အသေဟာန်ဒှ်လၞီဂှ် ဗ္တံ (၁၀)နာဍဳ စပံက်အသေဟာန်တုဲ နာဲဂံၚ်သ္ကာ မာံဇာတာ တအ်ရေၚ်တၠုၚ်ဏာ လျိုၚ်အသေဟာန်ရ။
ပထမကိုပ်ကၠာ် ဥက္ကဌ (M.Y.A) နာဲဥက္ကာ ဟီုဂလာန်ပံက်အသေဟာန်။ နာဲလွဳမာန် ဗှ်ထ္ၜးအတ္တုပ္ပတ္တိ အ္စာရဿ။ နာဲမဟူမာန် ဗှ်ထ္ၜးလိက်သဝဏ် နူဌာန်ကောံသၟတ်မန်(M.Y.F) မၞုံပ္ဍဲဍုၚ်မန်တေံဂှ်ကီု သ္ဂံၚ်စှ်ေနူဗော်ဍုၚ်မန်တၟိ နာဲရာမညအီဆာဲ လဴထ္ၜးဗီုကေၚ်မံၚ်လဝ် ကရောံအ္စာရဿ( မွဲဌာန်ဂအုပ်ရုၚ် ) တေံကီု။ တၚ်ဒၠောံဗ္တောန်အ္စာရဿဂမၠိုၚ် ပံက်သြိုဟ်တဴရ။
နာဲကောဆာန် (M.Y.A) ဗှ်ထ္ၜးလိက်သဝဏ်အောန်စိုတ် ဂကောံသၟတ်မန် (M.Y.A) ဍုၚ်မလေဝ်ယှာရ တုဲမ္ဂး ညးစၞးဂကောံရုၚ်ဟံၚ်ပြာ်မွဲတၠ နာဲကယျိုၚ်မန်ဟီုဂလာန်ရ။ အစဳဇန်တၟေၚ် သ္ဂံၚ်ဗော်ဍုၚ်မန်တၟိ နာဲမေတ် (ကွာန်ပ္ၚ) တိုန်စိုပ်လဝ်နဒဒှ် သဘာပတိကီု သ္ဂံၚ်တြေံဗော်ဍုၚ်မန်တၟိ နာဲဂံၚ်သ္ကာ သီုလဴထ္ၜးဗီုကေၚ်မံၚ်လဝ် ကရောံအ္စာရဿဂှ်ကီု ဒွက်အ္စာရဿဒယှ်ေမံၚ်မွဲနှေံမွဲနှေံ ညးတအ်တိၚ်တိုက် ဒယှ်ေထ္ၜးကဵုသီုလၞီလၞာ်ရ။
နာဲဝၚ်မန် နာဲဆာန်ဠာန် နာဲဝၚ်တၟး တအ် ၜိုတ်ဆဵုဂဗကေၚ်မိၚ်ဂှ် ပံက်သြိုဟ်ဟီုလဴထ္ၜးကီုရ။အသေဟာန် ဝွံ စိုပ် ၁၁ နာဍဳ ၁၃ မိနေတ် လ္ဒောဝ်ဗ္တံဂှ် အာစိုပ်ဒတုဲတုဲ သၟတ်ဆာန်ဂကူ ညးဍုၚ်ကွာန်ဆာန်ဂကူ ဗၞတ် (၂၀) တၠပြၚ်ၚ် တိုန်စိုပ်လဝ်ရောၚ်ဂွံရောၚ်။
0 comments :
Post a Comment