ဘာကဵုလညာတ်ပရေၚ်ဍုၚ်ကွာန် ပံက်ပ္ဍဲဒေသရဝၚ်

ရန်ကဵုဂွံတီကၠးလညာတ်ပရေၚ်ဍုၚ်ကွာန်၊ ပရေၚ်ချဳဒရာၚ်ဗၠးၜးဂကူမန်တ္ၚဲဏံတုဲ သၟာကမၠောန်ကောန်ကွာန်ဒူရာ ပွိုၚ်ဍုၚ်ရေဝ်သၟဝ်ကျာ စိုပ်မလေဝ်ယှာ ဖျေံသ္ဇိုၚ်ပ္ဍဲရဝၚ် (ဗ္ဒဲါဍုၚ်ဇၞော်ကွာလာလာမ်ပူ) တံ အာတ်မိက်ကော်ဘိက် ဂကောံသၟတ်မန်-တိဍာ်ဗၠးၜး
(သ္ကုတ်မလေဝ်ယှာ)  ပ္ဍဲစၟတ်တ္ၚဲ ရ ဂိတုဂျူလာၚ် သၞာံ ၂၀၁၃ ဂှ် သ္ကိုပ်အေဝ်ဒဳတာ ဗညာဓရာံ နာဲရာမညအီဆာဲ၊ ဂအုပ်ရုၚ်ဗညာဓရာံ နာဲမဟူမာန်တံညးၜါ အာစိုပ်ဆဵုဂဗ သၟာကမၠောန်ကောန်ကွာန်ဒူရာ ပ္ဍဲဒေသရဝၚ်ရ၊

 ပေဲါဆဵုဂဗဂှ် ကောန်ကွာန်ဒူရာ နွံပၟိက်မိက်ဂွံကလိဂွံ လညာတ်ပရေၚ်ဍုၚ်ကွာန်တုဲ သ္ကိုပ်အေဝ်ဒဳတာ လိက်လၟေၚ်ဗညာဓရာံ နာဲရာမညအီဆာဲ ဟီုဂးလဴထ္ၜးကဵုလညာတ် စပ်ကဵုပရေၚ်ဍုၚ်ကွာန်ဂၠးကဝ်၊ အကာဲရာပရေၚ်ဍုၚ်ကွာန် ကၟိန်ဍုၚ်မန်ဗၟာတ္ၚဲဏံ သၠဲသၠဲလးလးရ၊

သၟာကမၠောန် စိုတ်လုပ်စကဵုပရေၚ်ဍုၚ်ကွာန် ဗၞတ် (၁၂) တၠပြၚ်ၚ် တိုန်စိုပ်ကတ်လ္ၚတ်တုဲ နူဒေါဝ်တ္ၚဲ ၂:၀၀ နာဍဳ စဵုစိုပ် သဝ်တ္ၚဲ ၅:၀၀ နာဍဳ သဳကၠဳကဵုလညာတ်ရ၊

ဘာသၠုၚ်လညာတ်ဗီုဗီုဏံ မွဲဂိတုမွဲဝါဒှ်ဒှ် ညံၚ်ဂွံအ္စာတံဏံ ဂွံကၠုၚ်စိုပ် ပ္ဍဲဒေသရဝၚ်မာန် ပိုဲဖန်ဇန်အာရောၚ် “သာ်ဝွံ ညးဖန်ဇန်မွဲတၠ နာဲကျေဝ်ဂေါဝ်ဟီုရ”။

ပိုဲဂှ်ဒးကဵုမံၚ်အခိၚ်ကမၠောန် ဂယိုၚ်ဗုၚ်ဂၞဴဂၠိုၚ်တုဲ လ္ပာ်ပရေၚ်ဂကူ ပရေၚ်ဍုၚ်ကွာန်ဇကုဂှ် ဍိုန်လျမံၚ်ရ၊ ဟိုတ်ဂှ်ရ သီုပိုဲကီု သီုသၟတ် မၞုံကရောံပိုဲကီု ပရေၚ်ချဳဒရာၚ်ဓရာၚ် အကာဲရာပရေၚ်ဍုၚ်ကွာန်ဂၠးကဝ်တုဲ ပိုဲဒးဇန် ပရေၚ်ကဵုလညာတ်ပရေၚ်ဍုၚ်ကွာန်ရ “ရဴဝွံညးဖန်ဇန် ပရေၚ်ပံက်ဘာမွဲတၠ နာဲကျေဝ်ဂေါဝ်ဟီုရ”။

ဆ္ဂးညံၚ်ဂွံဂွံလၟေၚ်ဍာံဂှ် ဂိုတ်ဂ္စာန်အာရောၚ် သၟာန်ကမၠောန်စိုတ်ထတ် ကတိုၚ်ကၟဟ် စပ်ကဵုပရေၚ်ကဵုဘာမွဲတၠဟီုဂှ် သ္ဂောံတီကေတ်ရ။