ဂကောံမဒက်ပ္တန်လဝ် ပ္ဍဲဍုၚ်မလေဝ်သျှာ မနွံမံၚ်ပ္ဍဲဍုၚ်မလေဝ်သျှာ ၜိုတ် ၄၀ ဂကောံပြၚ်ၚ်တံဝွံ စိုပ်ကၠုၚ် မာတိကာ၊ ကြုက်ကၠောံသၞာံမ္ဂး ကၠောန်သ္ပကောံဓရီုဂြုဂြုဂြီုဂြီုအိုတ်ရ၊
သၞာံဏံ ပ္ဍဲကဵုစၟတ်တ္ၚဲ ၁၀-၁၁-၁၂ ဂိတုဖေဖဝ်ဝါရီ ဂှ် ဒှ်တ္ၚဲသွက်ဂကူကြုက်ကၠောံသၞာံ ၂၀၁၃တုဲ သၟာကမၠောန်မန် ညးမကၠောန်မံၚ်ကမၠောန် ဆေၚ်ကာ၊ ဆေၚ်ဖျာ၊ ဆေစသုၚ်၊ ရုၚ်စက်တံလေဝ် ဇူကမၠောန်အိုတ်ရ၊ ကုကွာန် ညးမကၠောန်လဝ်ကောံတံလေဝ် ချပ်ဇန်ကၠောန်သ္ပကောံဓရီု သွက်ဂွံဆဵုကဵုကောန်ကွာန်ကောန်ဂကောံဇကုဂမၠိုၚ်ရ၊
အတိုၚ်ဂကောံသၟတ်ဂွံမိၚ်ကေတ်လဝ်ပရိုၚ်မ္ဂး သၞာံဏံ ဂကောံ သဟပုညကာရဳသမဂ္ဂဳ (ဒူရာ)၊ ဂကောံသဟပုကာရဳ (ကံဗိုတ်)၊ ဂကောံလွဳပတိုန်စိုတ်ဓါတ် (ကံဗိန်) ဂကောံလျးစရာဲအနာဂတ (ပွိုၚ်တိုက်နာၚ်သၠုၚ်)၊ ဂကောံဒက်ပ္တန်ဓဝ်ညဳသၟဟ် (သၞေဟ်ဇၞူ)၊ ဂကောံသၟတ်ရာညမသမဂ္ဂ (ဂြိုပ်ကြုက်)၊ ဂကောံကွာန်အနေၚ်၊ ဂကောံစေတနာပညာပါရမဳ (ဒါလာန်)၊ ဂကောံလွဳညဳသာအနာဂတ်မန် (ကွာန်ဖဵု) ကေုာံ ဂကောံကွာန်ကျာ်ဇၞော်တံ ကၠောန်သ္ပကောံဓရီုအိုတ်ရောၚ် သ္ဂောံတီကေတ်ရ၊
ဂကောံကွာန်ဂမၠိုၚ်ဝွံ ဒက်ပ္တန်လဝ်နဗီုပြၚ်ကွာန်ညးကဵုညးတုဲ ရီုဗၚ်ထံက်ပၚ်မံၚ် ပရေၚ်ကမၠောန်ပ္ဍဲကွာန်သၟးဟွံက စပ်ကဵုပရေၚ်ချဳဒရာၚ်ကောန်ဂကူ လ္တူဍုၚ်မလေဝ်သျှာ မပ္တံကဵုတ္ၚဲကောန်ဂကူ၊ တ္ၚဲပၠန်ဂတး၊ တ္ၚဲဟံသာဝတဳလီု၊ တ္ၚဲသၟာပရေၚ်ဍုၚ်ကွာန်မန်ဒးထံၚ်လေဝ် ဗွဲသၟဟ်အစောံ ပါလုပ်ထံက်ပၚ်ကဵုမံၚ်ဇြဟတ်ရ။
လ္တူနူချဳဒရာၚ်မံၚ်လၟုဟ်ဂှ် မန်မလေဝ်သျှာမွဲယဝ်ဒှ်ကၠုၚ်မာန်မ္ဂး ပဵုတုဲစိုပ်တရဴဂၠိုၚ်ဏောၚ်ဂှ်လေဝ် က္ဍိုပ်သ္ကိုပ်သွာၚ်သၟတ်တံ စှ်ေစိုတ်တုဲထမံက်မံၚ်ရုပ်ရဴနွံရောၚ် သ္ဂောံတီကေတ်ရ။
0 comments :
Post a Comment