မန်မလေဝ်ယှာကၠောန်ဗဒှ်ဏါ ပေါဲသၠာဲဂတးလညာတ်မန်မလေဝ်ယှာ အလန်ဒုတိယ တုဲဒှ်အာဗွဲမအံၚ်ဇၞး

   
    ပေါဲသၠာဲဂတးလညာတ်မန်မလေဝ်ယှာ အလန်ဒုတိယဝွံ လဒေါဝ်တ္ၚဲ ၁း၃၀ မိနေတ် စပံက်ဏါအသေဟာန်တုဲ နာဲဂံၚ်သ္ကာ( ဖက်ဆောညးအုပ်ကါ ဂကောံဟံၚ်ပြာ်မန်) ဂှ်ရေၚ်တၠုၚ်ဏါ နဒဒှ်လျိုၚ်အသေဟာန်ရ။
    ညးဆာန်ဂကူမန်၊ သၟတ်မန်၊ ဂကောံကွာန်နာနာတံ ဗၞတ် (၂၅) တၠပြၚ်ၚ် တိုန်စိုပ်လဝ်တုဲ ပိုဲဒက်ပ္တန်မန်မလေဝ်ယှာဂှ် သွက်ဂွံရီုဗၚ်ဂကူမန် မၞုံတန်တဴမံၚ် မလေဝ်ယှာဖအိုတ်ရောၚ်။ ရဴဝွံ နာဲအကးပေၚ် ညးက္ဍိုက်ပ် (ဂကောံကမ္မတဳထ္မံက်ပ္တန်မန်မလေဝ်ယှာ) ဟီုရ။

    နကဵုလညာတ် မိသိုက်ရတ် (ဂကောံဟံၚ်ပြာ် ညးဗြဴမန်) ဂှ်မ္ဂး မန်တံမိက်ဂွံဂွံမံၚ်ဍုၚ်မန်ဖအိုတ်ရ၊ ဆ္ဂး နဲလဵုဂွံကေတ်ဍုၚ်မန်ဂှ် ပိုဲဒးလ္ၚတ်လဝ်ထေက်ရောၚ်။ လ္ပရံၚ်မံၚ်ပရေၚ်အတ္တ ဇကုသၟး ပိုဲဒးရံၚ်အာဂုဏ်ဖဵုဂကောံ ညးဂမၠိုၚ်ထေက်ရောၚ်။ ဂကောံမန်မလေဝ်ယှာ ဂွံမံက်တိုန်ပြဟ်ဟ်မာန် ပိုဲဒးဂစာန်ဒုန်ညဳညဳထေက်ရောၚ်” ရဴဝွံ ဟီုဏါပ္ဍဲပေါဲသၠာဲဂတးလညာတ်ရ။
    ပေါဲသၠာဲဂတးလညာတ် မန်မလေဝ်ယှာ အလန်ဒုတိယဝွံ သ္ၚဳဂၠိပ်ဗီုပြၚ် ဓဇက်လဝ်လက်သဏ် ညးတာလျိုၚ် မန်မလေဝ်ယှာကီု တုဲပၠန် သွက်သြန်ဂအုံ မန်မလေဝ်ယှာဂွံဒှ်ဂှ် ဇၟာပ်ပ်ဂကူမန် မ္ဒးစုတ်အာ သြန်မလေဝ်ယှာ မွဲဂိတုမ္ဂး (၅) ရေန်ဂေတ်ရောၚ် ဖျေံတဴသ္ဂုတ်သွာတ်အိုတ်ရ။
    မန်ပိုဲလ္ပဖေက်မံၚ်ကဵုကမၠောန်ပံၚ်ကောံညိ ရံၚ်လ္ၚတ်အာ အမေရိကာန်တံစမ် ဍေံၜိုန်ဇြဟတ်ဇၞော်ကီုလေဝ် ဍေံတအ်ပံၚ်ကောံမံၚ်ကဵု မဟာမိတ်ဍေံ NATO,GH, G7 တအ်မဏီ ဟိုတ်ဂှ်ရ ကမၠောန်ပံၚ်ကောံဂှ် သွက်ဇြဟတ်ပိုဲဂွံဇၞော်ဟေၚ်ရ” ရဴဝွံနာဲရာမညအီဆာဲ (ဂကောံကမ္မတဳထ္မံက်ပ္တန် မန်မလေဝ်ယှာ) ဟီုရ။
    ပေါဲသၠာဲဂတးလညာတ်ဂှ် စိုပ် ၄း၂၀ မိနေတ်ဂှ် နာဲဥက္ကာ ဟီုဂလာန်အုပ်ကၠေံနိဂီုရ။ ပေါဲသၠာဲဂတးလညာတ်တ္ၚဲဏံ ၜိုတ်မၞိဟ်တိုန်စိုပ် ၜိုန်အောန်ကီုလေဝ် အဓိက ညံၚ်ဂွံဒှ်ကမၠောန်ဟေၚ်ရ။ ဟိုတ်ဂှ်ရ ပိုဲသက်ဒးစိုတ်ဍောတ်ဟၟဲပုဟ် ညံၚ်ဂွံဒှ်ကမၠောန်ပိုဲဒးကၠောန်ဟေၚ်ရ” သာ်ဝွံဟီုဏါကီုရ။
    ဗီုပေါဲသၠာဲဂတးလညာတ်ဏံကီု ပ္ဍဲတွဵုရး ပဳနာန်တေံလေဝ် ကၠောန်ဗဒှ်ဏါ ပ္ဍဲစၟတ်တ္ၚဲ (၂၄ )ဂိတုမေ သၞာံ (၂၀၁၃) ပ္ဍဲဘာမန် ဗြာတ်ပေတ်နွံရောၚ် ဂွံတီကေတ်ရ။


   ကမ္မတဳထ္မံက်ပ္တန် ဂကောံမန်မလေဝ်ယှာ (ယာယဳ) သ္ပသ္ကိုပ်သ္ကတုဲ ကၠောန်ဗဒှ်ဏါ ပေါဲသၠာဲဂတးလညာတ်မန်မလေဝ်ယှာ အလန်ဒုတိယ ပ္ဍဲစၟတ်တ္ၚဲ (၂၆) ဂိတုမေ သၞာံ (၂၀၁၃) ဒၞာဲဆေၚ်ဖျာသုခဇၞူ၊ အရာပ်တိုၚ်ကြုက်(ဗ္ဒာဲၝောံဍုၚ်ကိုဝ်တာရာယျာ) ဍုၚ်ဇၞော်ကွာလာလာမ်ပူ ကၟိန်ဍုၚ်မလေဝ်ယှာရ။