ပ္ဍဲအသေဟာန်စှ်ေဘာဝွံ ဖက်ဆောညးအုပ်ကာ (၂) ဗော်ဍုၚ်မန်တၟိ (ဗဟဵု)လေဝ်ဒှ် ညးက္ဍိုက်ပ်ပၞာန် ဒပ်ပၞာန်ဗၠးၜး ကောန်ဂကူမန် နာဲဇဲယ ရေၚ်တၠုၚ်ဏာနဒဒှ်ဘာသာပတိတုဲ ဒု လျိုၚ်စန်ဒက်ဗဟဵုလေဝ်ဒှ် ညးကောပ်ကာဲ ကွတ်ဗ္တောန်လေဝ်ဒှ် နာဲယက္ခ ညးလျိုၚ်ပရေၚ်ဟံၚ်ပြာ် ကေုာံ ပရေၚ်ဖောအ်ဗြေဝ်ဗဟဵု ဒု -သ္ကိုပ်ဗိုလ်ဇၞော် ညာဏ်ထောန် စၞးမိဍုၚ်မကွာန်ဝၚ်က နာဲသဵုမန် ကေုာံ ညးလျိုၚ်ဌာနမဟာဗျုဟာ ကဵုသုတေသန သ္ကိုပ်ဗိုလ် သဳရိမန်ဆာန်တအ်ပါလုပ် နဒဒှ်ဂကောံသဘာပတိတိုန်စိုပ်လဝ်ရ။
ပိုဲတအ်ဒေါံလဝ်ပန်ပှော်ကဵု အလဵုသဳဗၟာ နူသၞာံ ၁၉၉၅ တေံဂှ် ရန်တၟအ်မိက်ဂွံသောၚ်ပြသၞာပရေၚ်ဍုၚ်ကွာန်ဟေၚ်ရ ဆဂး စိုပ်သၞာံ ၂၀၁၀ ဂှ် ဒေါံပန်ပှော်လီုလာ်အာပၠန် ဗွဲကြဴအကာဲအရာပြံၚ်လှာဲကၠုၚ်တုဲ ပိုဲဒးကလေၚ်ဒေါံပန်ပှော်ပၠန် ရ။ လၟုဟ်ဂှ် ဇၟာပ်ပ်အရာပြံၚ်လှာဲမံၚ်ဇဳဒိုဟ်တုဲ ညးသၟတ်မန်တအ် ဒးတီဒးလေပ်နဲကဲဂတာပ်ခေတ် I.T တအ်ဏံကီု မှ ဂွံသုၚ်စောဲစကာအာသွက်ဂကူဇကု နဂုဏ်ဖဵုနွံနွံ ဗီုဏံမိက်ဂွံဗ္ကန်ရ ရဴဝွံ နာဲဇဲယ ဟီုရ။
သဘၚ်စှ်ေဘာဝွံ သီုကၟုဲမဘိက်လဝ်ကီု သီုဂကောံကွးဘာ မကတ်လ္ၚတ်တအ် ဗၞတ်(၈၀)တၠပြၚ် တိုန်စိုပ်လဝ်တုဲ ညးစၞးဂကောံကွးဘာဂမၠိုၚ်ဂှ် မိဟေမာနန် ဟီုဂလာန်တၚ်ဂုဏ်ရ။
ဗီုပိုဲလေပ်အာကွတ်ဗ္တောန်တံဏံဂှ် လက်ကရဴဏံ ညးသၟတ်မသှ်ေသၟေဟ်မံၚ်တအ်လေဝ် မိက်ဂွံကဵုကတ်လ္ၚတ်ဗ္တောန် မွဲကွတ်ဏံရ တၚ်ဂုဏ်ကဵုအ္စာဗ္တောန်သီုဖအိုတ်ရ ရဴဝွံမိဟေမာနန်ဟီုရ။
ပ္ဍဲကွတ်ဗ္တောန်ဏံ အ္စာဗ္တောန်(၁၂)တၠ ကွးဘာ (၃၁) တၠဒှ်တုဲ စပ်ကဵုကွတ်ဗ္တောန်ဏံ ပထမကိုပ်ကၠာ ပရိုၚ်ညးဍုၚ်ကွာန်တအ် ထေက်ကဵုဒးတီထေက်တအ်ဂှ် ဗွဲမဂတာပ်အခိၚ် ညံၚ်ဂွံတီကေတ်မာန် ကွးဘာတအ်ဏံ ညံၚ်ဂွံရေၚ်တၠုၚ်အာမာန်ကီု သွက်ဂွံရေၚ်တၠုၚ်အာကမၠောန်ရုၚ် ဌာနဗော်နာနာ ဗွဲမဂတာပ်ခေတ်မာန်ဂှ်ကီု ပိုဲရန်တၟအ်လဝ်သာ်ဏံရ ရဴဝွံသ္ကိုပ်အ္စာဘာ နာဲယက္ခဟီုရ။
ဘာကွတ်ဗ္တောန်သၠုၚ်ပတိုန်ဍာ် အစောံစရာဲမၞိဟ်သၟတ်ဝွံ စပ္တံနူစၟတ်တ္ၚဲ ၂၃ ဂိတုမာတ်(ချ်) သၞာံ ၂၀၁၃ စဵုကဵုစိုပ် စၟတ်တ္ၚဲ (၁၀) ဂိတုမေ သၞာံ ၂၀၁၃ ရောၚ်ဂွံတီကေတ်ရ။
(နိဿဲနူ ဌာန်ပရိုၚ်ဗၠးၜးမန် (ဘာသာဗၟာ)ရ)
0 comments :
Post a Comment