ဖျေံသ္ဇိုၚ်ဒေသဗါတ်တဝါတ် (BM) နာဲနန်ဆီနာဲ ဟီုဏာပ္ဍဲကောံဓရီုဇၞော်ဂကောံ မကၠောန်ဗဒှ်လဝ် ပ္ဍဲစၟတ်တ္ၚဲ ၁၀ ဂိတုဖေဖဝ်ဝါရဳ သၞာံ ၂၀၁၃ ဂှ်ရောၚ်ဂွံတီကေတ်ရ အသေဟာန်ကောံဓရီုဇၞော်ဂကောံညဳသၟဟ်ဒ တုဲဖဵုသၟတ်မန်ပေၚ်(၈)သၞာံဝွံ လဒေါဝ်တ္ၚဲ 12:33 ဂှ်စပံက်အသေဟာန်တုဲ နာယကနာဲနန်ဆီနာဲ ဟီုဗ္ကန်ဂလာန်တုဲ ဥက္ကဌဂကောံနာဲသဵုမျောတ် ဟီုမြော်ဂလာန် ညးအုပ်ကာဂကောံ နာဲဝာန်ဇြဝ်ဥူ ဒုၚ်စဳရေၚ်ပရေၚ်ကမၠောန်
တုဲမ္ဂး ကၟုဲတၟေၚ်နူဂကောံသၟတ်မန်တိဍာ်ဗၠးၜး နာဲရာမညအီဆာဲ သောၚ်ကလးအကာဲအရာပရေၚ်ဍုၚ်ကွာန်တ္ၚဲဏံ ကေုာံ နာဲကံဆာဲ လဴကလးစပ်ကဵုပရေၚ်ကမၠောန်ဂကောံသၟတ်မန်ရ
ဂကောံညဳသၟဟ်ဒတုဲဖဵုသၟတ်မန်ဝွံ ကိုပ်ကၠာဝါဒဳတေံ နကဵုယၟု ဂကောံရာမညဟိတသမဂ္ဂဳ (United Mon National Welfare Society) ဗီုဏံချဳဓရာၚ်ကၠုၚ်ရ ဂကောံဝွံစပ္တံဒက်ပ္တန်လဝ် နူသၞာံ၂၀၀၆တေံတုဲလၟုဟ်သၠာဲထောံယၟု ဂကောံညဳသၟဟ်ဒတုဲဖဵုသၟတ်မန်မန်
ပ္ဍဲကောံဓရီုဝွံ ကောန်ဂကောံဗၞတ်(၅၀)တၠပြၚ်ၚ် တုန်စိုပ်တုဲ သဝ်တ္ၚဲ 2:00 ဂှ်ရုပ်ကၠေံဏာအသေဟာန်ရ
ပ္ဍဲအသေဟာန်ဏံနကဵုဆန္ဒမာဲကောန်ဂကောံတအ်ရုဲစှ်ပ္တိန်ဏာ ညးတာလျိုၚ်အာက္ဍိုပ်(၄)တၠ - ဥက္ကဌ နာဲသဵုမျေတ်၊ ဒုဥက္ကဌ နာဲတာန်ဇြဝ်ဥူ၊ ညးအုပ်ကာ နာဲတိၚ်ဇြာန်၊ ဖက်ဆောညးအုပ်ကာ နာဲထောန်လေန်တအ်တုဲ ညးအာက္ဍိုပ်တံကောံဓရီုဇၞော်တုဲမ္ဂး ကလေၚ်ဂ္ဇအ်ဏာကောံဓရီုကမ္မတဳကေၚ်ကာပၠန်ရ
တုဲမ္ဂး နူကမ္မတဳကေၚ်ကာတုဲ ဗီုအပ်ထေက်ကြိုက်ခန်ကၞက်အာညးတာလျိုၚ် မသှ်ေသၟေဟ်တေံပၠန်ရောၚ်ဂွံတီကေတ်ရ
0 comments :
Post a Comment