မန်မလေဝ်ယှာတအ် ရန်တၟအ်ကဵုသွက်သ္ဂောံရီုဗၚ် ပ္ဍဲကဵုပရေၚ်လွဳပရာယဲ
ဒုဥက္ကဋ္ဌဗဟဵု ဗော်ဍုၚ်မန်တၟိ နာဲရဿတုဲ ပကောံသြန် ကလိဂွံသြန်ၜိုတ် 3600
ရေန်ဂေတ်ရ။
နကဵုပူဂဵုကီု နကဵုဂကောံကီု ပိုဲတအ်ဗက်တုဲ ညးလ္ၚဵုစေတနာနွံ စေတနာက္တဵုဒှ်ကၠုၚ်တုဲ ကၠုၚ်စုတ်လေဝ်နွံ သာ်ဝွံ ညးမဘိုၚ်ချဳဒရာၚ်မံၚ်စပ်ကဵုပရေၚ်ဏအ် နာဲဥက္ကာ (ဥက္ကဋ္ဌ) ဂကောံသၟတ်မန်တိဍာ်ဗၠးၜး သ္ကုတ်မလေဝ်သျှာ လဴထ္ၜးရ။
မူဟိုတ်ဒးကၠောန်ရော ယဝ်ရသၟာန်မ္ဂး ထံက်ပၚ်က္ဍိုပ်သ္ကိုပ်လေဝ် ဒှ်ပရေၚ်ဂကူရ ညးတံအာဂတပၠတရဴ သွက်ဂကူလအ်ကွေံရ လၟုဟ်ညးယဲဂှ် ပိုဲထံက်ပၚ်ဟွံမာန်တှ်ေ ပိုဲဂှ်ပရေံကွေံ ညးကၠောန်မံၚ်သွက်ပိုဲဏောၚ် ညးတံကၠောန်မံၚ်အတေံဂှ်ရ ပိုဲဂွံကၠုၚ်ကၠောန်စအဏအ် ယဝ်ရပရေၚ်ချဳဒရာၚ်ညးတအ်ဟၟဲမ္ဂး ပိုဲလေဝ်တန်တဴအာအဏံဟွံဂွံပုဟ် ဗီုပြၚ်ဆက်စပ်ဗီုဏံ ပ္ဍဲကောန်တၟအ်ဂကူပိုဲတအ် ဒးကၠိုဟ်လဝ်ဏောၚ်။
က္ဍိုပ်သ္ကိုပ်ဖအိုတ် သုခဒုက္ခညးတအ်ဂှ် ဂကူမန်ပိုဲဒးရံၚ်စံၚ်ဏောၚ် ဒးတီလဝ်ဏောၚ် တီဆဇကုကၠောန်စမှ တီဆသွက်ဇကုသၟးမ္ဂး ခယျပိုဲတံဒှ်တသိုက် ဒဒိုက်ဂကူမန်ဂှ် တုပ်မံၚ်ဖအိုတ်ရ ဘဝဍိက်ဏောၚ် လောဲလေဝ်လောဲ ပ္ဍဲဘဝဍိက်ရ ဒှ်သေဋ္ဌဳလေဝ်သေဋ္ဌဳဍိက်ရ အေဂှ်ရ ကုက္ဍိုပ်သ္ကိုပ် ဗော် ဂကောံ မကၠောန်မံၚ်သွက်ဂကူဂွံဗၠးၜးဂှ် ဂကူမန်ပိုဲဒးကဵုဇြဟတ်ဏောၚ် ဒှ်ဂကူမန်မွဲ ပရေၚ်ဂကူမန်မုဟွံကၠိုဟ်ဂှ် ဒှ်ဟွံထေက်ပုဟ် ဂျိုၚ်မံၚ်တိဇြိုၚ်ဂှ် ဟွံမိက်ကဵုဒှ်ပုဟ် ဂကူတၞဟ်ဟ်လ္ပဟီုဏီ တိရစ္ဆာန်မှ ဂကူဍေံဍေံဆာန်မံၚ်ဏီတှ်ေ ဂကူမန်ပိုဲဂကူဇကုဇကုဟွံဆာန်မ္ဂး ဒှ်မၞိဟ်ပရေံနူတိရစ္ဆာန်ဏီဂှ် ဟွံမိက်ကဵုဒှ်ပုဟ် သာ်ဏံ သၟတ်မန်မွဲတၠ ဟီုဂးဏာပရေၚ်ဒးဒုၚ်စသိုၚ်ညးတေံရ။
 |
| ဗီုသမ္ဘ ာနာဲဥက္ကာ သ္ပစၞးကဵုမန်မလေဝ်သျှာတုဲ ဗဂိန်ကဵုဒၟံၚ်ဝတ္ထုဒါန် ကုဒုဥက္ကဌဗဟီုဗော်ဍုၚ်မန်တၟိ နာဲရဿ |
နာဲရဿဝွံ ၁၉၇၁ ဂှ် စိုပ်ကၠုၚ်တိဍာ်ပၠန်ဂတး ၁၉၈၁ ကေတ်တာလျိုၚ်ကမ္မတဳဗဟဵု ၁၉၉၁ ဂှ် ဒှ်ဖက်ဆောညးအုပ်ကာ ဗော်ဍုၚ်မန်တၟိ ၁၉၉၇-၂၀၀၂ ဂှ် ညးအုပ်ကာဗော်ဍုၚ်မန်တၟိ ၂၀၀၃ စဵုကဵုလၟုဟ် နဒဒှ် ဒုဥက္ကဋ္ဌ ဗော်ဍုၚ်မန်တၟိကေတ်တာလျိုၚ်ရ။
လၟုဟ်ညးယဲတုဲ နွံမံၚ်ပ္ဍဲကဵုဝၚ်္ကရ ကောန်ဂကူမန်ပိုဲတအ် သၟိက်မိက်ဂွံရီုဗၚ်ထံက်ပၚ်ညးမ္ဂး ကေတ်အဆက်ကဵုရုၚ်ဆက်ဆောံ ဝၚ်္က နကဵုဂၞန်စက် +0634595149 မာန်ရ။
0 comments :
Post a Comment