဳ (၂၆)ဂှ် ကၠောန်ဗဒှ်ဏာဒၞာဲၝောံခန် Chinese Assembly Hall တုဲ နူဂယး ၉:၂၈ မိနေတ်ဂှ် စပံက်ဏာ အသေဟာန်ရ။
ပ္ဍဲအသေဟာန်ဝွံ ကျာ်ဇၞော်ကလျာဏ နူဍုၚ်မန်တေံ ဟီုဂလာန်ကဵုသြဝါဒတုဲ နာဲရာမညအီဆာဲ ဗှ်ထ္ၜးဂလာန်သဘာပတိဇၞော် တ္ၚဲကောန်ဂကူမန်ဗဟဵု ဍုၚ်မန်တေံဂှ်ကီု မိသိုက်ရတ် ဗှ်ထ္ၜးဝၚ်တ္ၚဲကောန်ဂကူမန် ဗီုက္တဵုဒှ်ကၠုၚ်။ မာံဆာန်ဠာန် ဗှ်ထ္ၜးလိက်လလောၚ်တြးနူဗော်ဍုၚ်မန်တၟိ ပတိတ်လဝ်စပ်ကဵုတ္ၚဲကောန်ဂကူမန် (၆၆)ဝါ နာဲညာဏ ဗှ်လိက်လလောၚ်တြး MAU နကဵုဘာသာအၚ်္ဂလိက်ရ။
ဗွဲတၟေၚ်ကၟုဲဂကောံ NGO စပ်ကဵုပရေၚ်ပညာ ၜါတၠ ဟီုဂလာန်မိပ်စိုတ်၊ တုဲပၠန် ညးစၞးကောန်ဍုၚ်အရၚ် မွဲတၠ ဟီုဂလာန်မိပ်စိုတ်။ ညးစၞးမန်သၚ်္ကာပူဂှ် မွဲတၠ နာဲဝေန်ဖေမျေတ်လေဝ် တိုန်စိုပ်ဟီုဂလာန်တုဲ ညးအုပ်ကာ ကမ္မတဳကၠောန်ဗဒှ်တ္ၚဲကောန်ဂကူမန် (၆၆)ဝါ နာဲဥက္ကာ သောၚ်ကလးဒုၚ်စဳရေၚ် စပ်ကဵုပရေၚ်ကမၠောန်နာနာ ကမ္မတဳကၠောန်ဗဒှ်ရ။
ပ္ဍဲအသေဟာန်ဏံ နာဲဗိုတ် (အ္စာဘာရုၚ်ဟံၚ်ပြာ်မန်) ကေုာံ မိကှ်ေထဝ် (ကွာန်ပါၚ်ကၟာ) တံ ရေၚ်တၠုၚ်ဏာလျိုၚ်အသေဟာန်တုဲ အစဳဇန်ကဵုလာပ် ပေါဲပြိုၚ်လိက်ပတ်၊ အစဳဇန်ကဵုလာပ် ကွးဘာဟံၚ်ပြာ်မန၊်
အစဳဇန်ကဵုလာပ်တဆိပ်ကြာ ပေါဲမခ္ဍံကျာ၊ အစဳဇန်လှ်ေထ္ၜး အာဲကၟာဲယေန်သၞာၚ်မန၊် အစဳဇန်ဂဳတဂတာပ်ခေတ် သီု
တၠဝါသနာ မၞုံလ္တုဍုၚ်မလေဝ်သျှာ ကေုံာဘိၚ်ပၟိၚ်နၚ် မာံသက္က (တၠရမျာၚ်ပ္ဍဲဍုၚ်မန်) တအ် လဟိၚ်ထ္ၜးကဵုပုရိသာဒ်
မတိုန်စိုပ်တအ်ရ။
အသေဟာန်ဝွံ (၁၂)နာဍဳ (၅၇) မိနေတ်ဂှ် ရုပ်ကၠေံအသေဟာန်နကဵုရမျာၚ်ကရေဲတုဲ ကောန်ဂကူမန် ညးမဆာန်ဂကူတအ် (၂၀၀၀)ပြၚ်ၚ် တိုန်စိုပ်ကဵုဇြဟတ်ရောၚ်ဂွံတီကေတ်ရ။
0 comments :
Post a Comment