ပထမကိုပ်ကၠာ ဥက္ကဌ ဂကောံသၟတ်မန် နာဲဥက္ကာ ဟီုဂလာန်မိပ်စိုတ်တုဲ ဂအုပ်ရုပ်တြေံ နာဲဂံၚ်သ္ကာ ဒုၚ်စဳရေၚ်ဗီုပြၚ် ထၟံက်ကၠုၚ်ရုပ်ရဴ ကၞပ်(၉) ရ။ တုဲမ္ဂး သ္ကိုပ်အေဝ်ဒဳတာ လိက်လၟေၚ် ''ဗညာဓရာံ" ဒုၚ်စဳရေၚ်လဴကလးပရေၚ် ကမၠောန်ဗီုတတ်ထပါ်ကၠုၚ် စိုပ်ကၠုၚ် ကၞပ်(၁၀)ဂှ်ရ။
တုဲပၠန် ဂအုပ်ရုပ်နာဲမဟူမာန် သောၚ်စရၚ်သြန်လုပ်တိတ် ဗွဲသရောပ်ရ။
ပ္ဍဲညးတိုန်စိုပ်ဂမၠိုၚ် နာဲဝၚ်တၟး သၟာန်ပ္တန်ထ္ၜးမုဟိုတ်ကၞပ်(၁၀) ဏံ လလောၚ်ဖျာ အောန်စှ်ေဂှ်ရောတုဲ ညးတာလျိုၚ်မဆေၚ်စပ် မာံဇာတာ၊ ကေုာံ ဥက္ကဌ သၟတ်တအ်သောၚ်ကလးကဵုရ။ ပ္ဍဲဂှ် ''လၟုဟ်ချဳဒရာၚ်ထၟံက်မံၚ်ရုပ်ရဴ ပရေၚ်ကမၠောန်ဂှ် ဒှ်သွက်ဒဝါ်ဟတုဲ ဒၟံၚ်သၟတ်တအ်တုဲ ဂတဏံ ညံၚ်သၟတ်တအ် ဂွံသုၚ်စောဲအာ ပရေၚ်ဆဵုဗ္ဂဏံမာန်၊ တုဲပၠန် ပရေၚ်တြးလိက်လၟေၚ်ဂှ် ဇၟာပ်သၟတ်တအ် ညံၚ်ဂွံဂိုတ်ဂ္စာန်ညဳညဳ" ရဴဝွံ ဥက္ကဌ သၟတ်နာဲဥက္ကာ ဟီုရ။
ကောံဓရီုဝွံ ဗ္တံနူ (၁၀း၂၀) စဵုကဵုစိုပ် (၁၁း၄၅) မိနေတ် ကၠောန်သ္ပဏါတုဲ သၟတ်စိုပ်လုပ်စကဵု သွာၚ်ပရိုၚ် ''ဗညာဓရာံ" တအ်ဗၞတ်(၁၀) တၠပြၚ်ၚ်တိုန်စိုပ်လဝ်ရောၚ် ဂွံတီကေတ်ရ။
0 comments :
Post a Comment