ညးဟၟဲကဵုလိက်အုပ်တအ် ဒးဒုၚ်ထိၚ်ဒဝ်ဗွဲမဂၠိုၚ်ဂၠၚ်တုဲ ပရေၚ်ကိစ္စဗၠာဲသၟိၚ်တအ် ရပ်ဗတေၚ်ဒၟံၚ်အသိၚ်ဗီုဏံ ဝွံ ဆက်စပ်ဒၟံၚ်ကဵု ပဋိပက္ခ ပ္ဍဲကၟိန်ဍုၚ်ဗၟာ အကြာကောန်ဗုဒ္ဓဘာသာ ကေုာံ မူသလေန်တအ်ရောၚ် သၟာကမၠောန်ကောန်ဍုၚ်ဗၟာမွဲတၠ ဟီုလဴရ။
ညးမၞုံကဵုလိက်အုပ် ဗွဲမလုပ်သၞောဝ်တအ်ဂှ်လေဝ် ပ္ဍဲဍုၚ်ဇၞော်ကွါလာလာမ်ပူဏံ ဒၞာဲလဵုအာအာ ဒးဒှ်မံၚ်ဓဝိၚ်ရ လ္ပာ်တိုၚ်ကြုက်တေံမ္ဂး ဗၠာဲသၟိၚ်မၞုံကဵုကယျိုၚ် အရာပ်စၟဳစၟတ်ဂၠိုၚ်ကွေံကွေံ “ရဴဝွံ ညးမံၚ်တန်တဴကၠုၚ် အရာပ်တိုၚ်ကြုက်မွဲတၠ ဥုဂျဳအံၚ် ဟီုရ။
ပ္ဍဲအရာပ် သာဠာယျာံ ဂှ် ကောန်ဍုၚ်မလေဝ်ကီု နဳပဵု ဖိလေတ်ပိုၚ် အေန်ဒဵုနဳယှာ ဂလာတအ် နွံတန်တဴဂၠိုၚ်တုဲ ပြသၞာမွဲနှေံနှေံကတဵုဒှ်ရ။ ဒၟာနူဌာန်ပရိုၚ်တအ် ထ္မံက်ထ္ၜးဂၠိုၚ်တုဲ ညးမၞုံအလဵုသဳဗၟာလေဝ်ကၠုၚ်စိုပ် လဝ်ဂှ်ရ ယီုလှဲလးကၠုၚ်ညိ “ရဴဝွံ ဥုဂျဳအံၚ် ဆက်ဟီုရ။
ညးမၞုံအရာပ် Sun Way မွဲတၠ ဥုခေန်မျေတ်ဂှ် “သေဌဳကြုက်တအ်ဂှ် ဒးစိုတ်ကောန်ဍုၚ်ဗၟာဂၠိုၚ်တုဲ ဒးဒုၚ်ရပ်အာဗီုဗီုဏံ ဍေံဟၟဲပၟိက်ပုဟ် ရဴဝွံဟီုရ။
သေဌဳတၠကမၠောန်လ္ၚဵုဂှ် ကၠောန်ကဵုသၟာကမၠောန်ညး စဵုကဵုကလိဂွံ”ပါမေတ်” (ဗွဲမလုပ်သၞောဝ်) တုဲ သုၚ်စောဲစကာတဴသၟာကမၠောန် ကောန်ဍုၚ်ဗၟာတအ်ရ ကောန်ဍုၚ်ဗၟာဂမၠိုၚ်ဂှ် ဂိုတ်ဂစာန်ကမၠောန်ဂၠိုၚ်ကွေံကွေံ ပွိုၚ်(၁၂) နာဍဳလေဝ် ကၠောန်မာန်မံၚ် သၟာကမၠောန်ကောန်ဍုၚ်မလေဝ်ယှာ( ဂကူမလေဝ်) တအ်ကၠောန်ဟွံမာန်ပုဟ် “ရဴဝွံ ညးဆက်ဟီုရ။
သၟာကမၠောန် ကောန်ဍုၚ်ဗၟာ လုပ်ကၠောန်ဒၟံၚ်ကမၠောန် ပ္ဍဲဍုၚ်မလေဝ်ယှာ မၞုံ (၂၅၀၀၀၀) ပြၚ်ဒှ်တုဲ သၟာကမၠောန်ဗၞတ် (၁၀၀၀၀၀) တၠပြၚ်ၚ်ဂှ်ရ မၞုံကဵု”ပါမေတ်”တုဲ သှ်ေနူဂှ် ရဲရပ်လဝ်ကာဒ် UNHCR ကေုာံ ရဲမုဟၟဲ( မုလိက်အုပ်ဟၟဲ) တအ်မဒှ်ရောၚ် ဂွံတီကေတ်ရ။
မိဇၟန်ပ္ကဴ
ဌာန်ပရိုၚ်ဗညာဓရာံ
(နိဿဲ နူဌာန်ပရိုၚ် ဨရာဝတဳ)
0 comments :
Post a Comment