ဝၚ်အတ္ထုပ္ပတ္တိ
ဒုဥက္ကဌဗဟဵု ဗော်ဍုၚ်မန်တၟိ
နာဲရဿ
ပ္ဍဲသက္ကရာဇ် ၁၉၄၆ ဂိတုဒဳဇြေမ်ဗာဂှ် က္တဵုဒှ်မၞိဟ် နူမအံက်နာဲမိုၚ်ၚ် မိ မိဖူသိၚ် ပ္ဍဲကွာန်ကၠအ်သတ် ပွိုၚ်ဍုၚ်မုဟ်ဍုၚ်ရ၊ ယၟုအရၚ်ဂှ်ကော်ခဴစ မာံယှိုဲယေန်ရ၊ စှ်ေဒၞာဲထပ်တဲကဵုသ္ဂံၚ်ဗြဴမိတၞာၚ်ဗၠဲ (ညးဗပေၚ် ပါရမဳခိုဟ်လ္တူတြုံတၠသ္ၚိမွဲ) တုဲ က္လိဂွံကောန်ဖျုန်ဂြိုဟ် ၅ ရ၊
ကတ်လ္ၚတ်လဝ်ပညာ စပ်ကဵုပရေၚ်ပိုန်ဒြပ် B.Com RA Final ရ၊ သက္ကရာဇ် ၁၉၇၁ ဂှ် စိုပ်ကၠုၚ် တိဍာ်ပၠန်ဂတးတုဲ ကေတ်ကၠုၚ်တာလျိုၚ် ပ္ဍဲဗော်ဍုၚ်မန်တၟိရ၊
သက္ကရာဇ် ၁၉၈၁ ဂှ် ကေတ်ကၠုၚ်တာလျိုၚ် ကမ္မတဳဗဟဵုရ၊ သက္ကရာဇ် ၁၉၉၁ ဂှ် ယိုက်ဂၠေၚ်ကၠုၚ် တာလျိုၚ် ဖက်ဆောညးအုပ်ကာ ဗော်ဍုၚ်မန်တၟိရ၊ ၁၉၉၇ စိုပ် ၂၀၀၂ ဂှ် ကေတ်ကၠုၚ်တာလျိုၚ် နဒဒှ်ညးအုပ်ကာ ဗော်ဍုၚ်မန်တၟိရ၊ စနူသၞာံ ၂၀၀၃ စဵုဥက္ကဌထေန်စုတိ ကေတ်ကၠုၚ်တာလျိုၚ် ဒုဥက္ကဌ လၟိဟ် (၂) ရ၊ ကြဴနူဂှ်တုဲ စဵုကဵုစုတိအာ ကေတ်ကၠုၚ်တာလျိုၚ် ဒုဥက္ကဌဗဟဵု ဗော်ဍုၚ်မန်တၟိရ၊
နာဲရဿဝွံ ဒှ်ညးက္ဍဟ်ခိုဟ်တုဲ ဒှ်မၞိဟ်ကေက်သ္ကာမွဲတၠရ၊ ချူလိက်ခိုဟ်၊ ဟီုဂးကလိတ်ကလောတ် ပြေပြံၚ်ကုညးဂမၠိုၚ်ရ၊ အခိၚ်ကမၠောန်သၠးမ္ဂး မိပ်ပ်ဇြိပ်ပ်မံၚ်လေပ်တုဲ စပ်ကဵုပရေၚ် စသုၚ်မံၚ်စံၚ်ပၠန်လေဝ် က္ဆံၚ်တုပ်ကုညးသၟဝ်တံရ၊
လိက်ပရေၚ်၊ ကဗျ နဘာသာ မန်-ဗၟာ ကေုာံ လိက်လလောၚ်တြးဗော် ဗွဲမဂၠိုၚ်ချူကၠုၚ်ရ၊ ပ္ဍဲကဏ္ဍ ကဗျဝွံ ကဗျမၞုံယၟု “ဒၞာဲဇိုၚ်” ဂှ် ဍိုက်ပေၚ်ကဵုအဓိပ္ပါယ်တုဲ သီုသ္ဒးသ္ပအ္စာံဂှ်ရ ကဗျဝွံပြာကတ်တဴဗွဲမလောန် ရ၊
0 comments :
Post a Comment