ဂကောံ UNFC ကေုာံ ဒဝ်အံၚ်သာန်သုဂျဳတအ် ဆဵုဂဗညးသ္ကအ် ပ္ဍဲသ္ၚိ ဒဝ်အံၚ်သာန်သုဂျဳ မၞုံလ္တူ ဍုၚ်လ္ဂုၚ် ဂၠံၚ်ဇၞူ တက္ကသဵုတုဲ ဗွဲလ္တူတေံ မ္ဒးပံက်ဟီုဏါရ။
“ကောန်ဍုၚ်အရၚ်တအ်ဂှ် နွံပၟိက်ကဵုဒပ်ပၞာန် မကိတ်ညဳကဵု ကၟိန်ဍုၚ်ပံၚ်ကောံဇေတ်တ်မွဲရ။ ဟီုဟဂှ်တှ်ေ မံၚ်တန်တဴ ပ္ဍဲကၟိန်ဍုၚ်ပံၚ်ကောံရတှ်ေ ဒးသိုၚ်ခၞံဒက်ပ္တန် ဒပ်ပၞာန်မကိတ်ညဳကဵု ဍုၚ်ပံၚ်ကောံရဒှ်” ရဴဝွံဒဝ်အံၚ်သာန်သုဂျဳ ဟီုရ။
“ဒဝ်အံၚ်သာန်သုဂျဳဂှ် လုပ်ကေတ်ပေါဲဗ္တိုက် စပ်ကဵုပလေဝ်သၞောဝ်ဥပဒေ ၂၀၀၈ ပ္ဍဲကၠတ်ထဝ်တုဲ ပိုဲဂှ် ဂွံလုပ်ကၠောန် ပ္ဍဲကၠတ်ထဝ်လေဝ်ဟွံဂွံတှ်ေ လုပ်ပေါဲဗ္တိုက်မ္ၚးကၠတ်ထဝ် သွက်အခေါၚ်အရာ ကောန်ဂကူ ကောန်ဍုၚ်အရၚ်တအ် ဂွံဍိုက်ပေၚ်မာန်ဂှ် သၞောဝ်ဥပဒေသ္ဇိုၚ်ဒက်ပ္တန် ကၟိန်ဍုၚ်ဒးက္လေၚ်ချူတၟိရောၚ်” ရဴဝွံ ညးအုပ်ကာနာနာ UNFC နာဲဟံသာဟီုရ။
“ပေါဲဆဵုဂဗကဵု ဒဝ်အံၚ်သာန်သုဂျဳဂှ် ၜိုတ်ဆအယာံမာတ် လှာဲဂတးလညာတ်ညးသ္ကအ်တုဲ စဵုကဵု ကောံဓရီု ဖျေံသ္ဂုတ်သွာတ် မွဲမွဲဟွံသေၚ်ပုဟ်၊ သွက်ဂွံဒက်ပ္တန် ဓဝ်ၜိုဟ်လလမ်ထာဝရ အလုံကၟိန်ဍုၚ်မွဲဂှ် ကောန်ဍုၚ်အရၚ်တအ် အာတ်မိက်ဒၟံၚ် ဒဝ်အံၚ်သာန်သုဂျဳ နဒဒှ်ညးသက်သဳမွဲတၠဂှ်ကီု၊ သွက်ဂွံပံၚ်တောဲရေၚ်တၠုၚ် အာဂှ် ပိုဲဘိက်ကော်ဒၟံၚ်လၟိုန် သွက်ဂွံကလိဂွံ ပရေၚ်ၜိုဟ်လလမ်ထာဝရ အလုံကၟိန်ဍုၚ်မွဲဂှ် သၞောဝ်ဥပဒေ ၂၀၀၈ ဂှ် ပလေဝ်အာဗွဲစၟတ်ရောၚ်” နာဲဟံသာဟီုတဴရ။
“သရောပ်ဟီုတှ်ေ ပိုဲတအ်နွံပၟိက်ဒၟံၚ်ဖအိုတ်ဂှ် ကၟိန်ဍုၚ်ပံၚ်ကောံ ဒုၚ်သ္ဇိုၚ်ကဵု ဒဳမဵုကရေဇြဳရ။ သွက်ဂွံဂွံ ကၟိန်ဍုၚ်ပံၚ်ကောံ မဒုၚ်သ္ဇိုၚ်ကဵု ဒဳမဵုကရေဇြဳ ဂွံမံက်ဂတဝ်မာန်ဂှ် ဗီုပြၚ်သၞောဝ်ဥပဒေ ၂၀၀၈ဏံ ဟလဵုသ္ပလေဝ် အာဟွံစိုပ်ပုဟ်၊ ဟိုတ်ဂှ်ရ ပိုဲတအ်သီုဖအိုတ် ဒးပံၚ်ကောံရေၚ်တၠုၚ်အာမှ ဂွံစိုပ်မာန်၊ အတိုၚ်ကောန်ဍုၚ်အရၚ်တအ် နွံပၟိက်ဂှ် နကဵုအဲ ဖ္ဍိုက်ဗပေၚ်ဒၟံၚ်တွဵုရောၚ်” ရဴဝွံ ဒဝ်အံၚ်သာန်သုဂျဳ ထပ်ဟီုရ။
ဂကောံ UNFC ဝွံပ္ဍဲစၟတ်တ္ၚဲ ၂၅ လဒေါဝ်တ္ၚဲဂှ် ထပ်ဆဵုဂဗကဵု“ဂကောံမဟာမိတ်ကောန်ဂကူ ကောန် ဍုၚ်အရၚ်ညဳသၟဟ် UNA လ္တူဍုၚ်လ္ဂုၚ် ဒၞာဲရုၚ်ဌာန်ဂအုပ် SNLA တုဲ သွက်ပရေၚ်ၜိုဟ်လလမ် ကေုာံ ကၟိန်ဍုၚ်ပံၚ်ကောံ သ္ဂောံမံက်ဂတဝ်မာန် ပံၚ်တောဲထၟံက်အာရုပ်ရဴရောၚ် ကလိဂွံတၚ်တုပ်စိုတ်တုဲ ပ္တိတ်လဝ်လိက် လလောၚ်တြး ပ္ဍဲစၟတ်တ္ၚဲဂှ်ရ။
မိဇၟန်ပ္ကဴ
ဌာန်ပရိုၚ်ဗညာဓရာံ
နိဿဲနူ- ဌာန်ပရိုၚ်ဨရာဝတဳ
0 comments :
Post a Comment