ပ္ဍဲကဵုအသေဟာန်ဂှ်ကီုရ၊
အစဳဇန်ဍေန်ပၞာၚ်ဂှ် ကၠောန်အာဗွဲတၟေၚ်ရောၚ် ဗီုရာရာသၞာံဂှ်ရ ပိုဲတံဆက်ကၠောန်အာဏောၚ် သၞာံဏံတှ်ေ ချိၚ်လဝ် ညးတိုန်စိုပ်ဂၠိုၚ်ညိဏောၚ်ထေၚ်ကေတ်ရ သာ်ဝွံ ညးမချဳဒရာၚ်မံၚ်နဇိုၚ်နတဲမွဲတၠဟီုရ၊
သွက်ဂွံဟတောဲကဝါ် ကဵုဇြဟတ်ဒရိုဟ်ကဵုဂကောံကွာန်တံတုဲ နူကဵုဂကောံလျးစရာဲအနာဂတ ပွိုၚ်တိုက်နာၚ်သၠုၚ် ကေတ်ဏာတာလျိုၚ်ဥက္ကဌ၊ ဂကောံကွာန်ကံဝါန်၊ ဂကောံကွာန်အနေၚ်၊ ဂကောံကွာန်ခၟိုၚ်တံပါလုပ်ရ၊ ကရောံဏံဂှ် မန်မလေဝ်သျှာ (ယာယဳ) တံလေဝ် နဇိုၚ်နတဲပါလုပ်ဘိုၚ်ကၠောန်အာကီုရောၚ်၊
သက္ကရာဇ်ဍုၚ် ၁၁၁၉ ဂိတုပသာ် ၈ စွေက် လောန်ကၠုၚ် ၂၅၆ သၞာံတေံ ဍုၚ်မန်ဟံသာဝတဳလီုကၠုၚ် အလန်လက္ကရဴအိုတ်တုဲ ဂကူမန်တံ ဒးဂြိပ်ဒဴ ဒးဒုၚ်ဘဲဒဏ်နာနာ သီုဍုၚ်ဒးဆောံလေၚ်ကၠုၚ်ဂှ်ရ စိုပ်ကၠုၚ်တ္ၚဲဏံမ္ဂး ဂကူမန်တံ သွက်ဂွံဂွံကလေၚ်ဂွံသတိ ဍုၚ်မန်ဇကုလီုအာကီု၊ သွက်သ္ဂောံကလေၚ်ဗှ်ဗၞဟ် ဇုဇဗဴလဇကုကီုတုဲ စၟတ်သမ္တီက္တဵုကၠောန်ကၠုၚ် တ္ၚဲဍုၚ်မန်ဟံသာဝတဳလီု ဂြုဂြုဂြီုဂြီုအိုတ်ရ၊
0 comments :
Post a Comment