ဘိက်ပၟိၚ်လဝ် ဂကောံသၟတ်မန်-တိဍာ်ဗၠးၜး-သ္ကုတ်မလေဝ်သျှာ၊ ဂကောံရေၚ်တၠုၚ်ဖဵု ကွာန်အၚ်ဒၚ်၊ ဂကောံဆက်တရဴလဂံါအနာတ် ကွာန်လ္ဂောဝ်ဗ္တဳ၊ ဂကောံဒက်ပ္တန်ဓဝ်ညဳသၟဟ် ကွာန်သၞေဟ်ဇၞူ ကေုာံ ဂကောံလျးစရာဲအနာဂတ ပွိုၚ်တိုက်နာၚ်သၠုၚ်ကီုရောၚ်ဂှ် နူညးကြပ်ကဵုဂကောံမွဲတၠဟီုလဴထ္ၜးကီုရ၊
ပ္ဍဲကောံဓရီုဂှ် လဴထ္ၜးသောၚ်ကလး စပ်ကဵုပရေၚ်ချဳဒရာၚ်ဂကောံတုဲ သီုကဵုသဳကၠဳအာပရေၚ် သွက်ဂွံဒက်ပ္တန် ဂကောံဒေသဖါလိန်ကီုရ၊ ပိုဲတံနူမွဲကွာန်ကဵုမွဲကွာန် သ္ဂောံကၠောံဍညးသ္ကအ်ဂၠိုၚ်ၚ်တုဲ မွဲဂကောံကုမွဲဂကောံ ပံၚ်ကၠောန်အာ ပရေၚ်ဒေသပိုဲမ္ဂး ပဵုတုဲစိုပ်တရဴမာန် နူကဵုမွဲကွာန်ကုမွဲကွာန်ချဳဒရာၚ်မာန်ဏောၚ် သာ်ဝွံ နာဲဇူညးစၞးနူဂကောံကွာန်လ္ဂောဝ်ဗ္တဳဟီုမြော်ဏာဂလာန်ကီုရ၊
အတိုၚ်ပၟိက်စိုတ်အဲမ္ဂး ဂကောံပံၚ်ကောံဒေသဖါလိန်ဏံ မိက်ဂွံကဵုဒှ်၊ ဒှ်တိုန်တုဲမ္ဂး ဖဵုဍေံနွံတၟာဂလိုၚ်ဏောၚ် သာ်ဝွံနာဲဂံၚ်သ္ကာ နူဂကောံကွာန်သၞေဟ်ဇၞူဟီုရ၊
ဗီုဂှ်ကီု ဂကောံသၟတ်မန်-တိဍာ်ဗၠးၜး-သ္ကုတ်မလေဝ်သျှာပိုဲလေဝ် ကဵုမံၚ်ဇြဟတ်ရ၊ မုဟိုတ်ရောဟီုတှ်ေ ဓဝ်ညဳသာ အကြာကွာန်၊ ဒေသသၟးဟွံသေၚ် အလုံဂကူမန်ညံၚ်ဂွံကလိဂွံဓဝ်ညဳသာဂှ်လေဝ် ပိုဲတံဒးဂစာန်အာရောၚ် သာ်ဝွံ အ္စာဘာပရေၚ်ဍုၚ်ကွာန် ဂကောံသၟတ်မန်-တိဍာ်ဗၠးၜး-သ္ကုတ်မလေဝ်သျှာ နာဲရာမညအီဆာဲဟီုရ၊
ပ္ဍဲကဵုဒေသဖါလိန်မ္ဂး ဂကောံဒူရာဂှ် ဒှ်ဂကောံကွာန်ဇြဟတ်ဇၞော်အိုတ်ရ၊ ပရေၚ်ချဳဒရာၚ်စပ်ကဵုကွာန်လေဝ် ကၠောန်သ္ပမံၚ်ဗွဲမဂၠိုၚ်ရောၚ် သ္ဂောံတီကေတ်ရ။
0 comments :
Post a Comment