ပ္ဍဲကောံဓရီု ကာမံက်တိုန် ကမ္မတဳဗဟဵု ဗော်ဍုၚ်မန်တၟိဂှ် ရုဲစှ်ဏာ နာဲဟံသာ နဒဒှ် ဒု ဥက္ကဌဗဟဵု

ကောံဓရီုကမ္မတဳဗဟဵု ဗော်ဍုၚ်မန်တၟိ (ကာမံက်တိုန်) ဂှ် ကၠောန်ဗဒှ်ဏာ ပ္ဍဲစၟတ်တ္ၚဲ ၁၃ ဂိတုနဝ်ဝေန်ဗာ သၞာံ ၂၀၁၃ ဒၞာဲၝောံခန် ဌာန်ဂအုပ်ဗဟဵု ပ္ဍဲဌာန်ဂအုပ်ဗဟဵု (ဒေသကၞောတ်ၜဳရေဝ်)ရ။
ပ္ဍဲကောံဓရီုဂှ် သ္ၚဳဂၠိပ်ပ္တိုန်ထ္ၜး လ္တုပေဲါဆဵုဂဗသဳကၠဳ ကုအလဵုသဳဗၟာ တွဵုရးကချေၚ် ဍုၚ်မျေတ်ဂျဳဏာဂှ်ကီု ပ္တိုန်ထ္ၜးသဳကၠဳလ္တုတၚ်နၚ်
က္လိဂွံနူသဘၚ်သဳကၠဳ ဂကောံရပ်လွဟ်ပၠန်ဂတးဂမၠိုၚ် (ကၠောန်ဗဒှ်ဒၞာဲဌာန်ဂအုပ် K.I.O ဍုၚ်လာၚ်ကြာ) ဂှ်ကီု ဒၞာဲညးအာက္ဍိုပ်ယှအ်ဒၟံၚ်ဂှ် ထပ်ဗပေၚ်တဴရောၚ် ဂွံတီကေတ်ပ္ဍဲ ဌာန်ပရိုၚ်ဗၠးၜးမန် ဌာန်ပရိုၚ်ၜိုပ်ထဝ် ဌာန်ပရိုၚ် မဇ္ဇျိမ တအ်ရ။
ပ္ဍဲဒၞာဲဗပေၚ်ညးတာလျိုၚ်ယှအ်ဂှ် နာဲဟံသာ (ညးအုပ်ကာနာနာ)ဂှ် နဒဒှ် ဒု ဥက္ကဌဗဟဵု ။ နာဲအံၚ်မေန် (ဖက်ဆောညးအုပ်ကာနာနာ(၁) )ဂှ် နဒဒှ်ညးအုပ်ကာနာနာဗဟဵု။ နာဲဇဲယ (ဖက်ဆောညးအုပ်ကာနာနာ (၂) )ဂှ် နဒဒှ်ဖက်ဆောညးအုပ်ကာနာနာ (တၚ်စၟတ် နာဲဇဲယဂှ် နူတၚ်သ္ဂုတ်သွာတ်ကောံဓရီုဂှ် မ္ဒးဒးနုက်တိတ်နူ ညးက္ဍိုက်ပ်ပၞာန်တုဲ မ္ဒးကေတ်တာလျိုၚ် သွာၚ်ပၠတရဴဗော်ပေၚ်ၚ်)ရ။
ပ္ဍဲကမ္မတဳပၞာန်ဗဟဵု ယှအ်အာဂှ် ဗပေၚ်ကဵုတာလျိုၚ် နာဲလျးဂကူဂှ် နဒဒှ်ညးက္ဍိုက်ပ်ပၞာန်ဗဟဵု။ နာဲဗညာမသာန်ဂှ် ဒု ညးက္ဍိုက်ပ်ပၞာန်ဗဟဵုတုဲ နဒဒှ်ကမ္မတဳပၞာန်တၟိ (၂)တၠဂှ် ဒုသ္ကိုပ်ဗိုလ်ဇၞော် ဟံသာ (ခ္ဍဟ်) ကေုာံဒုသ္ကိုပ်ဗိုလ်ဇၞော် သာန်အေ တအ်မဒှ်ရ။
ပ္ဍဲဒၞာဲကမ္မတဳဗဟဵုယှအ်အာဂှ် ဗပေၚ်စုတ်ကမ္မတဳအရန် (၂) တၠဂှ် ဒုသ္ကိုပ်ဗိုလ်ဇၞော် အာမ်သိုက်ဆာန် ကေုာံ သ္ကိုပ်ဗိုလ် ဂျဳသာန် ဂှ် နဒဒှ်ကမ္မတဳဗဟဵုပေၚ်ၚ်ရောၚ် ဂွံတီကေတ်ရ။

                                                                       ကောန်ဗော်စိုပ်ဌာန်သ္ၚောဲမွဲတၠ