မေန်ကိုဝ်နာၚ်၊ ဂျေန်မဳ၊ တာန်မျေတ်အံၚ်တံ ကၠုၚ်ဟီုတွံ ပ္ဍဲဍုၚ်မလေဝ်ယှာ

ပ္ဍဲကဵုစၟတ်တ္ၚဲ ၁၄ ဂိတုဂျူလာၚ် သၞာံ ၂၀၁၃ ဂှ် နူကဵုဂကောံသၟတ်ဗၟာ ဂကောံ “နှလုံးလှပရဟိတလူၚယ်များအသၚ်း” က္ဍိုက်က္ဍိုပ်တုဲ ကၠောန်သ္ပဏာ သ္ဘၚ်ဟီုတွံ လိက်ပတ်ရ၊

မေန်ကိုဝ်နာၚ်၊ ဂျေန်မဳ၊ မိတာန်မျေတ်အံၚ်တံ ပိတၠကၠုၚ်စိုပ်တုဲ ဟီုတွံဏာရောၚ်
သ္ဂောံတီကေတ်ရ၊
မေန်ကိုဝ်နာၚ်ဂှ် နကဵုက္ဍိုပ် “နောက်ဆုံးခံတပ်မှ ခုခံခြၚ်း” ၊ ဂျေန်မဳဂှ် “ပညာတန်ခိုးနဲ႔ပရဟိတအမျို” ၊ မိတာန်မျေတ်အံၚ်ဂှ် “အရပ်ဖက်လူ႔အဖွဲ႔စည်းနဲ႔ ၚြိမ်းချမ်းသောလူ႔ဘောၚ်” သာ်ဝွံဟီုဏာအိုတ်ရ၊

ကောန်ဍုၚ်ပိုဲလၟိဟ်ၜိုတ် ရ၀၀ တၠတိုန်စိုပ်အိုတ်တုဲ နူကဵုဂကောံမန်တံလေဝ် တိုန်စိုပ်ကဵုဇြဟတ်အိုတ်ရောၚ်သ္ဂောံတီကေတ်ရ၊

“လေပ်ပညာတုဲ ဟွံကၠောန်ဓဝ်ဍာံ ဟွံဂံၚ်ဒတူလိုၚ်သွက်ညးဟလိုၚ်ဂှ် ဒှ်ပညာဟွံသေၚ်” “ပညာဟီုမ္ဂးဂှ် ညံၚ်ဂွံတီဓဝ်ဍာံတုဲ ကၠောန်အာတပ်ပ်တးတး သွက်ညးဂမၠိုၚ်ဂှ် ကော်ခဴစပညာရောၚ်” သာ်ဝွံပံက်ဏာအဓိပ္ပဲါရ၊

“မၞိဟ်ဟီုမ္ဂးဂှ် ဒှ်သတ်မၞုံကဵုဓဝ်ဖေက်ဖအိုတ်ရ” ဖေက်ဟီုဂှ် ဇၟာပ်မၞိဟ်နွံဟီုကၠာလေဝ် ပ္ဍဲအရာဖေက်ဂှ် နွံၜါဂကူပၠန်ရောၚ်” ဟီုဏာရ၊ ဥပမာ မၞိဟ်ဒေါမ်ဂှ်ထ္ၜကဵု၊ ဍာ်နုၚ်စွံပ္ဍဲဇြပ်တံဂှ် ဒှ်ကမၠောန်ယဵုလ္ဂူတပ်တးတုဲ ပၠအ်လ္တူဍဵုသၟဝ်ဂှ် ဒှ်ကမၠောန်မၞိဟ် ဖေက်ဟွံလ္ဂူတပ်တးရောၚ် ဟီုဏာတုဲ ညးဂမၠိုၚ်ဖအဴတက်တိုန်တဲ ဂြုဂြုဂြီုဂြီုရ၊

တုဲပၠန် သၞောတ်တၠအဝဵုပၞာန်ဂှ် မအခဝ် I ဂှ် ညံၚ်ဂွံဇၞော်မောဝ်တုဲ မအခဝ် We ညံၚ်ဂွံအောန်ဂှ် ကၠောန်တဴအိုတ်ရသာ်ဝွံ ညးဟီုရ၊

ပ္ဍဲကဵုအချုက်ညးဟီုဏာဂှ် ဂတနူဏံဍုၚ်ပိုဲ ကာလဒက်ပ္တန်သၞောတ်ဒဳမဝ်ကရေဇြဳမ္ဂး အရာဟွံမွဲဟွံတုဲ ဒးနွံပၟိက်ဂှ် ဇြဟတ်မှာဇန် ညးဍုၚ်ကွာန်တံ ဒးခိုဟ်ဏောၚ် ဟီုတုဲ အုပ်ကၠေံနိဂီုရ၊

“သြဇာကဵုအဝဵုဂှ် ဟွံတုပ်ပုဟ်” “မၞိဟ်သြဇာနွံဂှ် ဒှ်မၞိဟ်ဂမၠိုၚ်လျုၚ်ဇြုၚ်သ္ဍိုက် ဒှ်မၞိဟ်နွံကဵုမေတ္တာ ကၠောန်ပရတုဲ မၞိဟ်အာဏာဂှ် မၞိဟ်စိုတ်အတ္တဂၠိုၚ်ရောၚ်” သာ်ဝွံ မိတာန်မျေတ်အံၚ် ဟီုဏာရ၊

ဂကူပိုဲဍုၚ်ပိုဲ မုဟိုတ်သွက်စဟွံမွဲ၊ သွက်လွဳယဲဟွံမွဲ၊ ဗ္တောန်ပညာဟွံမာန်တုဲ မုဟိုတ်ဒးဂၠာဲစဂၠာဲသုၚ်မံၚ် နနဲအဓမ္မ၊ မုဟိုတ်ဒးကၠောန်စမံၚ်ကမၠောန် ဟွံမွဲကဵုဂုဏ်သိက္ခါဂှ် ဟိုတ်ဍေံဂၠာဲရံၚ်မ္ဂး သၞောတ်အုပ်ဓုပ်ကောပ်ကာဲ လီုမံၚ်မိက်ဂွံဟီုဏာ သာ်ဏံရ သာ်ဝွံညးဟီုတုဲ ညးဂမၠိုၚ်တက်တဲ ဖအဴတိုန်အိုတ်ရ၊

သွက်ဂွံဒဳအာ သၞောတ်ဒဳမဝ်ကရေဇြဳဍုၚ်ပိုဲဂှ် ပိုဲကဵုပိုဲ ဒးခံက်တဲညးသ္ကအ်တုဲ ကၠောန်အာမှစိုပ်တရဴရောၚ်ဂှ်လေဝ် အာတ်မိက် ဆဝ်မ္ၚုဟ်ဏာ ကုညးတိုန်စိုပ်တံရ၊ ကောန်ဍေၚ်ဒဳမဝ်ကရေဇြဳဂှ် ညံၚ်ညးဍုၚ်ကွာန်တံဖအိုတ် ဂွံဍဵုမာန် ဒးဂ္စာန်အာရောၚ် သာ်ဝွံဟီုဏာတုဲ အုပ်ကၠေံနိဂီုရ၊

“ဗက်အလိုက်စိုတ်မ္ဂး စိုတ်ပိုဲဏံ ၜိုတ်ဗက်ဍေံဂှ် ဍေံကေတ်အမာန်ပိုဲရ” “အဓိကကောန်ဍုၚ်ပိုဲ ပၠေၚ်အခိၚ်-အခိၚ်လေၚ်အာကဵု ပေဲါခ္ဍံကျာ-ကာကိုဝ်ရဳယာတံဂှ် ဒှ်အရာဒးဖေက်လကိုတ်မွဲ ဇၞော်ဇၞော်ရောၚ် နကဵုအဲညာတ်ကေတ်” သာ်ဝွံမေန်ကိုဝ်နာၚ်ဟီုဏာရ၊

လဴထ္ၜးသောၚ်ကလးဏာ ပရေၚ်ဆဵုဂဗ၊ ဒုၚ်ဒဝ်၊ တဝ်စၞေဟ်၊ ညာတ်လဝ်ပ္ဍဲအနာဂတ်တံဂှ် သောၚ်ဏာဗွဲတရးတုဲ ပေဲါဗတိုက် ဓမ္မကဵုအဓမ္မဂှ် အိုတ်ကၞောတ်သရောပ်တှ်ေ ဟွံမာန်ဓမ္မပုဟ်ဂှ် ပိုဲညာတ်လဝ်ဂှ် ဒတူလိုၚ်ဘိုၚ်ကၠောန်ကၟောန်လဝ် စဵုကဵုတ္ၚဲဏံရဂှ်လေဝ် ညးဟီုဏာရ၊
“ဂတနူဏံ သၞောတ်ပညာဍုၚ်ပိုဲဂှ် Carrot Learning ညံၚ်ဂွံအောန်စှ်ေတုဲ Critical Thinking ညံၚ်ဂွံဂၠိုၚ်တိုန်ဂှ် ပိုဲတံ ဒးပလေဝ် အာသၞောတ်ပရေၚ်ပညာဍုၚ်ပိုဲရောၚ်၊ ပညာဖ္ဍောတ်ပါၚ်တာ်၊ ပညာလ္ပက္လေၚ်ဟီု၊ ပညာလ္ပဖံက်ပတိတ်တံဂှ် ညံၚ်ဂွံကၠေံအာတုဲ ပညာနွံကဵုရှ်သာ ပညာအာဂတပၠတရဴ ပညာကော်ချဴကဵုပရေၚ်ဇၞော်မောဝ်ဂှ် ဒးကတ်လ္ၚတ်ဖျေံအာဗီုပြၚ်ရောၚ်ဂှ်လေဝ် ညးဟီုဏာရ၊

အသေဟာန်ဝွံ အခိၚ် ၁၂ နာဍဳလ္ဒေါဝ်တ္ၚဲ စတုဲ အခိၚ်သဝ်တ္ၚဲ ၜိုတ် ၅ နာဍဳဂှ် အာစိုပ်ဒတုဲရ။