ကောံဓရီုဝွံ နူကဵုညးစၞး ဒေသသၞေဟ်ဂၠုၚ်၊ ဒေသပဳနာန်၊ ဒေသဗတ္တဝတ်၊ ဒေသကဠၚ် ကေုာံ ဒေသကေ အယ်(လ်)တံ တိုန်စိုပ်အိုတ်တုဲ သဳကၠဳဏာအစဳဇန်နာနာ ဗွဲမသၠဲလးကီုရ၊
“ညာတ်ဒးကောန်ဂကူမန် ပိုဲ ကၠုၚ်ကောံဓရီုချပ်စသွက်ဂကူသာ်ဏံဂှ် မိပ်စိုတ်ဗွဲမလောန်” သာ်ဏံ ကျာ်ဇၞော်ကုမာရ မၞုံပိုန် ဘာအံၚ်စေတဳ ဍုၚ်မုဟ်ဍုၚ် ဟီုမြော်ဏာဂလာန်ရ၊
ဒုညးက္ဍိုက်ပ် (၂) နာဲဥက္ကာ ဗှ်ထ္ၜးဏာလိက်ဒုၚ်စဳရေၚ် စပ်ကဵုကမ္မတဳယာယဳ မကၠောန်ကၠုၚ်လဝ်ကမၠောန်တုဲတုဲဂမၠိုၚ်ကီု၊ လဴပူစဗီုပြၚ်ပရေၚ်ဆဵုဂဗ အာကၠုၚ်လဝ်ဂမၠိုၚ်ကီုရ၊
သ္ၚဳဂၠိပ်သ္ဇိုၚ်သၞောဝ်ဒက်ပ္တန် ဂကောံပံၚ်ကောံမန်မလေဝ်ယှာ၊ သ္ၚဳဂၠိပ်အၚ်္ဂလက်သဏ်ညးတာလျိုၚ်ဂမၠိုၚ်၊ ချပ်သဳကၠဳ စပ်ကဵု ဗီုပြၚ်ဒက်ပ္တန်ဂကောံ ကေုာံ ဂ္ဇံက်ညးတာလျိုၚ်တုဲ သီုကဵုပအပ်ဏာပရေၚ်ကမၠောန် ကမ္မတဳယာယဳမကၠောန်ဏာလဝ်တံဂှ်ရ၊
ပ္ဍဲကဵုအရာမရုဲစှ်ဏါ ကမ္မယှေန် (၇) တၠဂှ် ကျာ်ဇၞော်ဝိရိယ (နူဒေသကဠၚ်)၊ နာဲသာၚ်ဝဏ္ဏ (စၞးဂကောံကေအယ်(လ်)၊ နာဲသိုဝ် ညောအ် (စၞးညးဇၞော်)၊ နာဲဂၠးထဝ် (စၞးနူဒေသပဳနာန်-ဗတ္တဝတ်)၊ နာဲဝေန် (စၞးဆေၚ်ဖျာမန်)၊ ကျာ်ဇၞော်ထာဝရ (စၞးဒေသ သၞေဟ်ဂၠုၚ်) ရ။
ပေဲါသၠာဲဂတးလညာတ်မန်မလေဝ်ယှာဝွံ လောန်ကၠုၚ်စၟတ်တ္ၚဲ ၂၈ ဂိတုဂျောန်တေံလေဝ် ကၠောန်သ္ပကၠုၚ် ပ္ဍဲကဵုဒေသ သၞေဟ်ဂၠုၚ်ရောၚ်သ္ဂောံတီကေတ်ရ၊
ပေဲါရုဲမာဲ ရုဲစှ်ညးတာလျိုၚ်မန်မလေဝ်ယှာဂှ် ပ္ဍဲကဵုစၟတ်တ္ၚဲ ၂၈ ဂိတုဂျူလာၚ်ဏံ ကၠောန်သ္ပအာပ္ဍဲကဵုဒၞာဲ Chinese Assembly Hall (ဒၞာဲကၠောန်ဗဒှ်တ္ၚဲကောန်ဂကူ) တေံရောၚ် သ္ဂောံတီကေတ်ရ။
0 comments :
Post a Comment