ပ္ဍဲကဵုစၟတ်တ္ၚဲ ၂၄ ဂိတုမေ သၞာံ ၂၀၁၃ ဂှ် ကၠောန်သ္ပပေါဲသၠာဲဂတးလညာတ် ပ္ဍဲကဵုဘာမန်ဗတ္တဝတ် မၞိဟ်တိုန်စိုပ် အကြာ ၁၀၀ တၠပြၚ်ၚ်တုဲ သဳကၠဳသၠာဲဂတးလညာတ် စပ်ကဵုပရေၚ်ဒက်ပ္တန် ဂကောံပံၚ်ကောံမန်မလေဝ်သျှာ သၠဲသၠဲလးလးအိုတ်ရ။
နူပဳနာန်တုဲ မွဲအဆက်ဓဝ် ပ္ဍဲကဵုစၟတ်တ္ၚဲ ၂၆ ဂိတုမေ ၂၀၁၃ ဂှ် ထပ်ကၠောန်သပဏာ ပေါဲသၠာဲဂတးလညာတ် အလန်ဒုတိယ လ္ပာ်သ္ကုတ် kl ဏံရ ။ ပေါဲသၠာယဂတးလညာတ်ဝွံ နူကဵုဂကောံနာနာ ကေုာံ ပူဂဵုလၟိဟ်ၜိုတ် ၂၀ တၠ တိုန်စိုပ်တုဲ သဳကၠဳဏာပရေၚ်ကမၠောန် စပ်ကဵုပရေၚ်ဂကောံမန်မလေဝ်သျှာ။
ပ္ဍဲပေါဲသၠာဲဂတးလညာတ်ဝွံ နာဲသဵုညောအ် နာဲအကးပေၚ် နာဲရာမညအီဆာဲ မိသိုက်ရတ်တံ လဴထ္ၜးသေၚ်ကလး ဒုၚ်စဳရေၚ်ဏာ ပရေၚ်ကမၠောန်နာနာကီုရ။
အကြာဗုၚ်ဂၞဴပိုဲဂှ် ဂွံဒှ်အာဖဵုသွက်ဂကူဏောၚ် ပိုဲက္တဵုကၠောန်မံၚ် ဟိုတ်ဂှ်ရ ကောန်ဂကူပိုဲတံ ပရေၚ်ဂကူဂှ် သၠုၚ်နူကဵု ပရေၚ်ပူဂဵုဇကု ၜိုန်ရစွံ္ၚေးမးဟွံမာန်ကီုလေဝ် ညံၚ်ဟွံဂွံသဝ်အာနူဇကုဂှ် လွဳၜံၚ်စိုတ်ဓာတ်တုဲ စွံပ္ဍဲပၞးကဵုပရေၚ်ဂကူ ဇကုညိ သာ်ဝွံနူကဵု ဒု ညးက္ဍိုက်ပ်ၜါ နာဲဥက္ကာ ဟီုဏာပ္ဍဲကဵုဂလာန်အုပ်ကၠေံနိဂီုရ။
ပေါဲသၠာဲဂတးလညာတ်ဝွံ နူကဵု နာဲဂံၚ်သ္ကာရေၚ်တၠုၚ်ဏာ နလျိုၚ်အသေဟာန်တုဲ ပ္ဍဲအခိၚ် ၄ နာဍဳ ပြၚ်ၚ်ဂှ် အုပ်ကၠေံနိဂီု အသေဟာန် နကဵုဒွက်ကောန်ဂကူရ။
ဂိတုဂျောန် ၂၃ သၞာံ ၂၀၁၃ ဂှ် ထပ်ကၠောန်သ္ပဏာ ပေါဲသၠာဲဂတးလညာတ် အလန်တတိယ လ္ပာ်သ္ကုတ် kl ပ္ဍဲကဵုဖျာ ဟံသာရာဇာ ပ္ဍဲပူတူတုဲ ပ္ဍဲဂိတုဂျောန် ၃၀ ဂှ် ကၠောန်သ္ပအာကောံဓရီုဇၞော် ဆက်တုဲ ပ္ဍဲဂိတုဂျုလာၚ် ၂၁ ဂှ် ကၠောန် သ္ပအာပေါဲရုဲမာဲ သွက်သ္ဂောံရုဲစှ်အာ ညးတာလျိုၚ် ဂကောံမန်မလေဝ်ယှာရောၚ် သာ်ဝွံသ္ဂောံတီကေတ် နူကဵုညးမ ချဳဒရာၚ်မံၚ် ပရေၚ်ကမၠောန်ဏံမွဲတၠရ။
0 comments :
Post a Comment