အခိၚ်နူဂယး 11.40 နာဍဳဂှ် စပ္တံပံက်ဏာအသေဟာန်တုဲ နာဲဆာန်ဠာန်(M.Y.A) ဂှ် ရေၚ်တၠုၚ်ဏာနဒဒှ်လျိုၚ်အသေဟာန်ရ စၞးသၚ်မွဲဇကု တၠဂုဏ်သြဝါဒ ဟီုပၟိၚ်လဴကလး စပ်ကဵုတ္ၚဲဍုၚ်မန်ဟံသာဝတဳလီုရ။
ဟိုတ်ဍုၚ်မန်ဟံသာဝတဳဂွံလီုဂှ် ဒၟာနူသ္ကိုပ်ပၞာန်ကဵုသၟိၚ်တၠ ဟွံညဳသာ ဒှ်မံၚ်ၜါလွးဂှ်ရ ဟံသာဝတဳလီု ဂွံလီုဂတနူဏံ ညံၚ်ဂွိုအ်ဒှ်ဗီုဏံ မန်တအ်ဂစာန်ညဳသာညိ ရဴဝွံ တၠဂုဏ်သြဝါဒ နွံအသံမြော်ဂလာန်ရ။
သၞာံဏံ အစဳဇန်ဍေန်ပၞာၚ်တုဲ ဗှ်ဗၞုဟ်ဇုဇဗလပိုဲ မ္ဒးစုတိပြဟ်လလုဲအာ ပ္ဍဲ ၁၁၁၉ ဂိတုပသာ် (၈) စွေက် ဂှ်မ္ဂး အဲဂြိုဟ်ချဳတဴဗွဲမလောန်ရ ညးဖ္ဍောတ်ဏာ ကဗျလၚ်္ကာ ပရူဍုၚ်မန်လီုဂှ် ဂွံမိၚ်ဒးတုဲ ပဵုတုဲသော်ဇကုဟရဴဂၠိုၚ်ရ ညးတိုန်စိုပ်အသေဟာန်မွဲတၠ နာဲအကးပေၚ်ဟီုရ။
စပ်ကဵုသၟိၚ်ဗၠာအံၚ်ဇေယျတုဲ ဠပိုဲမံၚ်ဘာပ္ဍဲဍုၚ်တေံ ဒးပါလုပ်ပ္ဍဲဂကောံမပ္တံကဵု (ဘုရၚ်နောၚ် ကျန်စစ်သာ အနော်ရထာ အလောၚ်ဘုရား )ရ ဠစိုပ်အဝဲတီကၠိုဟ်ဂှ် ဂိသကေဝ်စိုပ်အာ ဟိုတ်ဒးပါလုပ်ဂကောံ အလောၚ်ဘုရား ဂှ်ရ ဗွဲစၟတ်ဂှ် အလောၚ်ဘုရား ဝွံ ဒှ်လၟအံၚ်ဇေယျ မဂစိုတ်ကမၠက်လဝ်ဂကူမန်ပိုဲဏောၚ်။
တုဲပၠန် အလဵုသဳဗၟာ ဟီုကြီုကမြဴမံၚ် ဒဳမဵုကရေဇြဳ ဟီုရ ယဝ်ရနွံပၟိက် ဒဳမဵုကရေဇြဳဍာံဍာံပြပြမ္ဂး ပ္ဍဲဗလးပၞာန် နေပျဳဒဝ် မကၠောန်လဝ်ရုပ် အံၚ်ဇေယျဂှ် ရုပ်ထောံပြဟ်ဟ်ညိ ရဴဝွံ မိက်ဂွံအာတ်မိက်ရ သာ်ဝွံ ညးစၞးဂကောံမန် တွဵုရးပဳနာန် နာဲကြက်သြန်ဟီုရ။
အသေဟာန်ဝွံ မန်မၞုံလ္တုဇၞော်ကွာလာလာမ်ပူတအ် မၞုံဗၞတ် (၁၀၀) တၠပြၚ်တိုန်စိုပ်လဝ်ရ။ အလုံမွဲအသေဟာန် ပဠောံသာ်အရံၚ်လစံက် ပေၚ်ထာတ်မံၚ်ဂှ်လေဝ် ဒှ်တၟေၚ်မွဲသာ်ကီုရ။
ဂကူမန်တအ် ဒးဒုၚ်ဂစိုတ်ကမၠက် တုပ်မံၚ်ကဵုဂကူဂျုတုဲ ဗီုဂကူဂျုကလေၚ်ပ္တန်ဍုၚ်အေတ်သရေ မာန်ဂှ် မန်တအ်ဒးဂိုတ်ဂစာန်ပဠေဝ်ပဠေတ်စထေက်ရ ပၟိက်အဲမ္ဂး မိက်ဂွံသၚ်မန်တအ် အာကတ်စ ပရေၚ်ဒက်ပ္တန်ဍုၚ် ဇရေၚ်ဍုၚ်အေတ်သရေထေက်ရောၚ် ရဴဝွံ အဃောကဏ္ဍသၟာန်သွဟ်ဂှ် နာဲကလေန်ဌာန်ဟီုဂးဏာရ။
ဥက္ကဌ ကမ္မတဳကၠောန်ဗဒှ် နာဲဒဳပ ညးအုပ်ကာ နာဲတၠသိုက်တအ်လေဝ် ကတိုၚ်ကၟဟ်ဟ်ဟီုဏာဂလာန်ကီုဂှ် ဂွံဆဵုကေတ်ရ ဗီုလ္တုဍုၚ်ဇၞော်ကွာလာလာမ်ပူကီု တွဵုရးပဳနာန် တွဵုရးအလဵုသတာ (ဒေသ ကၠအ်ထၜိုတ် နာဲပညာသွက်မန် အာက္ဍိုပ်တုဲ ကၠောန်သ္ပဏာ တ္ၚဲဍုၚ်မန်ဟံသာဝတဳလီု ပေၚ် (၂၅၆) သၞာံရောၚ်ကီုရောၚ် ဂွံတီကေတ်ရ။
0 comments :
Post a Comment